نورت الدار بشوفهم
سلطان وينك كمـل الصبـر كلـه ******** ما عاد به فالصبر قـوه ولا حيـل
عجّـل ترانـا كننـا فـوق ملـه ******** وكن الليالي من بعد غيبتـك ليـل
إمبهـر ٍ لـك بالحرميـن دلــه ******** فنجالها حب الرجـال المشاكيـل
والبر في نجد العـرب زان حلـه ******** شوف الفياض اللي تبي علها السيل
سلطان عقبك ما على الدار ظلـه ******** والروس من هم الليالـي مثاقيـل
يا طول ما هلـت علينـا الأهلـه ******** نعدها والشاهـد الجـدي وسهيـل
نبي حجاجك بيـن شعبـك تفلـه ******** فالمملكه يـا سيـدي فلـة النيـل
يابـو فهـد تكفـا تجمـل وقلـه ******** نجدك عليه دموع عينـه هماليـل
نجدك فقد من داير الحـول خلـه ******** ماله بغيرك شف موجز وتفصيـل
الشاعر عبد العزيز بن سعود بن محمد السعود ( ألسامر )
المفضلات