كلمني احد ابناء عمي وهو من اهل وسكان القصيم ويعلم اني اسكن جده آنذاك ,, وعلمت من مكالمته انه جاء الى مكه ليؤدي مناسك العمره وعاد الى داره دون ان يكلمني او يمر علي ,, فقلت له معاتبا : " وش دعوى يبو صالح تمر جده ولا تمرني علمني على الاقل تقهوى عندي انت والاهل او نقوم باقل الواجب لك ولاهلك " ,, فرد علي : لا ان شاء الله .. قلت له : ليش ؟ قال امر جده لا لا اعوذبالله من الشيطان الرجيم .. قلت له مستغربا : هه وراك تعوذ بالله من الشيطان ؟!! ليش وراك زعلـ( ن ) على جده ؟!! قال لي : بلد فيه فسق وانحلال وتفسخ ولو بمكه مطار ما جيت جده ولا طبيت مطاره ,, قلت له مازحا : يعني على بالك اذا جيت عندنا البيت نبي نتفسخ لك او نرقص لك ؟ !!! ,, قال لي : لا لا حاشاك تكرم ,, قلت له : يعني ذنبي الوحيد اني ساكنـ( ن ) جده عشان كذا ماتمر علي ,,
,, وفي المقابل ترى النقيض ,, بعض اهل نجد اذا زار جده كانه كان مربط وانفك رباطه ! ,, او كانه قدر ضغط ونسمت له ! ,, بعض شبابهم يعيثون بالاسواق فسادا بالاساليب الجديده بالغزلي والتي لا تخلو من الجرأه التي تصل لدرجة الوقاحه ,, والبعض الآخر من شبابهم ما تشوف الا ونيتاتهم الهايلكس المغبره واقفه على الكورنيش وطابين يتسبحون على بالهم الكورنيش مكان للسباحه مايدرون ان الكورنيش مكان فسحه وجلسه واستمتاع بمنظر البحر,, طبعا ما الومهم جايين من البر " مشافيح " ويبون بحر وما صدقو على الله يشوفون بحر الا ويطبون يتسبحون ,, كورنيش مو كورنيش هذا مو شغلهم ,, مع العلم انه توجد لوحات على الكورنيش كتب عليها وبخط عريض ممنوع السباحه ,, ولايتركون مكانا في جده الا ويذهبون اليه حتى لو كانت اماكن مشبوهه واخص بالذكر شاليهات أبحر ,, تجد اغلب روادها في الاجازات منهم ,, ولو تسال احدهم بعد ان يغادرها وش رايك بجده ؟ ,, يقول لك اعوذ بالله ديره كلها بلاوي !!!
المفضلات