احلى ما في النقاش ان يكون على طريقة الديوانيه ... يعني ( المايك فري
)
يا جماعه موضوع الطابور له تأثير نفسي ( ايجابي - سلبي )
اللوم لا يقع على الناس فقط بل يقع ايضاً على .. أهل الشبابيك
مثلاً : الكافيات أو المطاعم ... ليش ما يحطون ( خط سير ) على الأرض ( بالبويه ) او مسارات يمين ويسار ( شريط بلاستيك ) ..
مره دخلت مطعم ماك .. في الرياض ووجدت طابورين عند ( 2 كاشير ) ووقفت على الأيسر لأنه كان اقصر ... وشوي شوي .. الا الطابور الأيمن يمشي .. واحنا واقفين
... لييييييييييييييش ... لأن الكاشير الأيمن ( خبير وسريع ) وصاحبنا ( جديد وبطئ ) ... هذا أسمه طابور ظالم ..
المفروض يكون طابور ( واحد ) وينتهي عند جميع المحاسبين ..
...
في الدوائر الحكوميه .. للأمانه الدور ماشي صح في الجوازات والأحوال حسب الرقم .. لكن عيني عينك .. يجي ظابط على مكتب الفرد ويعطيه كم جواز مع كلمتين بالأذن .... !!!!!!!!! ( مطامر )
على طارئ الجوازات : مرة انتظرفي الصاله ( المكتومه ) وسويت حسبه كم دقيقه يحتاج الموظف لينجز طلب المواطن ... وبديت احسب الوقت من جلوس المواطن امام العسكر ..
أخذت 3 عينات بسيطه .. كل عينه مدتها 15 دقيقه ...
واخذت متوسط النتائج فكانت ( 1 دقيقه و 17 ثانيه ) وكان رقمي حول 370
.. والدور على 290 .. فحسبتها ..
370 -290 = 80 شخص * 1.2 دقيقه = 96 دقيقه ( ساعه ونصف ) .. قلت اروح اجلس في مكان ( فيه هواء ) واشرب كوفي .. صحيح فيه شئ اسمه كافاتريا .. بس مالها من الكافتريا الا اسمها
... حتى الساندوش البيض مصفوف وجاهز من فجر الله ومصفوف مثل الهرم .. اذا طلبت حطها بالكروييف .. والسلام
المهم دوري وصل اكثر من حسبتي ب 10 دقايق .. ( ممتاز ) ..
كان ودي اسوي دراسه اكبر واعطيها المدير ... بس قالي واحد عندهم دراسات الدنيا بس ما يبون يسووون شئ ...
بدون ما ندخل بالتفاصيل بس الجوازات عندهم دخل ذاتي ... يقدرون يبنون مبنى من زجاج
احلى طابور شفته بالريا ض بدون منازع ( سريع جداً ) بالارقام هو مكتب تسجيل المواليد والوفيات
الحديث يطووول ... يا زين سواليفكم وسواليف الديوانيه
المفضلات