السعودية تكشف عن عزمها تصنيع طائرة هيلوكوبتر متطورة للأستخدامات المدنية من خلال تطوير تقنية النانو ، ومن المقرر أن يبدأ انتاجها بشكل تجاري خلال 3 سنوات من الآن
جوال الاقتصادية
|
 |
 |
|||
 |
 |
||||
عضو مميّز
السعودية تكشف عن عزمها تصنيع طائرة هيلوكوبتر متطورة للأستخدامات المدنية من خلال تطوير تقنية النانو ، ومن المقرر أن يبدأ انتاجها بشكل تجاري خلال 3 سنوات من الآن
جوال الاقتصادية
عضو قدير
أجل بيدرجونها في السوق متى ... سهم هيلوكوبتر
أتوقع أول مايشغلونها تطير .
عضو مميّز
إيه يامشغول البال
هذي العلوم السنعة - وهي عادتك -.
الله يجعل هالطيارة بداية للتصنيع الحربي الذي أمرنا الله بإعداده.
...
عضو مميّز
المشاركة الأصلية كتبت بواسطة مشغول البال
هل تقنية النانو هي ما ستساعد علي تصنيع الطائرة الهليكوبتر؟
عضو
يمكن طيارة ريموت!!!!
عضو مميّز
لالا
رسم بس
عضو قدير
ههههههههههههههههههههههههههههههههههههههه
ههههههههههههههههههههههههههههههههههههه
الله يرج ابليسك رجا مبرحا :d:d:d
عضو
نقول يارب يكون الخبر صحيح
وأتمنى أن تكون الدولة حفظها الله قد أتمت الصنع والتجربة وليس مجرد التفكير
فغالبا مثل هذه الأخبار العسكرية لا تعلن إلا بعد إتمام المشروع وإلا أنا غلطان أخي مشغول البال
فالوضع على مستوى المنطقة محرج جدا والله المستعان
عضو
تسلم اخي الكريم على هالخبرية
الله يجزاك خير
اتمنى ان يسند الامر الى جهة تستطيع ان تقوم بهذه المهمة
والخوف ان يسندوه الى مدينة الملك عبدالعزيز للعلوم والتقنية حسب ما سمعت
وان اسندوه لهم فالله يعين
دمت بود وخير
عضو
والله ماظنتيت الخبر بالون أختبار
للدخول في هذه الصناعات يجب إيجاد منظومة متكاملة من الصناعات المساندة و البنية التحتية الهائله وهي غير متوفرة لدي المملكة بمفردها
عضو قدير
مانبغى نصنع لا طائرات ولا شيء
نبغى مزايين الابل وبس
عضو قدير
عهد ابومتعب عهد النقلات و التطور . الله يحفظه ويديمه
عضو
ما شاء الله تبارك الله
طمرنا
السيكل
والدباب
والسيارة
وبنصنع طيارة
كذا بناخذ لقب الشعب الجبارين
من الاخوة الفلسطينيين
!!!!!!!!!!!!!!!!!!!
ابو محمد
امس يقولون اننا نصنع اقمار صناعية
واليوم يقولون نبي نصنع طيارات
اقول اصنعوا قطاع نقل عام بالرياضافيد لكم ولنا .. وبالمره ننقل عليه تقنية النانو .
موقوف
هههههههههههههه
كم رقم المصنع ودي احجز طائرة لصيد القماري والصفار
وان تعبت من القوقسيه بصراحه تشرد من بعــيد
لكن بعــد ما اشري الطياره وين تبي اتروح القوقسية
والرامي النوخذه
عضو قدير
هههههههههههههههههههه
عضو مميّز
يا الله حيهم كلهم وكل( ن ) باسمه
يا جماعة انا كتبت الموضوع مع صلاة العصر وطلعت مشوار وتوني ارجع للبيت وإلين انكم مجتمعين ( هنيء) فالعذر و السموحة على عدم الرد في حينه
يا هلا و الله بكم ...
اما موضوع الطيارة فتراني مثلكم والله اني تفاجأت زيكم وقلت يمكن نكته من احد الشباب ... ولكن لما برقت عيوني فيها زين وجدتها من جوال الاقتصادية .. وزي مانتم عارفين مستحيل ينشرون شيء وهو ما اقر بشكل صحيح
طبعا يا اخوان لدينا مشكلة كبييرة وهي ثقتنا في انفسنا للأسف مهزوزه اشوى .. ودائما نرى مثل هذه الاخبار اكبر منا وهذا غير صحيح ويجب ان يتغير فلدينا الشباب و القدرات الذهنية اقصد العقلية وكذلك المادية و الخامات اللأزمة .. وهناك اتفاقيات بين الدول والمملكة تمت في العهد الزاهر للملك عبدالله مع الصين و الغرب واكثر دول العالم تقدما
فما يمنع من تحقيق ذلك وخاصة شركة السلام السعودية وشركة اللكترونيات المتقدمة لها في مجال الطيران مجال طيب ... تحياتي لكم واعذروني عن الرد المتأخر اشوي
عضو مميز
والله أتمنى ذلك إن شاء الله...
وبداية خير..
رغم إني ما أدري ماهي علاقة النانو بطائرات الهيلوكبتر؟
عموما يوجد شركة مثل السلام للطائرات ممكن تكون نواة لمثل هذا المشروع
موقوف
لا تطيرون بالعجه, بكره يطلعون خبر ينفي
ثانيا هل احوال الشعب صلحت و الطرق تعدلت والمرور صار قوي والامن مستتب والشعب لقى سكن علشان نفكر في صناعة طائره
اقول خلونا نصنع سيكل اول و بعدين نفكر نصنع طياره
عضو مميّز
(الدولة شيء والحكومة شيء آخر اعتقد المقصود بالخبر الحكومة وليس الدولة )
يا رجال.... أتمنى والله.. لكن.... فاقد الشيء لا يعطيه.... اذا ما قدرنا نحل مشاكل معاملات بيروقراطية بملفات علاقية خضراء بين وزارة العدل وبين الجوازات... وما قدرنا حتى نطلع آلية بسيطة تستطيع ان تعرف عن طريقها الغاء الوكالات الشرعية.... انظمة من ستين سنة ما غيرناها.... وبنصنع هيليكوبترات؟ ومن وين المهندسين؟ هل عندنا أصلا تخصص في جامعاتنا مثل هالتخصص؟ او طلاب درسوا صناعة الاسلحة في الخارج؟
حتى لو انتجنا واحدة بتكون بيضة الديك وقصة انتاجها بتكون نكتة ومثيرة للسخرية...
وبتكون بقرار "ارتجالي" وينتهي الموضوع بشكل "ارتجالي" ايضا....
دام لا يوجد نظام اداري و "سيستم" بدون ثغرات ويستطيع تحمل جميع العقبات الممكنة بشكل سلس اداريا وبشكل منظم ومرتب ... فلن نستطيع انتاج علب تونا..
أصلا فكرة التصنيع يفضل تسليمها لشركات بمراقبة حكومية لصيقة والا تصبح المسألة بيروقراطية جديدة ويومهم بسنة ....
أتمنى اعادة ترتيب اوراقنا صراحة وان الحكومة تستبدل الانظمة الادارية اللي من ستين سنة بانظمة فيها تكامل ووضع حسبان لأي طارئ ... لكن اشك في حدوث شيء من هالقبيل للأسف..
كل شيء عندنا ارتجالي
ضوابط المشاركة
رد مع اقتباس
المفضلات