مشكلة كل الاخبار سلبية !

[ابو عبدالعزيز]

قبل كل شئ انا واحد متعلق ومعلق معي المعزبة والعيال والشغالة ، يعني بالمختصر المفيد لاحد يتهمني اني مرجف تروا الي فيني كافيني وللمعلمومية اخر سهم طبيت فيه سهم زين شريته بخمسة وعشرين ريال بعد ماصفيت محفظتي وجلست انتظر الي يقولون السهم راح يزقح فوق الخمسين

المهم أمس سابك اخبارها سلبية هي ومخصص شهرتها الي شكله بييقعد كل ربع يطلع لنا فية الماضي واليوم بنك الرياض طبعا ماعنده شهره بس عند مخصص ياكل الاخضر واليابس

اليوم وانا اتصفح المنتديات طلع لي واحد يقول المؤشر راح يزور 3800 وسابك راح تكون 22 ريال وزين راح تكون بريالين أم انه قال ريالين الا ربع ماذكر زين من الربشة
عاد انتم انصحوني بالدبره هل اهج او امسك سهمي وانثبر واترك القيل والقال

[قاهرهم]

لاحول ولا قوة الا بالله

انا ماعندي غير اسئل الله ان يعجل بفك تعليقتك وجميع المسلمين

وحسبى الله على من طبل لك من غير علم او قاصد التطبيل لايذاء المسلمين

اما من اجتهد ونيته صافيه الله يسامحه

[cooool]

خسارتك قاسية واكثر من 150% .. اذا كنت تستطيع الصبر (سنة واكثر راح تخف الخسارة ان شالله وممكن يرجع راس المال ) فانثبر في سهمك والله يعينك ..
ماتقدر تصبر .. بيع وقسم المبلغ على ثلاث شركات يتوقع لة نمو وارتفاع في سعر السهم ,, ولاتسالني وش الاسهم .. باعطيك واحد ادخل فيه ب 30% .. الانماء والباقي عليك ..
والتوفيق من رب العالمين ... دعواتي لك بالتوفيق والتعويض عاجلا غير اجلا يارب

[لمّاح]

تبي العلم

جمّع ماوراك ودونك في عذيب

ادخل فيها وحاول يكون الدخول في وقت نزول للسوق ويكون السهم أحمر.

واصبر عليها كم شهر إلى سنة , وبتشوف خير إن شاء الله


...

[ابو عبدالعزيز]

اخوي لماح فكرت في عذيب بس اهل الخبرة انصحوني بعدم الاندفاع ، حيث ان الخطوط الثابته والتي سوف تشتقل عليها عذيب ما منها رجى ،، لاي ،،، شركة ،،، لانها بختصار راحت للاتصالات السعودية وسوف تجد الشركة الي هي عذيب صعوبة في الحصول على عملاء جدد


يعني شف لي غير عذيب
معليش سوف اتعبك شوي لكن انشالله باجره
تحياتي