" خنجر الشيبان " .!

**كحيلان** · 07-09-2008, Sun 10:25 PM

أول شي شهر مبارك على الجميع ولو أنها متأخره شوي لكن مني العذر ومنكم السموحه ..

نرجع لموضوعنا :

ومتى ندخل سابك للتأمين كمضاربه طبعاً .!
حاط براسي أشتري بـ104 وإذا نزل بعدل بـ101 وبعدها الله يعيننا ندبر سيوله إنتحاريه بـ95 لاقدر الله ووصلتها وبعدها لاتخلوني لو غبت أنشدوا عني لاتخلوني ..

وحمد التويجري ملك ملاك الشرقيه الزراعيه عز الله لعبها صح وسن سنه سيئه ممكن تتكرر في أسهم ثانيه بعد ماعلمهم الدرب ...
البلطان برضه مسك الباب بالأحساء اليوم ..
همسه:
فهد عطني الضوء الأخضر ..

**البراك** · 07-09-2008, Sun 10:32 PM

شهر مبارك ,,,, عطيته 180 او لاااااا

**كحيلان** · 07-09-2008, Sun 10:36 PM

البراك :
علينا وعليك بعد قلبي .. أبشرك من ذاك اليوم نمزمز عليه والحمد لله .. والحين شكلي بقلب لسابك للتأمين .. وش رايك كمضاربه يوميه طبعاً .!

**تقني** · 07-09-2008, Sun 10:36 PM

إذا جاء طاري الشيبان
تذكرت الأسمنت
شكل الخنجر طلع من ظهر سابك ولا رده إلا بطن إسمنت القصيم
ولاتهون بقية أسهم القطاع
حققت أسعار دنيا جديده
مابقى الا العربيه والجنوبيه تنازع
حياك الله وتقبل الله منا ومنك في هالشهر

**alrajel** · 07-09-2008, Sun 10:38 PM

الشهر مبارك وكل عام وانت بخير ياابومحمد ,
خنجر شيبان من نوع خنجر ابولؤلؤه المجوسى يتقاطر منه السم , اللهم رد كيدهم عليهم
يارب العالمين

**سونار** · 07-09-2008, Sun 10:41 PM

شهر مبارك عليك

**كحيلان** · 07-09-2008, Sun 10:46 PM

تقني :
الله يحييك ويبقيك ويخليك لعين ترجيك يالحبيب وينعاد علينا وعليك بصحه وعافيه ... وعلى فكره ترا كثير مثلك رابطين الشيبان بالأسمنت وأنا واحد منهم .. القصيم غريبه مهيب عوايده يخور وقت الشده لكن فيه شي ورا الكواليس ماندري عنه ... وإذا لابد من أسمنت كمضاربه لاتبعد عن القصيم والله يوفقك ويرزقك ...

alrajel :
الله يسلمك ويطول لي بعمرك يالغالي والله يعيده علينا وعليك وعلى الأمتين العربيه والأسلاميه بكل خير وصحه وعافيه ... واللهم آآآمين فيما دعيت به وجزاك الله خير

سونار :
علينا وعليك يالغالي ومن نحب وتحب والله يسعدك دنيا وآخره ...

**البراك** · 07-09-2008, Sun 11:06 PM

المشاركة الأصلية كتبت بواسطة كحيلان

البراك :
علينا وعليك بعد قلبي .. أبشرك من ذاك اليوم نمزمز عليه والحمد لله .. والحين شكلي بقلب لسابك للتأمين .. وش رايك كمضاربه يوميه طبعاً .!

ابو محمد مضاربة يومية صعبة السهم بين 108 الي 110 مش محرزة السهم صحيح انه طايح لكن لم يعطي اشارات ايجابية حتى الان والدخول للمغامرين فقط يا صابت يا خابت
----------------
لكن مضاربة يومية مع الامان بأذن الله شو رائك ببنك الانماء ولكن لابد من وضع طلبات مسبقة ، والشغل على ربع ونص فقط يومي

ابو محمد نص وربع بالانماء وجيرانه المحترمين يعني 10 ريال بالاسهم التي فوق الــــ 100ريال

**H-algadi** · 07-09-2008, Sun 11:12 PM

كل عام وأنتم بخير

كحيلان الغالي

أخيرا ً تبي سابك تصير خشاش وتضارب فيها ، عذرا ً يا صديقي الخشاشي سابك ماهي لك خلها للضعوف يترزقون الله من حركتها .

سابك عشق وغرام لشوشو المستنسخ من سوسو .

أبي أدلعك كوكو حالف ما أشغل مساطر الكهرباء الأ بعدين ، عقبها أعلمك بكم تشتري سابك

**البدراني** · 07-09-2008, Sun 11:24 PM

حبا حبا باللي جا يامرحبا
الحمدلله على السلامة يابو عبدالله وعاش من شاف اسمك وبركاتك ياكحيلان الحجاج ماجا الا بخنجر الشيبان والظاهر انه من شيبان 1380 وفيها

ابو عبدالله اتفاءل باسمك كثير ذهبت وتركت فراغا كبيرا وكبيرا جدا يصعب تعويضه.
سقى الله ايام البزوطات وشق الخرائط وفار الدقيق بالخير

كحيلان مبارك عليك الشهر وياخي توي ادري ان عندك واسطة وبركاتك ياعم الحج اللي جبت لنا القاضي بشحمه ولحمه

المشاركة الأصلية كتبت بواسطة H-algadi

كل عام وأنتم بخير

كحيلان الغالي

أخيرا ً تبي سابك تصير خشاش وتضارب فيها ، عذرا ً يا صديقي الخشاشي سابك ماهي لك خلها للضعوف يترزقون الله من حركتها .

سابك عشق وغرام لشوشو المستنسخ من سوسو .

أبي أدلعك كوكو حالف ما أشغل مساطر الكهرباء الأ بعدين ، عقبها أعلمك بكم تشتري سابك

**عروق الشمال** · 08-09-2008, Mon 2:32 AM

حياك الله يا ابا محمد وتقبل الله منا ومنكم
ودائما مواضيعك تأتي بالطمأنينة وخصوصا اذا طعمت بكتابات القاضي
دور لنا من امهات الطعش خل الغالي ما نطولة ولا ينتحارش .

**الشرس** · 08-09-2008, Mon 3:22 AM

انا قايلك يابو محمد ,,

مازلوا يضربون السوق بـصناديقهم الثلاثه ,,,

تحت شعار ... " إعاده التنظيم " ,,,

**محمد بن صالح** · 08-09-2008, Mon 3:32 AM

ياهلا وسهلا كم اشتاق الى مواضيعك
وتقبل الله منا ومنكم الصيام والقيام

**Dr. Chemical** · 08-09-2008, Mon 3:39 AM

أشوف الحيتان كلهم هنا ... أجل بصير حوت وبكشخ معكم ...

أنا طالب سابك ب 100.25 مخفي بكل فلوسي وبتسهيلات 2 لكل 1 ومخربها ..!
يا فوق يا تحت وخلونا نشوف نهايتها مع التويجري.

**ابن بطوطة** · 08-09-2008, Mon 3:42 AM

الشهر عليك مبارك يبو محمد.. وبشرنا عن الوالد ..
وتصدق لمن اشوف معرفك وموضوعك احس ان الدنيا بخير ..
لا خلى ولا عدم ..

**DREAM** · 08-09-2008, Mon 5:08 AM

تستاهل ذالشارت يا شايبنا العزيز

بالتوفيق وترى 104 زينه في نظري

**صـياد الأسهم** · 08-09-2008, Mon 5:40 AM

الشهر مبارك ياكحيلان

بسس ماقلت لنا ليش تبي فهد يعطيك الضؤ الأخضر ؟؟!
شكلك ناوي تجيب العيد

**Fahad** · 08-09-2008, Mon 5:43 AM

**كاسر الموج** · 08-09-2008, Mon 5:59 AM

المشاركة الأصلية كتبت بواسطة Fahad

يسعد صباحك ..جاك الضوء الأخضر. ..

هات ما لديك

**د.البقعاوي** · 08-09-2008, Mon 6:10 AM

تكفى ياكحيلان...لا تخلي شئ ما قلته...ونبيها كاش ما نبي هالألغاز ...اكفخ بجنحان السعد لاتدرى...العمر ما ياقاه كثر المداري!

**ماكـرو** · 08-09-2008, Mon 6:54 AM

مبارك عليك الشهر أخوي كحيلان ... وكل عام وإنت بخير
ونشكر للأستاذ فهد تجاوبه الإيجابي
وأرجو منك أخي كحيلان ان تلبي طلب دكتورنا الغالي البقعاوي
ترى وقف شعر راسي بسبب اللي صار في معادن
تحياتي لك

**صقر أبو خالد** · 08-09-2008, Mon 9:07 AM

الشهر مبارك عليك وعلى الجميع ..
اللهم أرحمنا برحمتك و أغفر لنا ذنوبنا و أعتقنا من النار ..
للآسف حظي شين يوم(ن) سجلت بالمنتدى أنت قطعت الكتابة

..
طيب وش رأيك بالجزيرة

؟؟

**Saads** · 08-09-2008, Mon 11:37 AM

مرحبا بك عودا حميدا

**عبدالعزيز الدوسري** · 08-09-2008, Mon 12:03 PM

كل عـــــــام وأنت بخير أخي الغالي كحيلان.

وتقبل الله منا الصيام والقيام.

وسدد الله رميك ونفعنـــا بما لديك من معلومات تكشف المتلاعبين بأقوات المعوزين !!

**PURE** · 08-09-2008, Mon 12:08 PM

الشهر مبارك عليك ياكحيلان ..
والضوء الاخضر جاك ونحن في الانتظار

**غـــــــــــداف** · 08-09-2008, Mon 12:12 PM

علينا وعليك ياكحيلان
ذي الايام ذكرت مقولة كل فطير وطير

**علي محمدسليمان** · 08-09-2008, Mon 1:14 PM

ابو محمد شكلهم رجعوا خنجر شيبان الله يرزقنا واياك وجميع المسلمين

**سراب سهم** · 08-09-2008, Mon 1:33 PM

تجي وتجيب الخير معك يا كحيلان

سابك للتنمية الزراعية أتوقع عندها افتتاح لمصنع الدواجن والتفقيس الجديد

أبو عبدالله ... لك وحشة يا راقل
من يوم غابت عصا الحجاج والسوق يلعب بذيله .. والفار أكله البس