ساب البريطاني يفرض رسم 50 ريال على السحب النقدي

**موبايل** · 28-12-2009, Mon 2:22 PM

هذا اللي حصل اليوم

حسابي عندهم

جيت اسحب كاش قال ادفع رسم 50 ريال والا رح اكتب شيك واسحب فيه مجاني !!!

طيب دفتر الشيكات ماهوب معي الحين ؟ ولآن المبلغ اكبر من حد الصرف من المكينه .....اضطريت للدفع مجبر

دفعت 50 ريال رسم ووقعت عليها بموذج مستقل من عندهم !!!

اول مره ادري عن القرار هذا

وش رايكم ؟؟

**بريماكس** · 28-12-2009, Mon 2:34 PM

اسحب رصيدك وقفل الحساب

**IBAN** · 28-12-2009, Mon 2:34 PM

انا اول مره اسمع بهذ الابتكار الجديد
لدى البنوك متخصصون يعملون ليلا نهارا مع شياطينهم لابتكار طرق ملتويه وعجيبه لشفط جيوب الغلابه وسترى هذا مطبق(بيض) في باقي البنوك قريبا مثل البيبسي والكوكا

**خشاشي** · 28-12-2009, Mon 2:38 PM

أنا أمس سحبت منهم كاش وماحصل معي اللي انت تقول

**موبايل** · 28-12-2009, Mon 2:42 PM

المشاركة الأصلية كتبت بواسطة بريماكس

اسحب رصيدك وقفل الحساب

سيقفل بإذن الله

شكرا على النصيحة

**موبايل** · 28-12-2009, Mon 2:43 PM

المشاركة الأصلية كتبت بواسطة Survivor

انا اول مره اسمع بهذ الابتكار الجديد
لدى البنوك متخصصون يعملون ليلا نهارا مع شياطينهم لابتكار طرق ملتويه وعجيبه لشفط جيوب الغلابه وسترى هذا مطبق(بيض) في باقي البنوك قريبا مثل البيبسي والكوكا

وانا مثلك اول مره اسمع به ولو ان ما دفعت ما صدقت

اما الشياطين وعملها معهم فحدث ولا حرج

**موبايل** · 28-12-2009, Mon 2:49 PM

المشاركة الأصلية كتبت بواسطة خشاشي

أنا أمس سحبت منهم كاش وماحصل معي اللي انت تقول

تمنيت اني صورت ( لو من الجوال) فورم خصم الرسم اللي وقعته لهم

**Blue** · 28-12-2009, Mon 2:51 PM

انا ولله الحمد

الغيت بطاقة الائتمان وباقي القرض وهو الخطوة القادمة ومن ثم الغاء الحساب

المنافسة قادمة وطب واتخير

وبالتوفيق

**الموسوعة** · 28-12-2009, Mon 2:54 PM

قصدك شيك مصدق

**جلنار** · 28-12-2009, Mon 3:13 PM

هل تم الخصم من الحساب مباشره ام دفعت العموله نقدا

تفرق
ممكن تكون حركه من بعض الموظفين

**هلل بن خمسمائة** · 28-12-2009, Mon 3:31 PM

منشار مو بنك ...أكل في الرايح والجاي

**الماس** · 28-12-2009, Mon 4:07 PM

هنالك امور لآأجد لها تعليلا فمسألة الرسوم بدأت تقلق المواطن.

استخراج بطاقة الصراف في أحد البنوك 75 ريال. هذا مبلغ ليس بالبسيط.

بدل فاقد 75 ريال.

حقيقة الأمور بدأت تصعب .

اللهم ارفع عنا الغلآ والوباء وسائر المحن عن بلدنا هذا خاصة وسائر بلآد المسلمين.

**الوسط** · 28-12-2009, Mon 4:55 PM

المشاركة الأصلية كتبت بواسطة موبايل

جيت اسحب كاش قال ادفع رسم 50 ريال والا رح اكتب شيك واسحب فيه مجاني !!!

اشوف مصرف الراجحي هاليومين كل ما افتح الحساب فيه رسالة بالاحمر تقول مع بداية السنة الجديدة لن تتمكن من دخول حسابك الا بتسجيل جوالك لدى الراجحي , على ما اذكر ان الراجحي ارسل لعملائه يطلب منهم التسجيل بخدمة جوال الراجحي , وعندما جربت اسجل يومها طلب مني رسوم 50 ريال لكني الغيت التسيجل من اصله , واليوم مطلع لي رساله يقول لن تتكمن من الدخول الى حسابك من بداية السنة الماليه الجديدة الا بتسجيل جوالك , يعني الـ 50 ريال لكن بطريقة مختلفه عن ساب.
يعني حنا بالراجحي عندنا ذكى احسن منكم ياعملاء ساب , واكيد باقي البنوك راح ياخذون الخمسين كل بطريقته.

**malt** · 28-12-2009, Mon 5:03 PM

المشاركة الأصلية كتبت بواسطة بريماكس

اسحب رصيدك وقفل الحساب

نعم كما فعلت انا من زمان هذا بنك زبيراوية

بس لا تقفل الحساب خله فاضي

وبيدوشهم كم سنة

الين يقفلونه هم بعد ما يخسرهم اكثر من ال50ريال حقك

او زيادة في التنكيل والخسارة

رح اسحبها من صراف ا لبنك البلاد او الانماء 50ريال ثم50ريال ثم50ريال الى ان تصل الحد اليومي5000ريال عشان يستفيد البنكين من كل عملية 5ريال على ظهر البريطانيز

ثم عاود الكره كل يوم الين يخلص الرصيد حقك

**برقان** · 28-12-2009, Mon 5:04 PM

اسحب رصيدك

والله راح يعلنون توبتهم عن حركاتهم السخيفه

وراح يتصلون على عملائهم ويعتذرون لهم

**الرونق** · 28-12-2009, Mon 5:10 PM

هذا انصب بنك وإدارته تعبانه

أنا شلت الراتب من عندهم وطلعت ورقة مخالصة باقي الحساب بس بسحبه في سامبا او الأنماء

والله كثر البنوك وش يحدنا عليهم ؟

**قوة الإرادة** · 28-12-2009, Mon 5:15 PM

من زماااااااااان كان البنك الاهلي كذا!!
قسيمة السحب النقدي بـ 10 ريال
بس ما ادري عنهم الان

**(ابو وسن)** · 28-12-2009, Mon 9:39 PM

المشاركة الأصلية كتبت بواسطة malt

نعم كما فعلت انا من زمان هذا بنك زبيراوية

بس لا تقفل الحساب خله فاضي

وبيدوشهم كم سنة

الين يقفلونه هم بعد ما يخسرهم اكثر من ال50ريال حقك

او زيادة في التنكيل والخسارة

رح اسحبها من صراف ا لبنك البلاد او الانماء 50ريال ثم50ريال ثم50ريال الى ان تصل الحد اليومي5000ريال عشان يستفيد البنكين من كل عملية 5ريال على ظهر البريطانيز

ثم عاود الكره كل يوم الين يخلص الرصيد حقك

ههههههههههههههههههههههههههههههههههههه
والله فكرة

**LTZ** · 28-12-2009, Mon 10:04 PM

يااخي بأمكانك الشكوى عليهم لدى مؤسسة النقد وسيتم النظر فيها

**time line** · 28-12-2009, Mon 10:32 PM

العميل لذيذ لاخر ريال باشراف ساما.

**sltn** · 28-12-2009, Mon 11:41 PM

المشاركة الأصلية كتبت بواسطة slame

من زماااااااااان كان البنك الاهلي كذا!!
قسيمة السحب النقدي بـ 10 ريال
بس ما ادري عنهم الان

حصلت معايا قبل 4 سنين تقريبا مع فرع البنك الأهلي بالحوية في الطائف وسحبت كاش من حسابي لاحظ من حسابي وأخذوا علي 10 ريال

طبعا أخوك مايضيع نص ريال حقه وبالذات من بنك أخذت الفلوس وهي ناقصة 10 ريال ولاكلمت الموظف دخلت مباشرة على مدير الفرع وقلتله

ليش تاخذون 10 ريال وأنا بسحب من حسابي علما أن بطاقة الصراف ماكانت معي
قالي النظام !!

قلت أي نظام

وربي مني طالع من هنا إلا بعشرتي

.. ووالله العظيم دق على الموظف وقاله جيب 10 ريال وتعال وشوي إلا الموظف داخل وجايب العشرة وأعطاها المدير وأعطاني هي .. ووقتها وقدام المدير سحبت كل هلله من الحساب وقلتله ماأبغالكم حساب

وخرجت ومن يومها مادخلت أي فرع من فروع البنك الأهلي ..
ووالله الحمدلله أنا حاليا مرتاح مع الراجحي وسامبا

..

**القصيم** · 29-12-2009, Tue 1:26 AM

الاهلي ياخذ 10 ريال عند السحب النقدي
او تكتب شيك بإسمك

**القصيم** · 29-12-2009, Tue 1:28 AM

المشاركة الأصلية كتبت بواسطة الوسط

اشوف مصرف الراجحي هاليومين كل ما افتح الحساب فيه رسالة بالاحمر تقول مع بداية السنة الجديدة لن تتمكن من دخول حسابك الا بتسجيل جوالك لدى الراجحي , على ما اذكر ان الراجحي ارسل لعملائه يطلب منهم التسجيل بخدمة جوال الراجحي , وعندما جربت اسجل يومها طلب مني رسوم 50 ريال لكني الغيت التسيجل من اصله , واليوم مطلع لي رساله يقول لن تتكمن من الدخول الى حسابك من بداية السنة الماليه الجديدة الا بتسجيل جوالك , يعني الـ 50 ريال لكن بطريقة مختلفه عن ساب.
يعني حنا بالراجحي عندنا ذكى احسن منكم ياعملاء ساب , واكيد باقي البنوك راح ياخذون الخمسين كل بطريقته.

الخدمة الي ياخذ مقابلها الراجحي 50 ريال مختلفة تماماً عن ما يظهر لك في مباشر الراجحي
الغرض من وضع رقم جوالك في صرآف الراجحي حتى يتمكن البنك من إرسال كلمة المرور أو كلمة السر عند فقدك لها

**الحايلي** · 29-12-2009, Tue 7:10 AM

المشاركة الأصلية كتبت بواسطة الوسط

اشوف مصرف الراجحي هاليومين كل ما افتح الحساب فيه رسالة بالاحمر تقول مع بداية السنة الجديدة لن تتمكن من دخول حسابك الا بتسجيل جوالك لدى الراجحي , على ما اذكر ان الراجحي ارسل لعملائه يطلب منهم التسجيل بخدمة جوال الراجحي , وعندما جربت اسجل يومها طلب مني رسوم 50 ريال لكني الغيت التسيجل من اصله , واليوم مطلع لي رساله يقول لن تتكمن من الدخول الى حسابك من بداية السنة الماليه الجديدة الا بتسجيل جوالك , يعني الـ 50 ريال لكن بطريقة مختلفه عن ساب.
يعني حنا بالراجحي عندنا ذكى احسن منكم ياعملاء ساب , واكيد باقي البنوك راح ياخذون الخمسين كل بطريقته.

الخمسين اللي ياخذها الراجحي هذي عن خدمة جوال الراجحي
اذا اشتركت فيها تبدأ تجيك رسايل على كل عملية تتم في حسابك الجاري سواء سحب او إيداع
اما الاعلان اللي باللون الاحمر فلمقصود منه انه تجيك رسالة كلمة سر عندما تريد الدخول الى موقعك
وهذا مجاني ما عليه أي رسم مثل لما تبي تضيف فاتورة جديدة أو مستفيد جديج

**موبايل** · 29-12-2009, Tue 10:01 AM

اشكر الاخوان اللي ردو كل بإسمه

المشاركة الأصلية كتبت بواسطة الموسوعة

قصدك شيك مصدق

ما لوجهك لوا

ليس شيك مصدق ، نموذج عادي جداً مثل اي نموذج سحب

**موبايل** · 29-12-2009, Tue 10:03 AM

المشاركة الأصلية كتبت بواسطة جلنار

هل تم الخصم من الحساب مباشره ام دفعت العموله نقدا

تفرق
ممكن تكون حركه من بعض الموظفين

ليس نقداً بل خصم من الحساب وتابعت العملية عن طريق الهاتف المصرفي وانخصم من الحساب

والموظفين ناقشتهم وتكلمت مع مديرهم قالو ما لنا اي دخل حنا مثلكم مستغربين هالقرار حتى ان مديرهم قال بإمكانك عمل شكوى