الأهلي تدول يفرض شروط وقيود على متداوليه بحجة تطوير الخدمة

[سام]

دخلت المحفظه في تدول البنك الأهلي وطلعت لي رسالة تقول حدث بياناتك وياليتها تحديث هذي طلعت أتفاقية ومن ضمن البنود يقولون أنه يجوز للبنك أن يستخدم ايه اموال في حسابك أثناء التوقف مادري وش يقصدون فيها وازيدك من الشعر بيت متى مايحب البنك يخصم عليك ايه رسوم او استحقاقات تطلع براسه يخصم او يبيع من اسهمك بدون مايشاورك .. انا عن نفسي رفضت الاتفاقيه وطلعت لي رسالة تهديد تفيد أنه سوف يتم أيقاف المحفظة .. شكلي ابي الغي الحساب كله وانقل اسهمي الى بنك آخر وافضل من البنك الأهلي الذي يحاول أن يسلب الأموال من صغار عملائة بدون وجه حق

[تأبط اسهماً]

للأسف وقّعت على الاتفاقية
دون الإطلاع على بنودها

[مدرعم في الاسهم]

بالفعل بنك وقح والمفروض يبلغ عنه مؤسسة النقد

هذا تجاوز خطير جدا

[روشن]

طبعا أنا أكلمكم لأنه صار لي موقف مع البك الأهلي وهم يوقعونك لأنهم مليانين شكواي من هيئه سوء المال ولجنه الفصل في الأوراق الماليه الذين كلهم مع البنك في أجرامه ووالله هذا الكلام م شرفاء في هذه المنظمتين وهذي شكواي عندما وضع البنك الأهلي أوامر متأخره بدون حساب أي لاأملك لها رصيد ولاعندي تسهيلات ولله الحمد ولكن الآن بعد توقيعكم في تداول هم يقولون بأمكان نخسرك ونجرمك ونسرقك متى ماشئنا حيث أن الأتفاقيه الماضيه ليس فيها بند في حاله كشف الحساب مثل ماحصل لي وكانت درعا لي في المحاكمه ولكن بعد ماخسروني جميع مالي حسبي الله عليهم الآن الأتفاقيه هذي بمحض أرهاب المواطن ممايستوجب شكوى لدى البنك الدولي :

هذي المشكله حصلت لي في 20-02-2006 بمبلغ سالب 800000 ريال وبعدها بشهر دخلوا على محفظتي وباعوا بخساره (فقط الأسهم التي أدخلوها بالخطأ )وأصبحت بالسالب بمبلغ 400000 تقريبا وحملوني الخساره وقالوا لي بع وغط العجز يعني كأنهم مشاركيني في المحفظه بالقوه وأشتكيت على هيئه سوء المال وحولني للجنه الفصل وثم الأستئناف وفي الأخير غطوا العجز وخلوا أسهمي في المحفظه بحكم صادر بعد مداولات وجلسات ومحاكمات أستمرت سنتين ونصف وفي الأخير خسرت حوالي مليون ريال لأن الأسهم نزل سعرها ولاعوظوني أي شي لأنهم عصابه سرق ورشاوي وهذا اللي شفته ولاحظته وبعد ماتعرفت على شرفاء شغالين معاهم في هذه اللجان غير مباشرين للقضايا وأنما يعرفون مايتم خلف الكواليس .فنصيحتي لك أول ماتشوف المحفظه ربحانه بيع وخلهم يأخذون حقهم اللي ماهو حقهم ولابتجلس سنين لاتعرف تبيع ولاتشتري بسببهم!

[قاهرهم]

شكلي ابي الغي الحساب كله وانقل اسهمي الى بنك آخر وافضل من البنك الأهلي الذي يحاول أن يسلب الأموال من صغار عملائة بدون وجه حق

لو كل واحد فينا الغى تعامله مع اي بنك يسيء لنا ويحتقر عقولنا لما بقى بنك على هذه الارض يستحقرنا

ولكن مادام الاغلبيه يوقعون من غير مايقرؤن فسوف تستمر المهازل البنكيه الى مالا نهايه

[الوسط]

يوجد عدة مشاكل مع البنك الاهلي مستمرة واخرها اليوم:
1- اليوم قبل بدء التداول طلبت الجماعي على 6.85 وافتتح السهم على 6.80 وسجل الشراء علي بـ 6.85 ويتبين ذالك من قيمة الصفقة , ولم يتم ارجاع الفرق حتى الان..........

علما ان هذه المشكلة تتكرر دائما معهم , واذا اتصلت عليهم عدلوها , واذا لم تتصل تروح تحت الظلام.
واليوم كنت مشغول وما اتصلت ونشوف غدا يرجعوها والا لا................

هذه المشكلة تكررت معي على حايل قبل ثلاثة اسابيع وعندما اتصلت بنفس اليوم قالوا ترجع لك غدا.
وحصلت مرة اخرى قبل اسبوع بمعدنية ولم يتم ارجاع الفرق حتى الان!!!!
يعني لازم الواحد يتصل عليهم كل مرة ليتم تعديل الاخطاء

2- اذا طلبت سهم معين , على مدى يومين ما يقبل النظام بحجة انه اقل من نسبة اليوم , مع باقي البنوك الاخرى يعطيك وقد جربت ذالك.

3- الكاش ما يرجع للحساب الجاري الا بعد 24 ساعة , مع ان هذا مخالف للنظام.

[نواف عبدالله]

انا من المتداولين في البنك الاهلي وعارف كل ذا المشاكل بس عطونا بنك احسن منه ومن بكره نروح له كلها على قولتهم طعنه

[وائل محمد]

وازيدكم من الشعر بيت ...
الاسبوع الي فات سمعت خبر ان الاهلي كابتل فصل كل موضفينه في القسم الي في منظقتنا وسكر الفرع وحاط لافتة يقول فيها ... اعمال صيانة

[روشن]

ياجماعه فتحوا مخكم وأقرأو ماكتبت لكم في الأعلى .أكثر شكواى من المواطنين هي ضد البنوك التاليه بالترتيب الأكثر مشاكل:الأهلي ثم الراجحي ثم البريطاني ثم الرياض ثم الأمريكي ثم الأشتثمار وآخرهم الفرنسي هذي معلومات سريه من اشخاص تعرفت عليهم في لجنه الفصل في الأوراق الماليه وهم شرفاء ويعرفون الحق حتى بعضهم يقول لي نحن نساعد اللجنه في ظلم الناس حتى ولم نحكم وفقط ود أوراق جيب أوراق أطبع أرشف ولكن سوف نفصل ونشوف عمل أشرف من هذا والمشكله اللي يحكم وينظر للقضايا هم من أصحاب اللحى اللي غير محسوبين أنشاء الله على الملتزمين ولكنهم يلقون تسهيلات من البنوك وسفريات وأنتدابات خارجيه لمدد تمتد الى أشهر .ووالله أن مندوبين البنوك ومحامينهم عند استدعاءهم للجلسات القضائيه شوف الأحترام اللي يلقونه من اللجنه وموظفينها الكبار والشاي والبارد والضحك وامامنا نحنو المشتكين واللي نبقى الحق وفي الجلسه والله مايعرفون يتكلمون لأن الله يلوي ألسنتهم لأنهم ليسوا على حق ويساعدهم القاضي بقوله سنعطيكم فرصه رد لمده أسبوعين ولا يجونك اللأ بعد شهرين وليس فيه عقوبات ماليه أو قضائيه مع أن النظام يقول ذلك ولايلتزم فيه القاضي (المنافق) لا وجايبين 3 ملتزمين على 23 سنه لكي يشهدون مع البنك في حال وجود مشكله داخل القاعه لأن الحكم أستفزازي للمشتكين ومشجع للبنك.طيب أسمعوا الكلام هذا القاضي يقول كيف تدين البنك قلت له الأتفاقيه (تداول) لايوجد فيها في حال كشف الحساب وهذا ماسار معي ياشيخ قال كيف عرفت قلت له أوراق التفاقيه تقول كذا وهذي صوره منها طبعا هذا بعد سنتين من الشكوى ولمن تنظر لها الآن تلقاها متغيره قالي هذا بنك فيه ناس كثير يشتغلون يعني كلهم كذابين وأنت الصادق قلت له ياأبن الحلال هذا أنظمه البنك لايكتبها ولايعرفها كل موظفين البنك تلقاها سلطه قانونيه تصيغها وبعدين انحرج وقام يضحك وقال خلاص روح .حسبي لله عليه وعلى البنك الأهلي.