(( حـتـى بـعـد صـعـوده الـقـوي الـيـوم .. سـهـم بـتروكـيـم بـ 15,5 إشـتـره وادفـن ))

[علي المفش]

اخي الهامورالطيب

طوال عملي في الاسهم (حوالي عقدين من الزمن) لا احب تحديد رقم معين لسهم واخاف من اعطاء توصية صريحة لسهم معين خوفا" من ان يخالف السوق رائيي.
ربما هذا ما جعلني مقل بالكتابه في المنتدى رغم تسجيلي المبكر.

أنا مثلك ما أحب وأحرص كثير على الكلمة .. لكن إذا جيت من زاويه ثانية ولقيت الألوف ما لهم من يدلهم ومالهم في الاستثمار والارقام والمعرفة واختيراتهم بعيدة جداً عن المنطق واهدافهم استثمارية أتدخل واخلي مسؤليتي وأعطيه الفرصة على طبق من ذهب وأحلل كثير وأقارن عشان يقتنع فيها ويقدرها .. وعادي أكتب موضوع كذا :

بتروكيم فرصة

السعر 15,5

الهدف المحتمل القريب 22

عادي أكتب بس ما راح يقتنعون ويقدرونها وهذا الاسلوب يسري على القصيم الزراعيه .. أنا ماني قليل خاتمة إن شاء الله عشان اطبل لسهم وأورط خلق الله معي .. والسوق اللي يقتل فرصة زي هذي فاللي دخل السهم بتلاقيه متخوبر على الاغلب في سهم ثاني .. يعني إنك تخاف ما تورط أحد يقابله إنك تعرف إنك بتفيد الألوف وبيدعون لك وبتتجمل صورتك أمام نفسك .. سعادة لا تعدوها سعادة الحقيقة إن تربح ومعك الألوف من الناس .

تحياتي لك,,

[علي المفش]

خاطرة على بالي أخوي " مستشار الأسهم " .. وترى أنا ما سويت شي ولا حللت تحليل عميق واتجهت للب مباشرة وفيه أمور يمكن غايبة لكن أكرر ما تخل بالفرصة .. وترى وماهو مدح للنفس لأني ما سويت شي .. اللي يدلك على بتروكيم ويفضحها كفرصة وفي منتدى غالبية أعضائه يحسبونها مثل غيرها استثمارياً ومتجهين ويوصون على أسهم ثانية في القطاع ويرون إنها الأفضل ترى هذي يندفع فيها فلوس وفيه شي في الاقتصاد اسمه تكلفة الفرصة البديلة .. يعني شخص يملك الكثير يستقطع من ربحه نسبه بسبب عدم معرفته بالفرصة ولا له في السوق ووجع الراس والطرق والاساليب كثيرة .. هنا ببلاش وبارك الله فينا وفيك وفي أعمال الخليج .

تحياتي ,,

[علي المفش]

ما شاء الله عليك يابو حسين كنك تقرأ أفكار المضارب .
بالرغم من توافق وتناغم التحليلين الأساسي والفني إلا أن التحليل الأساسي يتفوق بلا جدال على التحليل الفني الذي يتأثر بعوامل كثيرة تربك المستثمر .


بدون مجاملة أنت من أفضل من قرأت لهم في التحليل المالي .. بارك الله بجهودك ومأجور بإذن الله على ماتقوم به من خدمة لإخوانك .

أكثر ثقة وتأكيد وبارك الله فيك .. لكن التحليلين لهم وقتهم بس متى تستند على هذا أو ذاك ..؟! سهم ثمار مثلاً ما يفرق عندي لو أشتريه بـ 40 أو 60 ريال .. السهم سعره اساسياً منتهي ومعدوم .. عندها مالك إلا الفني .. هذي نقطة .. النقطة الثانية لما توصي على سهم ما أحد يدري بقوته بحكم إنه ما أنتج والوقت يضغط ما نجي ونقول تراك تضر السهم لأنك تلح عليه .. إنت في هالحاله تسبب ربش للكبار واللي ما اشترى طول هالمدة منهم يتحمل غلطته ويشتري الحين ويرفعه الله لا يهينه بملايينه والا خذوها منه الله يعافيكم وخلوه يفرك هههههه .. لكن لما توصي على سهم مثل يحيى جاكو فنياً إنت ممكن تسبب ربش للناس وممكن تخدم المضارب كثير بسلوك القطيع وراك ويستغلها كبار ملاك السهم .. وأنا ماني محلل مالي وكلمة محلل مالي كبيرة ولها ناسها .. أنا هاوي وأحب الكتابة والمشاركة ويمتعني التواصل ولي اطلاع جيد يحدد الأفضل وين ويميزه بشكل أكبر من المتوسط العام لأعضاء المنتديات وبس .. وسلامتك وتحت البلاطة الله يسلمك وراقب أسعار البولي ايثلين في ارقام .

تحياتي لك,,

[علي المفش]

والله أعلم ...
فيه خضة في السهم بعد شوي
السعر الآن 17

أما إنت إدفنه في ( ... ) دغره اللي كلمتني عنها في الخاص

[abcd]

بيتروكيم ليست للبيع مالم يكون هناك أخبار سلبية

[سراب سهم]

يا زينها من بلاطة ... كانت ترقل وثبتناها

أنت مثال يحتذى في الإيثار للغير وحب الخير .... البحث والتقصي ووزن الأمور بشكل صحيح

ترددت في طرح شارت رسمته أول ما قريت موضوعك وأرسلته لبعض الأحبه شرواك للمناقشة - والخاص يشهد - ولكن طالما حددت أنت بعض الأرقام نضع الشارت يحكيها نفسها ... سبحان الله

( هذه الموجه مرصودة في وقت مبكر ولا أخفيك أنها تسببت في خسارتي حوالي نصف ريال في الفترة الماضية )



كلما تأخر الوقت كلما ارتفع الهدف

[Stochastic]

أما يحيى جاكو وماما دوصو حكايتها حكاية

بالتوفيق وننتظر جديدك يالغالي

[NOMERCY]

أنا أستغرب من بعض الاخوان الي يدخلون موضوع ويعارضون بشدة
مع العلم التوصية أثبتت نجاحها ولم تفشل اجل لوفشلت ايش بيسون
يكفي من دخل السهم انة محقق أرباح وهوا لب الموضوع
من افضل من يوصي على اسهم في الفترة الاخيره بدون منازع الاخ علي
ولكل زمن رجال
عن نفسي دخلت السهم قبل توصية الاخ علي ووالله لولا الله ثم توصيتة على السهم
كان خرجت من بدري ولم احقق ارباح مثل الان
فا شكرا لك من كل اعماق قلبي اخي ولن نخرج من السهم الا عند صدور الاوامر من الاخ علي :d

[ابوعزوز]

الاخ علي
بارك الله فيك وفي علمك
اخذنا رزقنا منها بعد اخذ مشورتك تنصح بالرجوع لها في حدود كم

[علي المفش]

ياحبني لك مرة أخرى..انت رجل ناصح أمين أحسبك والله حسيبك أنك كذلك..فيه قنصة ثانية كانها ماوصلتك في القطاع البنكي(طبعآ من الأسهم الشرعية وليس الإنماء او الراجحي أو البلاد)تجميع على وذنوه
ومستقبل بإذن الله من جميع النواحي ادفن لك شوية فيه

يا شيخ " قناص " .. بما إنك تظنني ناصح وأشكرك على هالثقة أكيد تعرف إن قنصة الطير وهو في بداية طيرانه أمتع .. السهم اللي تفضلت وذكرته عيني عليه ومراقبه .. والسهم اللي نتكلم عنه في الموضوع واثق فيه أكثر وأكثر وأكثر .. العملية أساسية في الاساس لكن عامل السوق مهم في إنك تشتري السهم وتقفل عليه .. بتروكيم من الأسهم إللي إذا حزت ساعتها بيعجبك في فترة بسيطة إن شاء الله .. هذا سوقي وأعرفه وقطاعي المفضل في تاريخي مع السوق ويمكن شخص شراه وخالفه التوقيت وتعلق فيه .. التوقيت مهم .. إركب الموجه وزيد فيه لحد ما تشوف الثاني يتحرك وقطاعه وارجع .. إلعب على المضمون وخل الوقت سلاح ثاني معك .

تحياتي لك,,

[علي المفش]

الف مبروك التوصيه الرائعه اخ علي
ركبنا معكم متأخر بس ان شا الله نلحق خير

الله يبارك فيك .. والبركة في المنهج والتعلم من التجارب .. وترى السهم بدري عليه إن شاء الله ولا تغلطين غلطة ينساب وتفرطين فيه .. ودخولك ماهو متأخر .. عندنا فرصة نغرد لو تحسنت الامور .. وعندنا
مخاطرة يرجع السهم لكن بنسبة اقل بكثير من ارتفاعه لو سائت الامور وان شاء الله تتحسن .. قطاعي وأعرفه يا أخت " عذبه "

تحياتي لك,,

[amalgulf]

وعندنا
مخاطرة يرجع السهم لكن بنسبة اقل بكثير من ارتفاعه لو سائت الامور وان شاء الله تتحسن .. قطاعي وأعرفه يا أخت " عذبه "

تحياتي لك,,

بارك الله فيك أخ علي ماتشوف انه وضع stop loss يكون به فايده لو ساءت الأمور
شكرا لك يالغالي

[اكاديمي]

بس يا أخوان

علمتني التجارب في هذا السوق انه اذا كثر التطبيل على السهم

خفس المضارب بالسهم الي فيه حتى لو اضطر ان يضرب السوق كله

والله هذا الي شفنها من عام 2001

تجرعنا المر من هؤلاء الهوامير

يعني يا أخوان كم مر علينا شخص مثل المبدع علي المفش

واين مصيره الان جلس الهوامير وراه حتى شوهو صورته او خرجوه من المنتدى

تراني اتكلم جد والله احنا في غابه و.... ((بس ماريد اتمادى اكثر!!!! ))

اتوقع ان مضارب السهم معنا في هذا الموضوع ويرد علينا !!!!

لا تتعجبون وخصوصا انت اخي علي المفش

ترى الاوله (( ينساب قبل عام تقريبا ))

كانت ثابته لان الهامور لم يكن يعرفك ولكن

انتظر الان وشف ردت الفعل

والله اني اقول هذا الكلام وقلبي يتقطع اريد ان ادخل بالسهم


ولكن اذا كثر الكلام في السهم وقفو له الهوامير اياهم

وانا لعلمكم اثق في المفش ثقة عمياء بس خايف عليه


الله يرزقكم ............ ويبعد عين الاشرار عنكم ...... !!!!

[علي المفش]

بيتروكيم ليست للبيع مالم يكون هناك أخبار سلبية

بارك الله فيك .. قلت المختصر المفيد .. ونزيد عليه ونقول كوارث .. حتى لو زادت
التكاليف بنفس نسبة ينساب يظل السعر مغري جداً .

تحياتي لك,,

[علي المفش]

يا زينها من بلاطة ... كانت ترقل وثبتناها

أنت مثال يحتذى في الإيثار للغير وحب الخير .... البحث والتقصي ووزن الأمور بشكل صحيح

ترددت في طرح شارت رسمته أول ما قريت موضوعك وأرسلته لبعض الأحبه شرواك للمناقشة - والخاص يشهد - ولكن طالما حددت أنت بعض الأرقام نضع الشارت يحكيها نفسها ... سبحان الله

( هذه الموجه مرصودة في وقت مبكر ولا أخفيك أنها تسببت في خسارتي حوالي نصف ريال في الفترة الماضية )



كلما تأخر الوقت كلما ارتفع الهدف

حياك الله ونورت الموضوع أخوي الكريم " سراب سهم " .. وإذا كان شارتك ما يُختلف عليه معك بيكون هذا إن شاء الله بعد أشهر بسيطة .. هذا السوق حقنا
ونعرفه يا جماعه .. ولو تتحسن الأسعار وتنتج تجريبي في إبريل مثلاً ما راح تلقاه بـ 24 والله أعلم .

تحياتي لك,,

[علي المفش]

أما يحيى جاكو وماما دوصو حكايتها حكاية



بالتوفيق وننتظر جديدك يالغالي

الله يوفقك وشكراً لك على توصية اللي متتسماش الصراحة دخلت بعد المقاومة اللي ذكرتها وفي يوم حفلة السهم وانا متلطم وكنت قد نسيت توصيتك رغم اني ارفقت السهم لقائمة المتابعة .. وذكرني

العزيز " أبو عبدالرحمن " بتوصيته ودعمها بالدجاج .. أتمنى إنك شايف السهم ذاك اليوم من البداية .. كانت حكايته حكايه .. تقل اخترعوا شي رديف للذرة

تحياتي لك,,

[علي المفش]

أنا أستغرب من بعض الاخوان الي يدخلون موضوع ويعارضون بشدة
مع العلم التوصية أثبتت نجاحها ولم تفشل اجل لوفشلت ايش بيسون
يكفي من دخل السهم انة محقق أرباح وهوا لب الموضوع
من افضل من يوصي على اسهم في الفترة الاخيره بدون منازع الاخ علي
ولكل زمن رجال
عن نفسي دخلت السهم قبل توصية الاخ علي ووالله لولا الله ثم توصيتة على السهم
كان خرجت من بدري ولم احقق ارباح مثل الان
فا شكرا لك من كل اعماق قلبي اخي ولن نخرج من السهم الا عند صدور الاوامر من الاخ علي :d

شكراً لك .. وترى ما جينا هنا نتنافس .. جينا نستفيد ولكل واحد عيوبه ومميزاته .. أنا أستفدت من توصيات كثيرة من دون ذكر أسماء وأحدها في الرد السابق مذكور .. آخذ التوصية كتنبيه وأمر على السهم وتداولاته بدعم من الموصي .. والأخوان يقصدون المبالغة .. قد تجري الأمور بما لا تشتهي السفن وينخرط الداو ألف نقطة ويصير كلامي بعد إذن الله في مهب الريح وما نضمن هذا ما يصير ورغم ذلك المنهج اللي أوصي عليه يدعم الاحتفاظ بالسهم .

تحياتي لك,,

[علي المفش]

الاخ علي

بارك الله فيك وفي علمك

اخذنا رزقنا منها بعد اخذ مشورتك تنصح بالرجوع لها في حدود كم

أخوي " أبو عزوز " .. سألتني وقلت لي أبآخذ السهم وأبقفل عليه ستة شهور وتبي الراي وقلت لك خذه ولو فتح نسبة فوق وقفل .. تجيني الحين بعد ما بعت وتقول لي متى أبآخذه أبقولك مدري .. سهم الوقت معه اتركه .. إضمن ارتفاعه وهو في محفظتك لأنه سهم ماله أمان وممكن يفلت .. ووارد ترى يقشعه المضارب فوق العشرين الاسبوع الجاي والا اللي بعده .. السهم خفيف .. إتركه واربح العافية وخلك مع أقوى احتمال .

.
.
.

ويا جماعه اللي يبيع لا يسألني متى يدخل لأني لو أعرف سويتها أنا .. ينساب حسب ما روى لي أحد المحلليين اللي تربطني فيه علاقة قوية خدعته مرات ومرات فنياً وهو خبير في مجاله ويعرف السهم أساسياً زين وكان مقتنع فيه تماماً .. تشرذم ربحه لأنه ما أحترم الفرصة ولا قدرها .. تجيك فرصة زي هذي لا تتعنفق عليها واحترمها .. نسبة مئوية في اليد كربح تشوفها قريبة لا تحاول تزيدها واقتنع واحمد ربك على نعمته .

تحياتي لكم,,

[علي المفش]

بارك الله فيك أخ علي ماتشوف انه وضع stop loss يكون به فايده لو ساءت الأمور
شكرا لك يالغالي

يعتمد على مقدار السوء .. السهم يبي له شي يشبه الكوارث .. أشياء إستثنائية .. الصح إننا نطبق معه وقف ارباح وماهو وقف خساير لأن
السهم قوي .. قوي بسعره وامكاناته وميزته التنافسيه والشغل اللي صار عليه في السوق .


تحياتي لك,,

[علي المفش]

بس يا أخوان

علمتني التجارب في هذا السوق انه اذا كثر التطبيل على السهم

خفس المضارب بالسهم الي فيه حتى لو اضطر ان يضرب السوق كله

والله هذا الي شفنها من عام 2001

تجرعنا المر من هؤلاء الهوامير

يعني يا أخوان كم مر علينا شخص مثل المبدع علي المفش

واين مصيره الان جلس الهوامير وراه حتى شوهو صورته او خرجوه من المنتدى

تراني اتكلم جد والله احنا في غابه و.... ((بس ماريد اتمادى اكثر!!!! ))

اتوقع ان مضارب السهم معنا في هذا الموضوع ويرد علينا !!!!

لا تتعجبون وخصوصا انت اخي علي المفش

ترى الاوله (( ينساب قبل عام تقريبا ))

كانت ثابته لان الهامور لم يكن يعرفك ولكن

انتظر الان وشف ردت الفعل

والله اني اقول هذا الكلام وقلبي يتقطع اريد ان ادخل بالسهم


ولكن اذا كثر الكلام في السهم وقفو له الهوامير اياهم

وانا لعلمكم اثق في المفش ثقة عمياء بس خايف عليه


الله يرزقكم ............ ويبعد عين الاشرار عنكم ...... !!!!

إدخل السهم إذا هذا اللي مخوفك وثق في رأيي بعد ثقتك في الله عز وجل مع شكري الجزيل لثقتك .. الحالة تقول إن الهامور بيفكر أكثر بألف مرة لو بغى يبيع عن لو كان بيشتري .. ودي أعطيك اللي في راسي كشعور وتتصرف فيه لأن قلقك في غير محله وإن حدث فالأمر وقتي وتغيير مركز في محفظة كبيرة لفرصة ثانية وللكل حساباته حسب حجم محفظته .. هذي ماهي صافولا عشان تتأرخ مواعيد المنحة على الكيف والمزاج وتتحدد بعد ما تتنظم المحافظ وبعد ثلاثة شهور يكررونها زي ما صار قبل سنوات .. الحالة مختلفة .. هذي وراها أمريكان وقروض واستهلاكات وما يقدرون يخلون الانتاج يتأخر بكيفهم .. صعب على الهامور يفرط في جزء من محفظته .. بيخافون من بعض صدقني .. السهم واعد جداً استثمارياً وما عليه غبار .. إذا إنت مضارب بتطلع بكره والا بعده والا بعد اسبوعين مبرر نوعاً ما قلقك .. لكن بالسبب اللي قلت أختلف معك وبقوة بعد .

تحياتي لك,,

[موعـــود]

المنطق يقول :

أهل بتروكيم يرحلون إلى كيمانول

وبعدين يكون خير

[عبدالله عبدالرحمن السليمان]

ما عنده وقت هالمضارب .. يخم العروض خم ثم يرجع يهدي له شوي
كأنه خايف تروح عليه .. شكله مستعجل .
ما شاء الله .


الله يمسيك بالخير أخوي علي .

[طيب النية]

ما شاء الله تبارك الله
ياسيد علي المفش

سهمك مبدع اليوم

وتمت صفقة شراء 300,000 سهم بسعر 17.35 ريال بقيمة 5,205,000 ريال

ناصح امين كماعهدناك لاعدمناك
زادك الله من العلم والفضل

[المعمر]

فنيا فقط ..

والعلم عند الاستاذ الغالي / على المفتش

شارت السهم + الهدف

هدف 17.65

وهذا الشارت للجميع




مؤشراته متضخمه ,,

اهداف 16.3

15


ولكن لو افترضنا جدلا ان السهم في موجه دافعه ؟

جميع المؤشرات السريعه راح نضع عليها ×

لكن لابد من نزول لاغلاق الفجوه " من باب المجامله "

وجهة النظر اطرحها للجميع لان السؤال كثير على السهم

بالتوفيق للجميع

[zmzm]

اخوي المعمر
ماضايع الفرص على العالم الا التحليل الفني

من اراد الارباح في سوق الاسهم السعودي
فليبتعد عن التحليل الفني

[المعمر]

اخوي المعمر
ماضايع الفرص على العالم الا التحليل الفني

من اراد الارباح في سوق الاسهم السعودي
فليبتعد عن التحليل الفني

صدقني ماخسر العالم الا الطيران بالعجه ,,

هذا بتروكيم نزول عمودي من 17.50 الى 17.15

عموما تطمن مادام الاستاذعلي متابع الموضوع ماعليكم خوفا ان شاء الله

وماعليكم من شارتي //

اكتفي بهذا الرد

والله يرزق جميع ملاك السهم

كامل مودتي

[الخليج العربي]

صدقني ماخسر العالم الا الطيران بالعجه ,,

هذا بتروكيم نزول عمودي من 17.50 الى 17.15

عموما تطمن مادام الاستاذعلي متابع الموضوع ماعليكم خوفا ان شاء الله

وماعليكم من شارتي //

اكتفي بهذا الرد

والله يرزق جميع ملاك السهم

كامل مودتي

مشكور يا أخ علي على التوصية الرائعة

ويلوموني فيك يبو حمد

[the chartist]

اخوي المعمر
ماضايع الفرص على العالم الا التحليل الفني

من اراد الارباح في سوق الاسهم السعودي
فليبتعد عن التحليل الفني

امس قرأت تعليق لاحد الاعضاء في موضوع كيان الخاص بالاخ العزيز علي المفش ويقول صاحب التعليق التحليل المالي لا يصلح للسوق السعودي ومتي ارتفع سهم لان التحليل المالي له جيد

اليوم اقرأ هذا التعليق بان التحليل الفني هو الذي يضيع الفرص علي العالم

ويبدوا ان الكثير من الناس لا يعجبهم شئ حتي لو مشي بعضنا علي الحبل

[عبدالله عبدالرحمن السليمان]

هذا بتروكيم نزول عمودي من 17.50 الى 17.15

هلا وسهلا بالأخ المعمر

سلوك المضارب غريب شوي
لي كم يوم ألاحظه يوقف على سعر معين له نصف ساعة ثم يخم أكثر من خمس أو ست عروض ثم يهدي ويرجع مرة ثانية .. شكله والله العالم إلى شاف العروض يتحسف عليها ولا يقاوم .

أكيد هالسلوك من بعض المضاربين لها مصطلحات عندكم يا أهل التحليل الفني .. وأنا عبّرت عنها بمصطلحاتي

الله يرزق الجميع من واسع فضله .

[مضارب محت78رف]

اخ كريستال
صدقني اني مضارب وارى ان الفترة الحالية هي فرصة دهبية لي للتجميع في اسهم منتقاة.