المشاركة الأصلية كتبت بواسطة علي المفش
وادفنه تحت البلاطة وخلك حريص .. ومن الآن .. اللي يحتاج قروشه بعد اسبوعين والا شهر ترى يمكن يبيع بخساره .. لكن اللي بينساها سنه يمكن يدبل قبلها والحال المستقبلي بيحدد .. كنت ناوي أكتب فيها موضوع من زمان لكن اسعار البتروكيماويات أقلقتني .. السهم البتروكيماوي مشكلة إذا صار مكرره عند الـ 12 والاسعار مهدده وكان مرتفع كثير عن قيمته الإسمية ولهذا السبب نصحتكم بترك ينساب والنتيجة واضحة في الشاشة .. والفرصة ممتازة لا صارت تتمثل في سهم مثل بتروكيم مكرره أقل من عشرة وباحتمال قد يصل لنسبة 100% حسب ماهو مخطط له حتى بمستوى الأسعار الحالية وأقل .. ومع البحث بيوصلكم التحليل ومجموعة المقارنات على دفعات إن شاء الله لأني لو حاولت أجيبها مرة وحدة ما أظن اكتب الموضوع لو بعد سنه .. والشركة صعب جداً تخسر ودخلتها بكامل السيولة لحد ما تتراجع أسعار المنتجات ساعتها نرجع نقرر والا أبنشب في السهم .. واللي كان مخوفني إن الأسهم الأخرى الجيدة تنزل وتفقد ميزتها بحكم إن باقي لها أكثر من سنة وتنتج حسب المخطط .. وبعد الارتداد للاسعار الاسبوع الماضي علينا ننتبه .. الاسعار هذي مشكلة وتخليك تغير رايك في الشهر مرتين والا يفوتك القطار في الغالب .. المرونه مطلوبه وتغيير الاتجاه وعدم الركون لفكرة سلبية أو إيجابيه مهم في قطاع البتروكيماويات لأنه ما ينتظر بحكم خارجية سوقه وطبيعة تحرك أسعار منتجاته .. التكهرب وقت ارتفاع الاسعار والأسهم مطلب وميزه .. والتخوف وأسعار الأسهم الجذابه رخيصه حتى لو المنتجات رخيصة أشوفه سلبي وعيب من عيوبنا والتجارب تؤكد هذا الرأي ..
أحلى الفرص تكون في الأسهم في الشركات البتروكيماوية القريبة من قيمتها الإسمية ولقيمها ممتاز ومنتجها مرغوب وهامش ربحه عالي ورأسمالها صغير .. بتروكيم فيها كل المواصفات .. ماهي مثل ينساب في الربحية لكن سعرها ممتاز ومغري ويوصلها من زوايا أخرى إنها تكون كفرصة أفضل وأكثر أمان .. وكل شهر وكل أسبوع وكل يوم يمر بين أسهم الشركتين وهم في ثبات يرفع أكثر من جاذبية سهم بتروكيم ويأهله إنه يكون 60% من سعر ينساب أساسياً .. والنسبة يمكن تكون أعلى وأرجح ذلك ..
اللي متعبه السوق وخسران ولا له في المضاربه ولا يحتاج قروشه بعد أشهر يفلح .. السهم الوقت معه .. يزيد كميته مع الارتفاع أو مع الوقت ويخلي له قانون شرائي خاص فيه ويرتاح له .. وبمستوى الأسعار الحالية سعر السهم المفروض ما يصير أقل من 20 بمقاييس السوق التاريخية بمستوى الأسعار الحالية لو غلبت الروم وأنتجت تجريبي وماهو تجاري .. لكن العيب الوحيد الإنتاج وتعثره أو تأخره .. هذا هو العيب الوحيد في السهم .. ولو ارتدت الأسعار للمنتجات في الأسابيع أو الأشهر الجايه بتلاقي السهم يسابق الريح لفوق العشرين في الفترة القادمة وبيتناتفونه الصناديق .. أتمنى إنك تستفيدون بتخصيص مبلغ استثماري ثابت في هذي الشركة وتبعدونه عن مغريات المضاربة مثل ما صار في ينساب واللي بيصير بإذن الله في هذي الشركة لكن الوقت في علم الله عز وجل ..
الشركة تستاهل والسهم آمن وما راح ينكب أحد إن شاء الله إذا فهم التوصية صح .. واللي مقترض وعافس نفسه بقرض ومنسده نفسه عن الحياة والا اللي عنده بيت بيعمره وخايف يطفر لا بدا في التشطيب يتوكل على الله ويدخل السهم على دفعات ويصبر إن كان ماله هدف ثاني يثق فيه ويزيد قروشه .
تحياتي لكم وبالتوفيق,,
لو سمحت أخوي علي ممكن تفهمنا كيف مكرر بتروكيم أقل من عشرة وهذا إعلانها النصف سنوي
تعلن الشركة الوطنية للبتروكيماويات (بتروكيم) النتائج المالية الأولية الموحدة للفترة المنتهية في 2010/6/30 (ستة أشهر)
1) بلغ صافي الخسارة خلال الربع الثاني (37.6) مليون ريال، مقابل صافي خسارة قدرها (12.4) مليون ريال للربع المماثل من العام السابق، وبإرتفاع نسبته 203.2% ، ومقابل صافي خسارة قدرها (43) مليون ريال للربع السابق، وبإنخفاض نسبته 12.6%
2) لم يمكن احتساب اجمالي الربح أوالخسارة خلال الربع الثاني لأن الشركة لم تبدأ عملية الإنتاج بعد .
3) بلغت الخسارة التشغيلية خلال الربع الثاني (2.3) مليون ريال، مقابل خسارة تشغيلية قدرها (0.8) مليون ريال للربع المماثل من العام السابق، بإرتفاع نسبته 187%
4) بلغ صافي الخسارة خلال فترة الستة أشهر (80.6) مليون ريال، مقابل صافي خسارة قدرها (20.2) مليون ريال للفترة المماثلة من العام السابق، بارتفاع نسبتة 299%
5 ) بلغت خسارة السهم خلال فترة الستة أشهر(0.16) ريال، مقابل خسارة (0.09) ريال للفترة المماثلة من العام السابق،
6) لم يمكن احتساب اجمالي الربح أوالخسارة خلال فترة الستة أشهر لأن الشركة لم تبدأ عملية الإنتاج بعد .
7) بلغت الخسارة التشغيلية خلال فترة الستة أشهر (5.7) مليون ريال، مقابل (1.8) مليون ريال للفترة المماثلة من العام السابق، وذلك بإرتفاع نسبته 216.6%
8) وتعود اسباب الخسائر الى العوامل التالية:
-احتساب مخصص الزكاة خلال العام الحالي، وذلك لحلول الحول على رأس مال الشركة المدفوع.
-أن مشروع الشركة الرئيسي (الشركة السعودية للبوليمرات) ما زال تحت الانشاء، حيث يتوقع ان تنتهي عمليات الانشاء في أواخر عام 2011، وبالتالي فإن مصادر دخل الشركة في الفترة الحالية تقتصر على عوائد الاستثمار في الودائع لأجل.
وتجدر الاشارة الى أنه تم زيادة رأس مال الشركة خلال الربع الثالث من عام 2009م، بمقدار 2,600 مليون ريال ليصبح 4,800مليون ريال
هذا بالإضافة إلى أن قيمتها الدفتريه 9.93 ومكرر أرباحها بالسالب لأنها مازالت تحت الإنشاء
مجرد إستفسار جزاك الله خير
المفضلات