منتديات أعمال الخليج
منتديات أعمال الخليج

النتائج 1 إلى 2 من 2

الموضوع: الجميع يظن أنه على حق .. وغيره على باطل ..!!

  1. #1
    تاريخ التسجيل
    21-Jul-2008
    المشاركات
    15,143

    الجميع يظن أنه على حق .. وغيره على باطل ..!!

    أبو صالح و أبو راشد قاعدين يطالعون الأخبار في مدينتهم ( بريدة) في القصيم بالسعودية


    أبو راشد - وش قاعد تفكر فيه يا بو صالح؟


    أبو صالح - أفكر بهالدين العظيم اللي انتشر من أقصى الأرض الى أقصاها. ناظر هالمسلمين الصينيين.


    -و الله أنك صادق يا أبو صالح.


    - بس ترى هذولا ما يعرفون من الدين الا القشور. طبايعهم زي الأجانب، بس يصلون.

    المسلمين الصدق هم العرب اللي يفهمون القرآن و الأحاديث.


    و الله أنك صادق يا أبو صالح.


    - و بعد ترى موب كل العرب مسلمين صحيحين. عندك هالشوام و المصاروة و المغاربه و الله حتى مايصلون صلاة ربي.

    ان بغيت المسلمين الصدق تراهم أهل الجزيرة و الخليج.


    - والله أنك صادق يا أبو صالح.


    - و موب بعد كل الخليج. ترى كل هالدول تسمح بالخمر و بالكنايس،


    الدين الصدق هو ديننا حنا يا أهل السعودية.


    - و الله أنك صادق يا أبو صالح.


    - بس عندك بعد أهل الشرقية فيهم شيعة و حريمهم مايغطون وجيهم، و أهل الغربية حريمهم بعد ما يتغطون و يشيشون، و أهل الشمال حريمهم مايتغطون عن رجالهم و يجلسون معهم و يضيفوهم. و أهل الجنوب مثلك خابر عندهم بدع واجد.

    الدين الصدق موجود هنيه عندنا في الوسطى و القصيم.


    - و الله أنك صادق ياأبو صالح.


    - بس ترى عندك هنا في الوسطى الناس يـتـتـنـون (يدخنون) و يسمعون موسيقى و العياذ بالله.

    الدين الصدق هنيه ببريدة.


    - و الله أنك صادق يا أبوصالح.


    -بس بعد بريدة موب كل حارة زي الثانية، ترى أكثر أهل بريدة مركبين دشوش و يشوفون القنوات الماجنة.

    ما فيه مثل حارتنا مافيه و لا دش واحد.


    - والله أنك صادق يا أبو صالح.


    - بس الله يهديهم جيراننا موب دايم تشوف عيالهم في المسجد، و لا تشوفهم دايم في صلاة الفجر. الصراحة يا بو راشد

    ما فيه في الحارة يصلون الفجر دايم في المسجد الا أنا و انت.


    - و الله أنك صادق ياأبو صالح.


    بس أشوفك يا بو راشد هالأيام ما تخشع زين في صلاة الفجر !!!


    إنتهت القصة ......



    طبعا لم أورد هذه القصة إستهزاءا بأهل القصيم ( أنعم بهم وأكرم ) .. أهل دين وكرم وحياء وشمم .. وشهادتي فيهم مجروحة


    ولكن الهدف منها هو كشف وفضح هذه العقلية التي أصبحت منتشرة بكثرة في مجتمعاتنا كلها من شرقها لغربها ومن شمالها لجنوبها


    فالجميع يظن أنه على حق .. وغيره على باطل ..
    رد مع اقتباس رد مع اقتباس

  2. #2
    تاريخ التسجيل
    4-Jul-2005
    المشاركات
    520
    عند حدك ياكثير الهرج تب ....... ولا تمر النار وثيااابك حرير !!
    رد مع اقتباس رد مع اقتباس

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
المنتدى غير مسؤول عن أي معلومة منشورة به ولا يتحمل ادنى مسؤولية لقرار اتخذه القارئ بناء على ذلك