السلام عليكم
خل عنك الكتابه لاهلها يوم كتبت عنوان الموضوع وجيت اكتب النص وقفت ما ادري
من وين ابداء
عموماً حبيت اني اطرح وجهة نظري بخصوص العقار وتملك المساكن
لاحظت يا اخوان كثرة الفلل المعروضه واللي راح تعرض عن قريب وقريب جداً
بخلاف المشاريع الكبيره اللي من طقة الاف الفلل وانت جاي
لا يخفيكم ان نزول الحديد الان لاقل نصف سعره سوف يفيد الكثيرممن لديه الرغبه
لامتلاك منزل
طبعاً انا اتكلم عن شمال الرياض وشمال الدائري الشمالي تحديداً
والله انك تمشي وتشوف هالفلل وتقول من بيشتريها اللي خالصه ومعروضه لها فتره
واللي في نهاية التشطيب وايضاً معروضه واللي عضم وايضاً معروضه
اسعار خياليه وبناء تجاري بحت
يعني اسعار في حقيقة الامر ليست في متناول من هم يعتبرون من الطبقه الوسطى
بالعربي اغنى الطبقه الوسطى لا يصل لاسعارهم الخرافيه
بيجي واحد يقولي فيه بنوك وشركات تقسط لفترات طويله
اقولها ذاك اول يا حبيبي
الان لو تبي تقسط عن طريق بنك يقولك البنك اعطيك اذا راتبك ما يحتاج فوق العشره
الاف ( للمعلوميه عشره الاف مهيب بسيطه من يعني مرتبه عاشره وخدمه طويله
واعلى )الى خمسة عشر الف راح يعطيك افضل بنك من 500 الف الى 700 الف
يعني تحتاج الى تقريباً مثل المبلغ اذا اردت ان تشتري فله صغيره جداً 300 متر وفيها
من تعرفون في حسابه مثل هالمبلغ اللي كان قبل 4 سنوات يجيبلك نفس هالفله
الناس راحت فلوسها في الاسهم .
خلونا واقعيين من راح يشتري بهذه الاسعار قله قليله جداً
لذا اللي ناوي يشتري يتشرط ويحط السعر اللي يناسبه وما عليك منهم
والله ان بكره يدورونك دوره
لكي ادعم كلامي يقول احد الاصدقاء في احد البنوك اللي يتقدم لشراء منزل
عدد بسيط جداً من 6 اشهر
واخر عقاري يقول من 6 اشهر ما احد يسوم فما بالك يشتري
يعني وبكل امانه لا يوجد حل للفجوه بين المعروض و(المقدور عليه )الا
1 _ اعادة مبالغ المستثمرين الاسهم ( مستحيل )
2_ تخفيض الاسعار على الاقل 40 % لكي يجد اصحاب الفلل شريحه كبرى
قادره على الشراء.
ملاحظه : انظر الى اعلانات جريدة الرياض الخميس والجمعه وشف نسبه بسيطه
من العدد الهائل المعروض ( قال ايش قال مافي عروض )
حتى الفلل المستعمله اصبحت تعرض لقناعة صاحبها اذا ما بعتها الان ماراح تجيب
نص قيمتها .
ولا يزعلون علي العقاريين هذا ما شاهدته ويشاهدونه هم كل يوم يعني اكذب على
الناس واقول اسعار جيده وطلب كبير لا
الشمس لا تغطى بغربال
وبالنسبه لجريدة الرياض لاحظوا الملحق الاقتصادي اليوم تحديدا المحرر خالد الربيش
وتطبيل علني للعقار
وحتى الجريده تقول نبي نحط مؤشر عقاري بناء على كثرة الطلب الحاصله هذه
الايام
( يا كذبهم كذباه )
والسلام عليكم ورحمة الله وبركاته
المفضلات