ياحبيبي التحليل المالي هو الاساس
ام التحليل الفني لاشيء
ياحبيبي التحليل المالي هو الاساس
ام التحليل الفني لاشيء
الاخ الفاضل علي المفتش
وش الراي الحين نركب ولا ننتظر ؟
غفر الله ذنبك ورحم والديك .
المشكلة ان التحليل الفني قد تم تشويهه وتحريفه؟؟!
وما كارثة الاسهم الاخيرة عندنا الا اكبر دليل على ذلك.
التحليل الفني يصلح فقط واكرر وهذي نصيحة للكل وابداء بنفسي فقط لاسهم المضاربة لانك تفرط بيها بسهولة اما اسهم ممتازة وقوية وتريدني ان اصدق ان التحليل الفني يقول لي ابيعها لانها وصلت الى نقاط فنية كيت وكيت الجزاب ببساطة لا no ؟
هذا آخر رد لي في الموضوع ويمكن على الأرجح في المنتدى لظروفي الخاصة لأنها من جد محرجة .. ورأيي الأخير هو إن اللي صار في السهم اليوم من تدوير ما يمثل لي من الحقيقة إلا ما تمثله كفرات سياره تصرخ على رمال البحر في مشهد من فيلم مصري .. نعيد ونقول أساسي .. ونعيد ونقول فيه مخاطرة .. لكن المخاطرة منخفضة في السهم والوقت يدعمه .. السهم يمكن دخلوا عليه مضاربين لأنه خفيف وآمن ويلعبون فيه وإذا عاكسهم السوق يحتفظون فيه .. السهم ممكن يكون لعبة في يد المضاربين وعندها كل وقناعته بالبيع ..
المعلومه اللي خلوها في روسكم إن مكرر السهم بالاسعار الحالية من نصيبها في المشروع من المنتج الأساسي حقها اللي هو البولي إيثلين بحسابات لقيمها ممكن ووارد وبحسابات معقولة إن يكون مكرر السهم عند التسعة حسب آخر إغلاق له عند 17,30 وبغض النظر عن منتجاتها الثانية وبالله عليكم شوفوا مكررات القطاع ..! وشوفوا عاد إذا ارتفعت الأسعار كيف درجة رخص السهم الآن .. اللي أقصده إن السهم في مأمن استثمارياً وساحب مخاطرة كبيرة وهذا بافتراض إن ما عنده إلا البولي إيثلين .. لكن عاد إذا استغلوا المضاربين هذا في وقت مبكر فالقناعة كنز لا يفنى وعندها المخاطرة المخصومة بترجع ..
متابعة السهم فنياً ماني في صفها .. سهم يعطيك استنتاجات رقمية لهذي الدرجة ما ترخصه بشارت ولو صدق .. سهم منتجه الأساسي بولي إيثلين وفي نقطة سعرية معينة تخسر أغلب مصانع العالم ويربح هو عشان الميزة التنافسية إحترمه ولا تهمك أفخاخ المضاربين بالعروض والطلبات .. وممكن تكون فيه فرص في القطاع ترى ما أشوفها لكن بتروكيم سهله ومنتجها سهل تقديره وأشوفها الآمن في السوق ..
أعتذر يا أخوان عن متابعة الموضوع وأسفي الشديد مقدماً عن عدم الرد على أي مداخلة محتملة والردود عندكم وأعطيت كل ما عندي خدمة للمغيبين عن هذه الفرصة وأنا والله ما أطبل عشانه في يدي لكن السهم هو اللي بتطبيله لنفسه ناداني .
تحياتي لكم ونلتقي في الجنة إن شاء الله,,
علي لا جديد سوى الابداع والثقه في النفس
اتمنا لك التوفيق
عوافي ياعلي ورايتك بيضا
نبهتنا على الفرصه وكل واحد عقله براسه
الله لايحرمك اجرها
فالكم التدبيله
أنا ألاحظ كثرة التوصيات على بتروكيم وهي مشروع مابعد أشتغل وسعرها حول سعر الشركة الأم المجموعة مع إن المجموعة تشتغل وتوزع أرباح وتملك 50% من المدعوة بتروكيم
أنا أتوقع إن الموضوع فيه إن ؟
اولا
كل الشكر لبوحسين على ما قدمه في هذا الموضوع وفعلا اهو ماقصر مع المغيبين عن هذه الفرصة ونحترم ارادته في عدم متابعة الموضوع طالما قدم مالديه وفقه الله.
ثانيا
حقل السفانية يقول
أنا ألاحظ كثرة التوصيات على بتروكيم وهي مشروع مابعد أشتغل وسعرها حول سعر الشركة الأم المجموعة مع إن المجموعة تشتغل وتوزع أرباح وتملك 50% من المدعوة بتروكيم
أنا أتوقع إن الموضوع فيه إن ؟
بتاتا ليش ان واخواتها كل ما في الامر ان بتروكيم شركة مخطط لها صح وان شاء الله تبدأ الانتاج التجاري قبل الموعد المتوقع .
وبالنسبة لملكية المجموعة في بتروكيم فقياسا بالنجاح المتوقع لبتروكيم فيعتبر استثمار ممتاز للمجموعة.
لكن بالنسبة لي كمستثمر افضل المشروع الواعد وبعد صعود اسعار البتروكيميكال للاسبوع الثاني على التالي (افضل الاحتفاظ ببتروكيم وبشدة).
ميزة بتروكيم مضاربيه و هي ان الاسهم الحره 73 مليون سهم بينما المجموعه 400 مليون سهم و هذا يسهل المضاربه لرفع السعر.
الشي الثاني زي ما الجميع عارف ان المجموعه تملك 50% من بتروكيم، و هذا يعني تقريبا ان كل سهم في المجموعه يملك نص سهم في بتروكيم.
سهم المجموعه بدون بنص سهم تروكيم = 18-7.5 = 10.5 ريال.
تصور سهم بتروكيماوي و مصانعه شغاله و يدر ارباح و عنده مشاريع مستقبليه ب 1800 مليون ريال و كل هذا ب 10.5 ريال.
يعني من منظور استثماري الام افضل و من منظور مضاربي البنت اسهل في الحركه.
وينك ياأخ علي
بتروكيم وصل دمها للركب
وش الدبرة ؟
يعني الحين صار المشروع اللي ما بعد اشتغل عيب وانت موذينا بكيان من العام الماضي .. نقول لك ينساب وانت ناشب لي .. تروح ينساب 30% ونقولك ينساب بس معرفك ماله عليك أوامر إلا بكيان .. وتروح ينساب زيادة بـ 20% فوق وإنت زعلان وتبشر بالربع الثالث .. وجا الربع الثالث وهلت تباشير التسعة مليار ويا ليل خبرني عن امر المعاناة .. خل عند معرفك مبدأ وهدف تسويقي مختلف لنوعية القيمة .. وبعدين وش رايك بالراي اللي يقول إن بتروكيم بتشتغل بالكامل قبل كيان وبسنين .. الله يهدينا وياك .
الحين بعد التسعة مليار والكوارث تجي وتقول عن سهم كيان في موضوعي إنه استثماري وبعدين تجي هنا وتقول تعليقة .. المبدأ وشهو ..؟! يعني لو كان القطاع كله لك وجهة نظر فيه في المسألة منطق أكثر ولو ما راعيت
فروقات الاسعار .. لكن القطاع واحد والحال الاساسي بينهم فرق السما عن الارض وتقول استثمار هناك وهنا تعليقة فهذا شي يطرح الف علامة استفهام .. الله يهديك .
الدبره في اللي إنت تبيه من السهم .. إذا مضارب خلك مع راي الأخ الاستاذ " المعمر " والأخ " البدر " اللي أشكره على مروره وغيرهم كثير .. إذا مستثمر زيد فيه مع كل نزول .. صدقني والله إني معك صادق وشفاف .. صدقني بأن هذا السهم ما يقواه إلا وضع اقتصادي عالمي استثنائي عشان تتعلق فيه مثل غيره ردحاً من الزمن .. التوصية أخوي الحبيب استثمارية .. لا تدخل بكل السيولة فيه وتتفرج لو نزل .. حاول تخفف .. لا تحترق قدام الشاشة وثق في السهم لأن نزوله والا طلوعه ما راح يغير في أساسياته .. اللقيم ممتاز والادارة ممتازة والشريك خبير في مجاله وعنده تقنياته .. ثق فيه .. وفي حالة إنك مؤمن بكارثة اقتصادية بعه وبع غيره واطلع من السوق كله .. وإذا عندك تصور إن سهم ينساب بتلقاه في نص السنة الجاية بـ 22 مثلاً والتصنيع بـ 15 بعه ولا تنتظر .. بس أهم شي لا تطب في كيان .. نصيحة لله .. لا عمرك تؤمن فيها كفرصة استثمارياً وتخليها تصف مع بتروكيم أما مضاربة كل شي يصلح حتى لو تضارب على دجاج القصيم الزراعية .
تحياتي لك,,
جيت أبرد على رد الأخ الكريم وأخذتني الردود لغيره .. وأعلن يا أخوان اعتزالي عن الكتابة نهائياً لظروفي وقناعاتي ولا علاقة لي بمعرف في أي منتدى آخر وهذا القرار اتخذته لكن حالة عودة السهم أعادتني لأواصل بهذه الردود الأخيرة .. وأتمنى لكم الربح الوفير والسعادة في حياتكم ولا أنسى أن أنبهكم من بعض الأسهم المختلة في مراحلها مثل كيان وكذلك الخاسرة ويزداد التنبيه كلما زاد بعدها عن القيمة الاسمية .. الوضع العالمي لن يقواه إلا فرصة مثل بتروكيم بدعم من فضيلة الصبر والأسهم الخاسرة وسط ضعف السيولة وازدياد معاناة الاقتصادات لا تستغربوا لو وجدتموها بأربعة ريالات وأقل إن اهتز سهم بتروكيم كفرصة مع الوقت وهبط للعشرة ريالات مثلاً ..!
إنتبهوا من المنتديات وبالذات أم ريلين .. لم توضع المنتديات الجماهيرية حباً فيكم حتى يكون هذا المجهود مجاني .. نسمع عن التمزق الأسري ولا نرى إلا تطبيلاً ومجتمع منتدياتي متماسك بأكثر منه والمعادلة لا تستقيم .. لا يوجد منتدى اقتصادي واحد تحملني إلا وتم ايقافي بسبب عدم مجاملتي سواء لتطبيل أو السكوت عن سهم مختل مثل المواشي في فترة ما بفضيحة باخرة لهم .. ولكن يبدو أن الجمع الكبار لا يريدون ذلك لأن محافظهم مشبعة من المواشي والمنتديات هي وسيلة تسويق وليس تثقيف ودل الناس على الفرص القوية وكانت أهم أسباب دافعية الكتابة بالنسبة لي .. والآن لا أملك الوقت .. وإن كنت أملكه فلا الظروف تسمح ولا بعض القناعات .
تحياتي واحترامي لكم,,
هوّ دخول المنتدى زي خروجه ؟؟!!!
لم ولن نسمح لك بالتوقف وحط مع( لم ولن) جميع أدوات النهي الزاجر.
أنت نجم 2010 بدون منازع , ومواضيعك وتوصياتك تشهد لك .. ولا لنا سقمة عنك ..
هها بس , اترك عنك ,,
إن كان لنا خاطر عندك فلا تجيب طاري ( نهائيا ).
خذ لك راحة وعد متى ماسنحت لك الظروف .
..
...
ياعلي .. نسمح لك تاخذ اجازة تلين فيها راسك فقط وننتظر رجعتك
وابعلمك بشي
والله ويعلم الله اني نويت لك الاجر عند تصدقي بنسبه مما كتب الله لي من ربح تعود لتوصيتك السابقه
اقول هالحكي وانا ماكنت ناوي اقوله لكن عدلت عن ذلك ليكون دافع لاستمرارك معنا
وعلى قولة لماح " لم ولن"
أخي الكريم علي المفش ..... أسأل الله أن يعينك بما أنت فيه وبما تبذله من جهود للتوصية والتي لاتقدر أحياناً ، وأسأله تعالى أن يكون ذلك في ميزان حسناتك راجياً الله أن يبقيك معنا نستفيد من علمك فالقليل القليل هم من نقرأ لهم...!!
انا سبق ان قلت انني انتظر كيان تحت ال16 لتصبح بسعر مناسب للاستثمار
الفرق بين كيان وبتروكيم
كيان بدأت التشغيل التجريبي ولم يبقى الا التجاري والذي لن يتجاوز ال6 اشهر وادارة سابك (شابه عليهم شب)عشان التشغيل يبون يخلصون.والنقطه الثانيه ان كيان المبلغ الذي طلبته ليس فقط لتغيير منتج بل لزيادة منتجات .
واما بالنسبه لبتروكيم تراهم ( راعين طويله) يعني منتتصف 2012 تجريبي في احسن الاحوال و اذا انهم فالحين 2013 الربع الثاني التشغيل التجاري(ومشاكلهم كثيره)
تمساح الاسهم
قال دوك خير .. قال ما توسعه مخباتي
يا أخي :
جلوسك هنا ومتابعتك المميزة وتوصياتك المقنعة تجعل الغالبية يستفيدون .. وإذا استفادوا كسبت الأجر من الله .. وكسبت أيضاً دعائهم لك بالتوفيق والصلاح في الدارين .
فمن يضيّع مثل هذه الفرصة ؟؟؟
حنا طالبينك يا بو حسين لا تروح .. أخذت لك إجازة لك 10 أيام واعتقد انها كافية .. وإذا ما كفّت هات معروضك أشرح عليه بالتمديد لـ 10 أيام أخرى .
ويا أخي إذا عندك ظروف صعبة لا تدخل المنتدى إلا نصف ساعة باليوم كافي .
الله يوفقك وييسر أمورك بقيت أم رحلت .
بتروكيم
والعهده على التحليل
سنشاهده
13.4
شاء من شاء وابى من ابى
هذا التحليل يقوله بعد اغلاق الاربعاء
انا مجرد معبر لرؤيا النحليل
المفضلات