اولا احب اشكرك استاذي علي على هذا الموضوع و اشكر الاساتذه المشاركين ...
مثل هالنقاشات انا اشوفها مفيده لفهم شركات البترو المعقده بالنسبه لغير المختصين و القريبين من هذه الصناعه ...
في الحقيقه صعب الحكم من بعيد علي شخصيا ..لكن التسعه مليار هذي مهيب حزتها و ماحنا ناقصينها....
لكن نجي لبعض النقاط اللي ممكن تفيد الموضوع ..
كلمة "هيكلتها خطأ " اشوفها غير دقيقه...فالمنتجات المشتركه بين الشركتين متقاربه
تبلغ حوالي 160 كيان مقابل 200 الف طن لينساب
اجمالي كيان حوالي 250 مقابل 220 لينساب (تقريبا)
اي ان ثلثي انتاج كيان هو انتاج ينساب. طبعا من مميزات ينساب انها ارشق ماليا و متفوقه على كيان.
-*-*-*-*-*-*-*-*-*-*
ينساب تعرضت لنفس المشكله تقريبا فالتكاليف زادت بمقدار 13 % من 18 مليار الى 21 مليار.. لكنها ما شاء الله هذاها تطامر في ينبع ..
القروض على ينساب حوالي 13 مليار و نصف حتى منتصف 2009...من ارقام
كيان ارتفعت تكاليفها بنسبة الضعف عن ينساب الى 24% ...اعتقد من 35 الى 44 مليار..و هذي نقطه تفرمل المستثمر....ان شاء الله نشوفها تسبح في قسم العوايل في شواطي الجبيل..
قروض كيان ..22+6+4 = 32 مليار..حسبه شخصيه
-*-*-*-*-*-*-*-*-*-*
بالنسبه لتغيير المنتجات ...فما اعتقد ان هناك مشكله تستاهل التكبير..
تخيل اني شريت موتر اكد عليه ركاب...الرياض الطايف الرياض..بـ200 ريال
و يوم شريت الموتر قال لي واحد ركب عليه شبك و اشتغل الرياض مكه الرياض و النفر بـ 300 ريال...
ففرق المسافه قليل مع التعديل على السياره مقابل فرق سعر الراكب..
و ما اتوقع ان "سابك" تقوم و تغيير بعض المنتجات و تضيف تكلفه الى تكلفه و الناتج ماليا ما يفيدها..
-*-*-*-*-*-*-*-*-*-*
نقاط مجهوله ذات اتجاهين (سلبي او ايجابي)
- سعر البترول...اذا استمر على ما هو عليه او ارتفع فلا خوف باذن الله
- سعر البترول اذا نزل....مساهمي كيان يجب ان يتحركوا ...اما ينساب فعندهم في الامر فسحه اكبر..
- منتجات كيان الجديده ..ما هي كمياتها؟ كبيره ...قليله..
- منتجات كيان الجديده..كم هامش ربحها؟ عالي .....قليل...
مشكله ثانيه...لقيت فيه اختلاف في الكميات بين اللي يقوله المريشد في المقابلات مقابل الموجود في نشرة الاصدار...
شكرا مره اخرى
المفضلات