موقوف
قام مجهول باختراق موقع وزارة العمل في اليوم الأول من شهر رمضان المبارك عند منتصف الليل، ولم يوضح المخترق شيئاً من المطالب سوا ترك رسالة واحدة على واجهة الموقع تقول:
"ملينا من البطالة يمكن تسمعون"،
وترك عنوانه الإلكتروني في أسفل هذه الرسالة وهو
"SauDi-L0rD@hotmail.com".
ويرى كثيرون أن مرد هذا يرجع إلى ازدياد عدد البطالة في السعودية في الفترة الأخيرة، وتزامن ذلك مع ارتفاع كبير في الأسعار مما سبب الكثير من الضغوطات على الموظف والعاطل على حد سواء.
عضو
رسالته يمكن تصل لو كانت شعرا....
عضو مميّز
سبحان الله
يعني هالوليد يوم انه ذكي و فنان كمبيوتر واخترق موقع حكومي ما يعرف يفتح محل كمبيوتر بدل انتظار وظيفة ؟!
كثير من الشباب يستخدمون الحاسب كأداة تسلية ولا يعرفون قيمته الحقيقية.
عضو
بلادنا بلاد خير
دعونا نتكلم بكل صراحه بيعداً عن العاطفه ...
من يبحث عن العمل يجده ...
الدوله لم تقصر
اقلها وزارة المواصلات تقسط اي شاب سيارة اجره
صندوق المئوية يدعم اي مشروع
وغيرها الكثير
شبابنا للاسف يسهرون على الارصفه وفي المقاهي والنهار نوم
واهله اللي يصرفون عليه
دخل بدون تعب .. ليه يبحث عن وظيفة ...
يا اخوان العماله تدخل لبلادنا بالجواز فقط وتخرج منه بالملايين ...
عضو
المشاركة الأصلية كتبت بواسطة (ابو وسن)
....
ايه وش عليكم متبطحين ورى هالمكاتب نص الدوام يروح قرايه جرايد ومتابعه لسوق الاسهم وبنهاية الشهر يجيك مبلغ وقدره.
مدري هالاخ اللي يقول يفتح محل كمبيوتر صاحي ؟ ياخوي عاطل وتوه متخرج من وين يلحق يجمع مبلغ يفتح فيه اي نشاط.
ابتلانا الله بمثل هالنوعيات اعلاه ... اللي ولدو وهم طفرة اقلها خريج ابتدائي بذاك الوقت يعين مدرس . ويجي يتفلسف عليك.
خريجين جامعات للاسف وبنسب مرتفعه ويقالهم توظفوا حراس امن والا بسوق الخضره بحجة الشغل مهوب عيب , بدوله تملك اكبر احتياطي من النفط بالعالم وحالنا من سيء الى اسوا يوم عن يوم..
عضو
والله انك صادق
عضو
والله يالمساهم أنك صادق
بلد البترول والبطالة علي الأرصفه
بلد البترول والرعاية الصحية الله بالخير
بلد البترول والتعليم محلك سر
بلد البترول والمياه أصبحت مقطوعة وهم المواطن وخصوصاً الخبر وجدة والرياض لحقتها
بلد البترول والطرقات بالمدن الرئيسية يقضي الواحد وقته في السيارة أكثر من وقته بالمنزل
ياأخوان الواحد يقول كلمة حق أو يصمت خيراً له
اللهم إني صائم
عضو قدير
كلام سليم
موقوف
نشرت الموسوعة العربية (ويكيبيديا) متعلقات المفردة (بطالة) وأهمها الآتي:
حلول البطالة:
لا يرى اقتصاديوا البورجوازية(الطبقة المرفهة) حلا لمشكلة البطالة إلا في اتجاهين أساسيين: اتجاه أول يرى للخروج من البطالة ضرورة:
أما المتعلق الثاني:
آثار البطالة:
- للبطالة نتائج متناقضة على النظام الإقتصادي الرأسمالي و على المجتمع البورجوازي(الطبقة المترفة) و المضطهدين الذين يعشون في ظله،فهي من جهة تمكن الرأسمالي من شراء قوة العمل، بماهي سلعة، بأقل ثمن ممكن و الوصول متى شاء إلى يد عاملة رخيصة.
موقوف
العمل متوفر لمن يبحث عنه ، أمًا اللي يقول لدينا أكبر احتياطي بترول وأن على الدوله أن تخترع وظائف مريحه للعاطلين وبشرط تعطيهم رواتب عاليه وتسكنهم فلل وتزوجهم وتدفع قيمة مشترياتهم وتشوف طلباتهم وان حصل تسفرهم باالصيف للسياحه !!! هذاك أول يالحبيب أمًا الحين مالهم الاً يقبلون بالوظيفه المتوفره وبأي راتب ! أحسن من بلاش .... واذا ماهو عاجبه ينطق في بيتهم لين يخيس وبعد مايخيس بعد خمس أو عشر سنوات رايح يقبل براتب أقل مما كان متوفر أول ! الناس قعدوا يتشرطون لين جاء الأجانب وهم أرخص وقليلين مشاكل ولا يتدلعون مثل ربعنا نبي كذا ونبي ذاك! .... وأخيرا نصيحه أقبل بالمتوفر حاليا وانت وشطارتك ، لأن الدوله الحين ماعليها من أحد وتقول اللي ماهو عاجبه يخبط راسه بالجدار لين يعجبه .
موقوف
لا يكن يوم صوم أحدكم ويوم فطره سواء...صم يا الجناح!
موقوف
الحمدلله صايم يادكتور ، لكن شيء يرفع الضغط .
عضو
إضمن لي ايقاف الفيز الحرة و أضمن لك شعب عامل وليس عاطل
إضمن لي فك الأحتكار و أضمن لك شعب عامل
إضمن لي تعليم جيد و متوازن و أضمن لك شعب واعي و عامل
إضمن لي عدم التعارض في المصالح أضمن لك حياة سعيدة لكل مواطن
عضو
كل التجارب السابقة الناجحة للتنمية الاجتماعية\ الاقتصادية لم تضمن اي شي. هذي كمان خصوصية مجتمعنا؟
موقوف
البلد فيه خير كثير لكن المشكلة في التنظيم واغراق السوق بالعمالة الاجنبية...مثلا محلات الجوالات سابقا كنت تقتصر على الشباب السعودي وفجأة اذا البنجالية يزاحمون الشباب السعودي حتى اضطر الشباب للانسحاب من السوق بعد خسائر...
احد الاخوة يقول يفتح محل حساب...فتحوا الشباب لكن المنافسة مع الهنود غير عادلة ابدا...أتمنى تزور اكبر مراكز بيع الحاسبات وشوف من المسيطرين على السوق..
قس على ذلك اغلب التجارات الموجودة هنا...
انت لو تصلي في اي من الامكان المعروفة بالحركة التجارية مثل البطحاء او شارع الرين او الصناعية تجد وكأنك في بلد غير السعودية...
البلد يحتاج فقط الى تنظيم...
عنك سعودة سيارات الاجرة" اللموزين" قطاع هام جدا...حددوا فترة السعودة وراحت السنين ولم يعمل شيء...اتفقوا بعض الشباب على الاجتماع امام وزراة العمل...واذا الشرطة في انتظارهم...!!!
بعض الناس يقول ما فيه بطالة...قبل فترة قرأت خبر عن حاجة شركة الكهرباء الى 600 وظيفة تقدم لها اكثر 30 الف شاب لهذه الوظائف...!! والخبر منشور في احد الصحف السعودية...
الشباب لايريد طرح وظائف حكومية يريد فقط تنظيم صارم للعمالة وتأهيل عالي للشباب السعودي...
عدم توظيف الشباب يترتب عليها خلل وخراب اجتماعي ونفسي كبير...
عضو
عين العقل الا أن التنظيم لا يشمل تعطيل المصالح بسبب بعض الشباب في المدن الرئيسية يعتقد انة ما يقدر يداوم 7 الصبح و كل مشاوير البيت علية و اهم منها كلها ان العمل باقطاع الخاص هو محطة العبور لوظيفة اكثر أمان أرامكو, الكهرباء, الحكومة؟
عضو
الله يعين الجميع !
وهالاستخفاف وإظهار القوة على من تقطعت بهم أسباب الرزق هو ما يبرر لكل من فتح الله عليه بتجارة بالمبالغة والجشع في تحصيل الأرباح ومن يلومهم حينها !
المشكلة معظم من يضع اللوم على العاطلين موظفين كحيانين ينقضي راتبه بأخر الشهر !
سلوكيات البعض من شعبنا لاتملك تجاهها الا القرف والاكتئاب والاستحقار....!
عدوانية عجيبة حتى نحو أبنائنا وهم من لحمنا ودمنا وعرضنا !
أشدة على المؤمنين أذلة على الكافرين ولا حول ولا قوة إلا بالله !
من لا يصاب بالخجل لوضع بلده ومجتمعه وشبابه والرفاه الاجتماعي البائس عندنا مقارتة بغيرنا من أشقائنا الخليجين !
فليتحسس قلبه وضميره وحبه لوطنه !
تحياتي
عضو مميّز
إذا قريت اللي كاتبه المؤيد قلت هو صاااااز
وإذا قريت اللي كاتبه المعارض قلت هو صاااااااااز
وكل واحد معه حجة أقوى من الثاني...
والله احترنا
.......
عضو
البطاله راح تزيد بشكل اوسع للاسف لانه الى الان لم يستشعر المسئولين بخطرها العظيم على المجتمع ومادام هناك من اشكال القصيبي في السلطة فسيزيد الوضع سواءا فالقصيبي لم يتحقق هدفة بأن يرى السعودي جرسون يخدم لى المصري والمغربي والهندي في المطاعم
سيزيد الوضع سواءا لانه لازال القصيبي يطالب بسعودة الوظائف الدنيوية في حين انه يوظف اجانب في وزارات حكومية من المفترض ان تكون وظائفهم لسعوديين
اقسم بالله شي يرفع الضغط الين القصيبي يبي السعودي يشتغل حلاق وسباك وجرسون ووظائف في الوزارات الحكومية من صحة وتعليم وزراعة وغيرها يشغلها اجانب ليسوا فنيين وليسوا اصحاب اختصاص وبامكان اي سعودي اشغالها
حسبي الله على كل خائن للامانة
عضو
الزرق اللى فوق هم سبب كل مشاكل الخضر........ العالم يتقدم ويتطور ونحن للاسف الشديد اعلى المناصب في البلد بايدى اناس اخر مستوى تعليمى لديه قبل اكثر من ربع قرن وعمره قارب القرن ومكلبش بهذه الوظيفة وكل همه وش يجيه من فوائد ومصالح شخصيه من ورى هالوظيفة والاجيال القادمة بالنسبة له اجيال مدلعه وفاشلة وماتبى تكافح ولاتبى تشتغل
عضو
لا توظفوا الشباب
لا تعطوا رواتب للعاطلين مثلما تفعل دول أوروبا النصرانية
لاتعطوا الشعب أراضي ولا قروض ولا مكرمات
لا تمنحوا سلف من بنك التسليف يطرد وراه الناس بالشهور وكانهم طراروه وبشروط عجيبه
لا ولا ولا ولا
ولكن اعدلوا إذا منعتم العطاء
امنعوه عن الكل أو أعطوه للكل
عضو قدير
كلام منطقي
مشكلتنا نبي الشي بسهولة وبدون تعب
عضو مميّز
على صعيد البطالة أشوف الأمور تتدهور بشكل أسرع وأكبر..!!
وأكبر دليل وظائف التعليم النسائية قبل أربع سنين كان عدد المتقدمات 100 ألف والسنة
هذي 400 ألف وعليك الحسآآآب...!!!
والقادم مذهل أكثر....!!!
موقوف
المسئولين هم السبب .... هم الفساد بعينة وعلمة ,, فلذلك الشباب المسكين مفلوب على عمرة الان ,,, انا مادري بس وش بيسوون اذا رجعوا 40000 مبتعث خلال اربع اوو خمس سنوات ,,, انا والله اقول احسنلهم للمبتعثين لايرجعون ,,, الله يستر بس
عضو مميّز
خلك يا بابا متابع اسعار النفط قد ما تقدر....
عضو قدير
والله ان الصراحة بوادي وانت بالثاني
عشان انت موظف ؟
7 سنوات واسميها السبع العجاف من يوم تخرجت من الجامعة وانا انظر الوظيفة التي كرفت عمري في التعليم عشانها واخر شيء سبع عجاف
وتطلع انت عشان موظف وتتكلم عن الصراحة
وبعدين اسمع امام الحرمين وش يقول
كل يوم يقول اللهم اصلح البطانة تسمع ؟
الدولة ما قصرت وتدفع مليارات لكل قطاع .. ولكن من استغل طيبة ولاة الأمر ؟
مع ذلك الحمد لله الحال ميسور ولكن اتكلم عن جهد سنوات كرف تعرف الكرف ؟
عضو
يابن الحلال وسع صدرك ياما حتشوف , لكن مدري متى بنخلص من عقدة هالبطانة اللي لاعبين بحسبتنا ..
ياخوي مادامك ماتقدر تقول البلا من فوق اسكت , البطانة في النهاية والوزراء اللي اصغر واحد فيهم عمره 70 سنه من عينهم ؟ والا برايك ربعنا كلمه توديهم وكلمه تجيبهم.
مانقول الا الله المستعان ووالله اذا استمر الوضع على ماهو عليه ان يحدث مالاتحمد عقباه.
عضو قدير
صدقني مو مسالة ما أقدر اقول ولا غيره
انا صادق المشكلة ليست من فووووق
المشكلة يالغالي من البطانة اصحاب الكرش الكبير
حسبنا الله ونعم الوكيل
عضو مميّز
القصيبي رافض فكرة إعانة البطالة
ويقول تزيد الشباب كسل
عضو قدير
القصيبي رافض فكرة إعانة البطالة
ويقول تزيد الشباب كسل
أبي أطرح لكم سؤال بسيط مع شوي دردشة
يوم اقول البطانة تعبانة صدقوني اني صادق
خلونا نسولف بصدق وجدية
وزير الصحة = يعالج أولاده في مستشفيات خاصة لماذا ؟ ما يعالجهم بالمستشفى الحكومي ؟؟
وزير التربية والتعليم = يدرس ابناءه بمدارس أهلية بالفلوس ليه ؟ مو وزير تعليم وكل ابناء الشعب اولاده ؟
وزير التعليم العالي = يبتعث أولاده يدرسون بالخارج ليه ؟
هذا مجرد مثال أليس من حق الشباب العاطل أن يعرف هههههههههههههه
ردد ياليل مطولك
ضوابط المشاركة
رد مع اقتباس
المفضلات