منتديات أعمال الخليج
منتديات أعمال الخليج

النتائج 1 إلى 10 من 10

الموضوع: اقلط تقهو اقدع وسع صدرك والدنيا زايله !فنجان وبيتين

  1. #1
    تاريخ التسجيل
    22-Dec-2002
    المشاركات
    508

    اقلط تقهو اقدع وسع صدرك والدنيا زايله !فنجان وبيتين

    إن قلت وشلونك ؟ فلانيب بالحيل
    همي كبير وداخل القلب عله
    عيا يرد الصبح مسترسل الليل
    وعيا يقوم الحظ من طيحةٍ له
    رجلي وغيري راكبٍ صهوة الخيل
    أشقى وغيري ياخذ الكار كله
    يابندر أمزج فايح البن والهيل
    وبهّر بها يابوك للكيف دله
    اباطرد هموم تلاطم كما السيل
    كل مابغى يدله فؤادي تتله
    عجزت متوني وارتدم فوقي الشيل
    والرجل جاها من حصا الدرب خلّه
    تمشي جروح الوقت في خافقي غيل
    وتلمع سيوف الضيم من الوجه سله
    إن قمت طق الغار راسي من الميل
    وان جيت أبا اقعد فوق جمرٍ وملّه


    من درر بحر اميرالشعرالنبطي دايم السيف
    الصور المرفقة الصور المرفقة  
    رد مع اقتباس رد مع اقتباس

  2. #2
    تاريخ التسجيل
    11-May-2005
    المشاركات
    1,423
    قصيدة نابعة من معاناة ماترك سوق الأسهم احد
    وما يعدل الحال الا الدلّه
    رد مع اقتباس رد مع اقتباس

  3. #3
    تاريخ التسجيل
    22-Dec-2002
    المشاركات
    508
    رد مع اقتباس رد مع اقتباس

  4. #4
    تاريخ التسجيل
    22-Dec-2002
    المشاركات
    508

    الهييئه شاكر مرورك الطيب وهذي قصيده اخرى تذكرنا بالحياه والموت والقبر وسياتنا

    سجد قلبي على رمل الضلوع وهزه التنهيد
    =========== وأنا في قلبي خيام الندم والخوف منصوبه
    يارب أفهق هلاكي والمنايا والدروب بعيد
    =========== ما دام المودماني للتراب تقوده دروبه
    يا غيّاث الظوامي والثمام وجرهدي البيد
    ============ أعذني من جهنم والحشر والموت وكروبه
    أنا ما نيب لا مشرك ولا فاسق ولا عربيد
    ============ أنا اللي لا عصى وأخطأ تجهم وأقلقه ثوبه
    أنا اللي يرتجف مثل ارتجاف الخايف الرعديد
    ============= إذا شاف القبور الضيقات وحس بذنوبه
    أنا عبدك ولد عبدك وجدّاني هل التوحيد
    ============= خطاياي أخجلتني يالله الغفران والتوبه
    أنا الإنسان حمّال النقايض والكمد والكيد
    ============= غريق الطين واللذات من راسه لعرقوبه
    أنا عبدك يا ربي وأنت تفعل ما تشاء وتريد
    ============= سألتك يالله العفو العظيم وهيّن دروبه
    الشاعرنايف صقر
    رد مع اقتباس رد مع اقتباس

  5. #5
    تاريخ التسجيل
    19-Jun-2005
    المشاركات
    1,290
    يالله يـا جـال الأمـور المهمـة " " تجلى وهق قلب برى حال راعيه
    البر دجته و البحر رحـت يمّـه " " أدرج سبب حظ على الله مساعيه
    يوم إن ولد اللاش رزقه على أمه " " رزقي على اللي ميّت القشع يحييه
    مانـي وانـا بنـدر ببيـاع دمـه " " يقطعك يا بيّـاع دمّـه و مهفيـه
    اللـي يبيّـع لابسـات الأزمــه " " ثور يبي بيض العماهيـج تغنيـه
    يزعل ليا جت ليلة الـدول يمّـه " " يرضى بسوق المال بأخيه و أبيه
    خطو البخيل اللـي يكبّـر معمـه " " يقرا الكتاب و واجب الله مخليـه
    أما هرج لـه فـي رفيقـه بنمّـه " " والا عطا و أمه تضيّـع هقاويـه
    يا مل قلب كل مـا مـات همّـه " " دارت دواليب الدهر ليـن تحييـه
    فرّاق شمـل النـاس عيّـا يلمـه " " وقتن يشيب الراس من شاية فيـه
    أحدن ينام و حـط راسـه بكمـه " " و أحد تخم النوم عينه و تخطيـه
    و أحدن يحاول بالردى بنت عمـه " " و أحدن يحاول ستر عذرا عوانيه
    تخالف الأنظـار شرقـن و يمّـه " " كلٍ هدف رايه من الناس مرضيه
    أنشدك ياللـي كـل شـي تتمـه " " تقرا الكتاب كل فـرض تصليّـه
    ويش القليب اللي عميـق مجمّـه " " ما سرّ غرسه ماه عطشى سوانيه
    سم السبب يا عارفن عنـه سمـه " " سم السبب يا عارفه قبـل اسميـه
    رد مع اقتباس رد مع اقتباس

  6. #6
    تاريخ التسجيل
    11-May-2005
    المشاركات
    217
    Twinckle, twinckle, little star
    How I wonder if you are
    Thinking of me right now
    You're my life that I can't have
    Twinckle, twinckle, little star
    How I wonder if you are.
    رد مع اقتباس رد مع اقتباس

  7. #7
    تاريخ التسجيل
    22-Dec-2002
    المشاركات
    508
    يا مل قلب كل مـا مـات همّـه " " دارت دواليب الدهر ليـن تحييـه
    فرّاق شمـل النـاس عيّـا يلمـه " " وقتن يشيب الراس من شاية فيـه
    أحدن ينام و حـط راسـه بكمـه " " و أحد تخم النوم عينه و تخطيـه
    و أحدن يحاول بالردى بنت عمـه " " و أحدن يحاول ستر عذرا عوانيه


    بيض الله وجهك انشهد انها قصيده صدق ما فيها بيت حشو

    لك خالص تحياتي

    ودام ليلة جمعه ولا فيه اسواق اب اجيب قصيدة رفيقي
    رد مع اقتباس رد مع اقتباس

  8. #8
    تاريخ التسجيل
    22-Dec-2002
    المشاركات
    508
    الـتناكر بين (( خلق الله )) بـدى
    ........................................ .صار هــذا تقــل مايعرف هــذاك
    الفتن خلت رفاقـتــنا عـــدى
    ........................................ والوجـيه البيض تطـعن في قفاك
    إستمع صوتي ,, ولا ابي لك صدى
    ........................................ ذاخـرٍ (( يا ذيب )) للمرقب عـواك
    بـح (( صوت العقل )) من طول النـدى
    ........................................ إلمس المحسوس , وإستخدم ذكاك
    فرصة التغيير ,, لاتذهب سُــدى
    ....................................... .قبل تبدا .. خطوتين إرجع وراك
    طيبتك مع بعـض خلق الله ردى
    ........................................ . لا تواضــع وأسفل ا لعالم رقاك
    الحقـيقه زيف , والمصـلح غـدى
    ........................................ .والنصيحه أوشكت تصبح هــلاك
    لاتقول : إن ما لي ومالك جـدى
    ........................................ ..ياعزيز النفـس ما ينفــع غــناك
    وش عـشـاك ؟ وأنت مـا تلقى غدى!
    ........................................ ...لاتقول : إن الغــدا تالي عشاك
    أدري إن العافـيه ثوب , ورٍدى
    ........................................ ..لكن الخوف , المرض إذا إعتراك
    للطموح / إن مات واحـدنا فدى
    ........................................ ....البـلا لاعـشت ماحــيٍ رجـاك
    للعـطش غـيمه , وللـورده نـدى
    ........................................ ..والوسيله .. قـد تبرر مبتـغاك
    إنحـلال المجـتمـع ماله مـدى
    ........................................ ...ناظر أصحابك قبل تنظر عِـداك
    الفساد بـدُورٍنا قـام يحــدى
    ........................................ ..أضعف الإيمان تسأل وش بلاك ؟
    النـبي بــدّل ضلالتـنا هُـدى
    ........................................ ...بس ما يقدر إذا ما الله هـداك
    رد مع اقتباس رد مع اقتباس

  9. #9
    تاريخ التسجيل
    22-Dec-2002
    المشاركات
    508
    اقتباس المشاركة الأصلية كتبت بواسطة bmw مشاهدة المشاركة
    يالله يـا جـال الأمـور المهمـة " " تجلى وهق قلب برى حال راعيه


    البر دجته و البحر رحـت يمّـه " " أدرج سبب حظ على الله مساعيه
    يوم إن ولد اللاش رزقه على أمه " " رزقي على اللي ميّت القشع يحييه
    مانـي وانـا بنـدر ببيـاع دمـه " " يقطعك يا بيّـاع دمّـه و مهفيـه
    اللـي يبيّـع لابسـات الأزمــه " " ثور يبي بيض العماهيـج تغنيـه
    يزعل ليا جت ليلة الـدول يمّـه " " يرضى بسوق المال بأخيه و أبيه
    خطو البخيل اللـي يكبّـر معمـه " " يقرا الكتاب و واجب الله مخليـه
    أما هرج لـه فـي رفيقـه بنمّـه " " والا عطا و أمه تضيّـع هقاويـه
    يا مل قلب كل مـا مـات همّـه " " دارت دواليب الدهر ليـن تحييـه
    فرّاق شمـل النـاس عيّـا يلمـه " " وقتن يشيب الراس من شاية فيـه
    أحدن ينام و حـط راسـه بكمـه " " و أحد تخم النوم عينه و تخطيـه
    و أحدن يحاول بالردى بنت عمـه " " و أحدن يحاول ستر عذرا عوانيه
    تخالف الأنظـار شرقـن و يمّـه " " كلٍ هدف رايه من الناس مرضيه
    أنشدك ياللـي كـل شـي تتمـه " " تقرا الكتاب كل فـرض تصليّـه
    ويش القليب اللي عميـق مجمّـه " " ما سرّ غرسه ماه عطشى سوانيه

    سم السبب يا عارفن عنـه سمـه " " سم السبب يا عارفه قبـل اسميـه
    الشاعر بندر بن سرور
    رد مع اقتباس رد مع اقتباس

  10. #10
    تاريخ التسجيل
    22-Dec-2002
    المشاركات
    508
    اقتباس المشاركة الأصلية كتبت بواسطة هامور طيب مشاهدة المشاركة
    Twinckle, twinckle, little star

    How I wonder if you are
    Thinking of me right

    now
    You're my life that I can't have
    Twinckle, twinckle, little star

    How I wonder if you are.
    وش دعوى كاتبها اردو
    رد مع اقتباس رد مع اقتباس

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
المنتدى غير مسؤول عن أي معلومة منشورة به ولا يتحمل ادنى مسؤولية لقرار اتخذه القارئ بناء على ذلك