المشاركة الأصلية كتبت بواسطة aman
[/color]
أشكرك أخي العزيز والله يعوض على الجميع بموفور الصحه والعفو والعافيه والمال والذريه الصالحه , لكن وأنا أخوك أنا مستثمر في العقار منذ زمن بعيد بفضل الله ومحفظتي تقريباً 90% عقار 10% أسهم - والعقار أستثماري فيه على ثلاث أوجه عوائد وأراضي تجاريه وخام وأحرص بأن الكاش المتوفر لدي أضعه أول بأول في العقار المناسب (بالطبع عقار تجاري ) ,
ولم ولم ولم أسمع من قبل أغرب من طرحك هذا , لكن إذا كنت تستنى السعر 100 ريال للمتر عشان تشتري أرسل لي رقم هاتفك على الخاص وأنا أبيع عليك أو أدبر لك بهذه الأسعار - بس الخوف نعرض عليك وما تشتري ولو بسعر 10 ريال للمتر
يعني قصدي لا يكون سبب طرحك هذا تماشياً مع راعين المهايطططططططط وأنت إن شاء الله ثقه ومنت منهم . دمتم رابحين
لا لا باين انك منت من اهل المهايط
خصوصا وانك مستثمر ومنوع استثمارات واغلبه عقار تجاري
ومنوع بين تجاري واستثماري وسكني واراضي خام واسهم وعندك كاش
معناها انت امورك طيبه والله يزيدك ولا عليك من كلامي
عقارك عندك وفلوسي عندي
دام الف ريال للمتر في الصحراء مهو مقنعك فانتظر عقارك لين يجيب السعر اللي يقنعك
وانا بمسك دراهمي لين اشوف الاسعار اللي تعجبني
بعشره والا بميه لا انت ولا غيرك يقدر يجبرني اني اشتري في موجة الهبال هذي
اعطيك اياها على بلاطه
اللي يشتري العقار بهالاسعار مثل اللي اشترى بيشه فوق 2000 ويفكر يبيعها 4000 الاف وحجته كانت منظمة التجارة وتجزئة الاسهم
المفضلات