ما ودكم تسمعون قصيدة عن السوق؟

[د.البقعاوي]

طبعاً سوالف خميس وجمعه واخبر ربعنا يغضون الطرف عن السوالف بالخميس والجمعة...القصيدة لخلف بن مشعان:

من طاح .. من عينك ؟؟ ومن فيه ماطـاح ؟؟
ذي طيبتك .. واليوم .. تدفع ثمنها


حتى لو انك كنت .. صاحي .. ولمـــاح
أصحاب ( كيف الحال ) محدٍ .. ضمنها


صفو على جمر الحسـَد .. والعـفن .. فاح
ولمت عفون الخلق .. ريحة .. عـفنها


يالله دخيلك .. كلـها .. شالت .. رماح
حتى الوغـد قام .. يتخمش رسنها


مات الحيا والمرجله .. دمها .. ساح
كلٍ كشف .. عن سوء نيه .. دفنها


دامه .. زمن عقرب ، وحيه ، وتمسـاح
خل الأسود .. اتنام .. ماهــو زمنها


قالولي انطح .. صيحة الصوت .. بصياح
واعزل احرام السالفه .. عن كـفنها


قلت الخساره بالردي .. عندي ارباح
ومثلي .. يعلي هامته .. ماطـمنها


ترسي جبال طويق لا هــبت ارياح
وانا من اول .. ماخذ الراي .. منها


اقولها وانا .. مروّق .. ومـرتاح
شل الله .. لسان العـفون .. وبدنها



صح لسااااااانه ملااااااايين ..

[لمّاح]

أنها .. صح لسان الشاعر


أنا أعجبني هالبيت :

حتى لو انك كنت .. صاحي .. ولمّــاح
أصحاب ( كيف الحال ) محدٍ .. ضمنها


..

[fergalator]

قصيدة جميلة ورائعة بارك الله فيك.

[عبد الله القاسم]

أنها .. صح لسان الشاعر

أنا أعجبني هالبيت :

حتى لو انك كنت .. صاحي .. ولمّــاح
أصحاب ( كيف الحال ) محدٍ .. ضمنها

..

ليتك لماح في معاني الشعر !!

[لمّاح]

ليتك لماح في معاني الشعر !!

الله يباعدنا عن الشعر ياصاح ** علّة ,, عسى الوالي يخلصك منها .

مرّات سبّابٍ ومرات مدّاح ** ومرات تكتب طامعٍ في ثمنها

..

[اللحيدان]

دامه .. زمن عقرب ، وحيه ، وتمسـاح
خل الأسود .. اتنام .. ماهــو زمنها

هذا ادق وصف لزمنناااااااااااااا

[د.البقعاوي]

الله يباعدنا عن الشعر ياصاح ** علّة ,, عسى الوالي يخلصك منها .

مرّات سبّابٍ ومرات مدّاح ** ومرات تكتب والطمع في ثمنها

..

أيامنا ماهيب تاتي لنا صحاح**يمكن ترى الغافل يرتاح منها
من يدمح الزلات ايقال سماح**يكسب جميل وسالم من شطنها

[رااااهى]

اقولها وانا .. مروّق .. ومـرتاح
شل الله .. لسان العـفون .. وبدنها



صح الله لسان قايلها
ويعطيك العافيه يادكتور

[عذبه]

شكرا على النقل
كصيده جزله .

[صقر أبو خالد]

مات الحيا والمرجله .. دمها .. ساح
كلٍ كشف .. عن سوء نيه .. دفنها

دامه .. زمن عقرب ، وحيه ، وتمسـاح
خل الأسود .. اتنام .. ماهــو زمنها

[عاشق الخليج]

سوالف طيبه من طيب واختيار موفق
واخوانا الاعزاء لماح وتمساح ما شاء الله متربعين في بطن القصيده

[عملي الخليج]

شكرآ على القصيده
المليئه بالمعاني التي تنطبق
على الكثير من الامور والاشخاص
في هذا الوقت .
صح اللسان قايلها وصح بدنك يا دكتورنا الغالي ,,,

[المشغول]

فيه كسر في البيت الرابع

انا لا اجيز القصيده

شكرا لك

[fergalator]

بالفعل هذا هو اجمل بيت في القصيدة. واستغرب تركه للصقور بدلا من الاسود.

[د.البقعاوي]

فيه كسر في البيت الرابع

انا لا اجيز القصيده

شكرا لك

لو ما فيها كسر ما انطبقت على سوقنا...انتبه للدعم 2 والدعم 3وبعدها عفشك وأقرب محل تقسيط ...

حياكم الله يا الربع كل(ن) باسمه..والله يستر من تاليها

[امجد البدرة]

دكتووور مساك الله بالخير ,, توني راجع ومعزوم في زواج ( الله يبلغك بباقي العيال ) ان شاء الله ,, قريت القصيدة وزعلت ياخوي يا دكتوووور ,,, ليه ؟؟؟؟؟؟؟

من الغيرة ,, بس لماح وتمساح موجودين بالقصيدة !!!!!! انا زعلان وغابطهم ,, يستاهلووووووووووووون
وصححححح لسانك

[تمساح الخليج]

نسمع وأللا نقراء

هي أسمع

http://www.youtube.com/watch?v=YJk_WcVQqjI&NR=1




http://www.youtube.com/watch?v=A21AA...eature=related


http://www.youtube.com/watch?v=atL-0...eature=related


http://www.youtube.com/watch?v=dWpEJ...eature=related

[تمساح الخليج]

دكتووور مساك الله بالخير ,, توني راجع ومعزوم في زواج ( الله يبلغك بباقي العيال ) ان شاء الله ,, قريت القصيدة وزعلت ياخوي يا دكتوووور ,,, ليه ؟؟؟؟؟؟؟

من الغيرة ,, بس لماح وتمساح موجودين بالقصيدة !!!!!! انا زعلان وغابطهم ,, يستاهلووووووووووووون
وصححححح لسانك

زعلان ليش ما قااااال تمساح الخليج


وأللا أيش {رئيك ياصاحب القصيده

[د.البقعاوي]

دكتووور مساك الله بالخير ,, توني راجع ومعزوم في زواج ( الله يبلغك بباقي العيال ) ان شاء الله ,, قريت القصيدة وزعلت ياخوي يا دكتوووور ,,, ليه ؟؟؟؟؟؟؟

من الغيرة ,, بس لماح وتمساح موجودين بالقصيدة !!!!!! انا زعلان وغابطهم ,, يستاهلووووووووووووون
وصححححح لسانك

هلا وغلا بأمير الأخلاق وحبيب القلب الأستاذ أمجد ...منووووووووووور
ولو أدري بتقرى القصيدة كان حطيت صورتي معها هههههههههههه
وزواج مبارك والعقبى لي بالثالثة والرابعة ولك بالثانية والثالثة..لازم تنقص عنا بحبة حتى تستفيد خبرة (وتجرب فينا)

[د.البقعاوي]

زعلان ليش ما قااااال تمساح الخليج


وأللا أيش {رئيك ياصاحب القصيده

رأيي حشا مانت من أهل الردى
أنت منا وفينا ..شرفت الموضوع يابعدي.

[الهيئه]

ذات القصيدة صوتية أطربتني كثيرا :

http://q9aid.nayf.in/mn-6aa7/

شكرا دكتورنا القدير

[د.البقعاوي]

ذات القصيدة صوتية أطربتني كثيرا :

http://q9aid.nayf.in/mn-6aa7/

شكرا دكتورنا القدير

ماشاء الله صوت عذب ومعاني متألقة

[امجد البدرة]

كلكم غالييين وغلاكم يزود ,,, كل الربع والجماعة ولماح وتمساح الخليج بقيادة شاعرنا الدكتور ,, بس راح اقول قصيدة ولكنها غير موزونه مثل سوقنا غير الموزون ,, واعذرني ومررها بدون توزين وتفعيل ياخوي المشغول ,, زين ؟؟ اذا رخصتني ساقول قصيدة عصماء

[د.البقعاوي]

دربك خضر ياخوي أمجد هات ولا يهمك شئ