بريال... بريال.. سجلها على الدلال بريال!!!!!!

[الفأل الحسن]

مساكم الله بالخير...
انا شايب واحب السواليف و ودي اسولف عليكم بس لازم تحملوني شوي تخبرون الشياب يحبون الاستطراد وتمطيط السواليف... المهم ... عندي قرشين مؤخر صداقي( مكافأة نهاية الخدمة)... وين اروح وش اشتري ... رحت لاهل المكاتب العقارية وطاروا بي وقالوا العقار كيت وكيت واللي اليوم ب مليون السنة الجاية بمليونين ... اشتر وطع شورنا ... فلوسي واجد اكثر من نصف مليون ومع هذا بلشوا في ... زبون وحاضر ... وحليل... اه يا القهر ...وقاموا يدعون لي ان الله يكثر من امثالي... طيب وعلى الفطرة ويمكن استثماري( استغلالي) بس اه يا القهر ما حصلوا عقار على قد فلوسي... المهم قالوا ... رح وخلك على التلفون ... بيتسهل امرك... رحت والى يومك ما احد كلمني.
سمعت عن البل والمزاين ... قلت ما يبي لها ... يا ولد خلك وبال... وين هل البل ... نشدت وعلى قولتهم من نشد ما ضاع... لقيتهم ... يالله حيه يالله حيه... ارحب ارحب... اقلط اقلط... صب القهوة يا ولد..المهم مالكم بالطويل حاجة ... نشدوني وش غرضي وبفطنتهم وحواسهم الوقادة عرفوا وش من رجال قدامهم...وللاسف ما كتب الله نصيب... هذي بملون وهذي بمليونين وانت ماشي... وبطريقة ما خرجت من عندهم منكسر الخاطر...حزين.
وفي طريق عودتي اخذت افكر وش اسوي واين اروح ... اشتري مزرعة ... طيب ابوي فلاح وجدي فلاح وحياة الفلاح دايما على الكفاف... كد وتعب وفي النهاية الخلايف على الله... المهم عدت لبيتي مشغول البال مهموم .
وفي المنام رايت اني اذهب الى حراج(مزاد) في سوق غريب واذا الدلال يعد محاسن السلعة ( كثيرة المنافع... رخيصة الثمن) كم نقول... كم نقول؟ ... وكان جمهور الحاضرين متلطمين( كل واحد داق اللطمة)... انبح صوت المحرج كم نقول..كم نقول؟... كثيرة الحليب ... رخيصة الثمن... هجين ... ابوها دنمركي او هولندي وامها اعربية... سألت احد الحاضرين ... وش رايك فيها ؟ ما قصر جاوبني... م...شينة . عاد انا ما فهمت ! هو يقول: ماهيب شينة والا يقول: شينة . قلت : اسأل واحد غيره... وش رايك فيها يالحبيب؟ قال: الحمدلله.. وش تبي بها ؟ سألت الثالث وكان على ما اظن ناصح قال: اول مرة اشوف دلال صادق .
المشكلة ان كل الحاضرين يتفرجون ولا يزاودون...
الدلال: بستة واربع بسته واربع ... عاد قلت : اغامر وستة الاف واربعمائة ما هيب ضارتني .. قلت وريال...طار الدلال من الفرحة ... نصيبه... نصيبه... نصيبه.. وقع وقعت ودفعت الثمن .
اللي بعده... بكم نقول بكم نقول؟ بخمسة وثمان بخمسة وثمان ... عاد قلت هذا الدلال مشهود له بالصدق خل نكمل... وريال... يستاهل يستاهل.. عاد اللي يقول يستاهل الجمهور ... الدلال نصيبه... الثالثة ...بستة ... بستة ...وريال يالحبيب... وريال وش ورانا ؟!.
المهم عشر مابين خمسة وثمانمائة وريال وستة واربعمائة وريا ل.
واقعد احلم .. ان القنوات الفضائية تعرض مزاينها صباح مساء.. وان الشعراء يرددون الشيلات... ومهرجانات المزاين ..بس عاد الديرة اللي فيها المزاين مدري وين هي...وتضرب الخراشة واقوم من الحلم واليا ما في الا العافية.
تخاريف شياب.

[سراب سهم]

طلما فلوس تقاعد خلها تحت المخدة وإذا مثقله عليك وودك تحركها فطبق المعادلة

اطرح : 100 ناقص عمرك = النسبة المسموح لك بالمغامرة فيها

مثلا : عمرك 55 سنة يعني لا تجازف بأكثر من 45%

والأسهم فيها عرمشة بس يبيلها شوية صبر على حسن اختيار

[الفأل الحسن]

طلما فلوس تقاعد خلها تحت المخدة وإذا مثقله عليك وودك تحركها فطبق المعادلة

اطرح : 100 ناقص عمرك = النسبة المسموح لك بالمغامرة فيها

مثلا : عمرك 55 سنة يعني لا تجازف بأكثر من 45%

والأسهم فيها عرمشة بس يبيلها شوية صبر على حسن اختيار

الله يرحم والدينا ووالديك على النصيحة... جزاك الله خير

[ماكر الجود]

أدام الله عليك الصحه والسعاده أخي ، العقاراحمد الله على العقل، البل ما أظن بك جرب ،الزراعة تبي لها واحدٍ نشيط ويرضى بالكفاف ،أما الغريب فهو مرفوض بطبعة ومستساغ جلبه ، والخراشة حقتك ياهي نبيهه تعرف متى يقضي حلمك بالله سلمني عليها .

[azeiz]

أخي الفأل الحسن ................فألك حسن بإذن الله
عليك بإعمار فهي خير لك... وفيها السلامة من الدمار
وإن شئت فلا تبرح الإنماء........ ففيه الخير والنماء
وأخيرا أرى في معادن....... خير رفيق والناس معادن

[AL Zahir]

مساك بالخير..
ارض في الحاير وابنها عماره كلها غرف استديو وجبلك سواقين وباص والتوصيل للعمال مجانا ..كذا تكون وفرت سكن للعمال والتوصيل مجانا للبطحاء كل ساعتين اذا همهم بعد المكان وان شنصت معك استاجرته شركه بالكامل...
والراي لك ..
موفق

[صقر أبو خالد]

العقار :
ما انصح به إلا أذا ترغب بدخل ثابت أشتر أو أعمر لك عماره بجنوب الرياض لأن دخله السنوي أفضل من شمال الرياض ..
الاسهم :
( سبكيم - المعجل - البابطين - انابيب 2200 + عسير )

و الله أعلم ..

[ADEEB]

أخي الفال الحسن أطال اللـه في عمرك
أخي الكريم نصيحه من أخوك لاتغامر في مكافأة التقاعد في سوق المقاصيص
فلوس التقاعد ضعها في أستثمار قليل المخاطر حتى لاتندم .
لوكنت مكانك أبحث لي عن عقار سكني مطلوب للبنك من 4 شقق وأقدم هذا المبلغ مقدم لشراء العقار لاتنسى بأن إيجار الشقق في الرياض أتوقع أن يتراوح مابين 20.000 و25.000 ألف ريال .
كلمة أخيرة : أستشر أصدقائك وماخاب من إستشار

[الدرس الأول]

[CENTER][SIZE=5][COLOR=darkred]

العقار :
ما انصح به إلا أذا ترغب بدخل ثابت أشتر أو أعمر لك عماره بجنوب الرياض لأن دخله السنوي أفضل من شمال الرياض ..

يا زين اللي باللون الأحمر زيناه يبو خالد ههه

[صقر أبو خالد]

يا زين اللي باللون الأحمر زيناه يبو خالد ههه

صحيح اللي بيشتري عمييييره لا يشتري الا بجنوب الرياض ..
لا تشتري اللي دخلها أقل من 10 % سنوياً من قيمة المشترى ..
على فكرة بتلاقي و انت مغمض و بالريوووووس بعد

[الفأل الحسن]

يا زين اللي باللون الأحمر زيناه يبو خالد ههه

طول عمر العقاريين نهازين فرص... النصيحة تحولت الى دعاية واعلان

[.مساهم.]

ابسط نفسك وعيالك
اشتر شقه في بلد ترتاح لها ( اندونيسيا ماليزيا امريكا اورباا وغيره وكلها اسعار العقار رخيصه فيها
وكل شهرين غير جو
واحد يقول مابديت احس اني انسان لين ماطلعت من الدول العربية

[اللحيدان]

باشور عليك مشروع فيه وناسة وان شاء الله مربح تربية المعزا يعني ببساطة تشري احلى عنز بـ 600 ريال وخلال عام تعطيك اقل شيء تيس تبيعه بـ 500 يعني راس المال اذا تـأخر سنتين

[الفأل الحسن]

أدام الله عليك الصحه والسعاده أخي ، العقاراحمد الله على العقل، البل ما أظن بك جرب ،الزراعة تبي لها واحدٍ نشيط ويرضى بالكفاف ،أما الغريب فهو مرفوض بطبعة ومستساغ جلبه ، والخراشة حقتك ياهي نبيهه تعرف متى يقضي حلمك بالله سلمني عليها .

واياك يا الغالي... لو ساعتي الخراشة ما نبهتني كان شفت اعلوم .

[q_iii_k_JI]

كثيرة الحليب ... رخيصة الثمن... هجين ... ابوها دنمركي او هولندي وامها اعربية??? هنا مربط الفرس !! مين يفسرها؟

[Alawi]

يا رجال عندك علم عطنااااااااااه

[الوسط]

علاقة الربح على رأس المال طردية كلما ارتفعت المخاطرة ارتفعت نسبة الربح أو الخسارة لا سمح الله والعكس صحيح.
رأيي طالما انها مكأفة عمل سنين ان الاكتفاء بنسبة ربح قليلة والمحافظة على رأس المال وتنميته افضل من الاندفاع , وإذا كنت متابع وباحث عن الفرص سيأتي يوم تلوح فرصة واضحة بشكل لا يقبل الشك لديك انت او من تثق به , عندها ممكن ترفع نسبة رأس المال المستثمر به.
ولا تنسى ركعتين الاستخارة قبل اتخاذ اي قرار استتماري , واهلا بزميلنا الجديد.

[الفأل الحسن]

علاقة الربح على رأس المال طردية كلما ارتفعت المخاطرة ارتفعت نسبة الربح أو الخسارة لا سمح الله والعكس صحيح.
رأيي طالما انها مكأفة عمل سنين ان الاكتفاء بنسبة ربح قليلة والمحافظة على رأس المال وتنميته افضل من الاندفاع , وإذا كنت متابع وباحث عن الفرص سيأتي يوم تلوح فرصة واضحة بشكل لا يقبل الشك لديك انت او من تثق به , عندها ممكن ترفع نسبة رأس المال المستثمر به.
ولا تنسى ركعتين الاستخارة قبل اتخاذ اي قرار استتماري , واهلا بزميلنا الجديد.

تشرفني زمالتكم ... ادينا اللي علينا والبركة في الاجيال القادمة. شكرا على النصيحة.

[الفأل الحسن]

يا رجال عندك علم عطنااااااااااه

يقول احد شعراء الرد( مطلق الثبيتي):
يبي يرجع ولد تالي زمانه عودنا الشيبة== ويبرك بالمصاحف قدم وجهك لينا تقراها