يااخوان هل من نصيحة ..اريد ان انتقل الى بنك غير.مصرف الراجحي..فقد "دبل سبدي"

[المهندس فهد]

عميل لديهم ..وعميل "مميز" (مالت على التميز الفاشل) من مايقارب ال 15 عشر عاما ..ومحول راتبي عليهم
وانتقلت الى عمل اخر في شركة حكومية .. ثم طلبت رفع رصيد بطاقة الائتمانية وهو مبلغ بسيط جداا ...يعني تشتري "طواقي" فقط وبعدين تقفل البطاقة
علشان يرفعون الرصيد قالو لازم تجيب لنا شهادة بالراتب قلت الساعة المباركة ...جبت لهم ..لكن الجواب قالو اسف مانقدر الشركة الحكومية هذي مانعترف فيها
انا كثير السفر واريد نصيحتكم ...طاب خاطري من الراجحي وابي النصيحة الى اي بنك اتجه ..وسوف اقوم بتحويل راتبي ..والله يعيني.

الحق يقال ان خدمات الراجحي الاكترونية طيبة جدا

[عبدالملك]

اهلين بالباشمهندس
بصراحه كل البنوك عندنا سيئين
لكن افضل السيئين ساب, سامبا ,السعودي للاستثمار
والله يكون بعونك و عونا

[ارامكاوي]

عميل لديهم ..وعميل "مميز" (مالت على التميز الفاشل) من مايقارب ال 15 عشر عاما ..ومحول راتبي عليهم
وانتقلت الى عمل اخر في شركة حكومية .. ثم طلبت رفع رصيد بطاقة الائتمانية وهو مبلغ بسيط جداا ...يعني تشتري "طواقي" فقط وبعدين تقفل البطاقة
علشان يرفعون الرصيد قالو لازم تجيب لنا شهادة بالراتب قلت الساعة المباركة ...جبت لهم ..لكن الجواب قالو اسف مانقدر الشركة الحكومية هذي مانعترف فيها
انا كثير السفر واريد نصيحتكم ...طاب خاطري من الراجحي وابي النصيحة الى اي بنك اتجه ..وسوف اقوم بتحويل راتبي ..والله يعيني.

الحق يقال ان خدمات الراجحي الاكترونية طيبة جدا

شبخ "مهندس فهد"
أنا مش على عادة أرد على مواضيع بس من فطر كبدي بارد عليك بموضوعك:
أنا كنت عميل مميزعندهم من عام 1987 إلى 2007 عشرييييييييييييين سنة لو بنيتها مع أي بنك غير مصرف الراجحي كان عطوني أسهم مشاركة ببنكهم، لا يوجد معاملة تميز عندهم وإنت و السرلنكي أبو 600 ريال سواء (في المعاملة) في الآدمية كلنا سواء. ماكان مسكتني عليهم إلا مدير أحد الفروع أتبع وراه وين ما راح من فرع لين فرع إلى أن أصبح مدير منطقة (فروع) وخذ لك لعب فيني، حتى أبسط حقوقي من شيكات ما يخلصونها لي بسرعة ومرة تجي تميو ومرة عادي ولا يسلمونها لي إلا في الفرع إللي مسجل فيه حسابي، و لو طلبت مبلغ 30 ألف كاش يحولني على فرع رئيسي، غير التورق إللي ماخذه لاعبين علي فيه ياخذون 50% خلال 7 سنين سداد وزعلت وسددتهم مرة وحدة وكنلوا بطاقة الإتكان حقتي مع إلتوزامي بسداد كل شيء فقط لأني ألغيت نحويل الراتب عليهم مع العلم عطوني بطاقة قبل لا أحول الراتب بتزكية تعامل منهم. وكتبت إحتجاج للأخخخخخخخ عبدالله سليمان الراجحي وكانك رديت علي فهو رد علي، لا وأزيدك من الشعر بيت مسكو علي مبلغ يوم كنسلو علي بطاقة الإتمان يقولون لو فيه عمليات متعلقة ومن المفروض ترجع أتوماتيكي لحسابي بعد 45 يوم، خليتهم 90 يوم ولا رجعوها وبعدها في الشهر الرابع كلمتهم مستاء من السرقة هذي رد علي المسؤل إنت ما طالبت فيها!!! قلت له يا أخي أنا ماكلبت منك تاخذها من أساس بس بتجبركم علي حجزتوها، قال خلاص بنرجعها لك بكرة، قلت له أفرض إني مت ولا متبت في وصيتي إنكم حاجزينها علي من بيرجعها للورثة؟ جدتي؟ هذه سرقة وهذا يفسر أرباح الراجحي المتفاقمة كل عام.

حولت للأهلي وحصلت كرامتي ومعاملة رجال في التميز (الوسام) لديهم. إشار راحتك بفلوسك خل عنك الراجحي.

[redha]

افضل البنوك سامبا انا عندي حسابات باكثر من بنك لكن سامبا افضلهم من خلال تعاملي معهم والخدمات الالكترونية افضل مايكون
اتمنى لك التوفيق

[رادار الشاشة]

بنك الجزيرة قمة في التعامل ولا يوجد لهم منافس...

لكن خدماتهم "توها" تتطور.... بس تحس انهم فعلا مهتمين منك...

بس مثل ما قلت خدماتهم توها يعني مثلا توهم يضيفون "فيزا الكترون" لبطاقات الصراف

واشياء صغيرة زي كذا ممكن تهم اللي يسافر كثير... بس اسلوب "التعالي" اللي عند أكثر بنوكنا لن تجدها ابدا عندهم...

قبلهم كان عندي حساب في الفرنسي ووصلت قيمة المحفظة مبالغ عالية جدا لان كان فيها اموال لي ولافراد من الاسرة وبعض الاصدقاء...وآخرتها قالوا التميز ترى بنشيله عنك والبطاقة ما نعطيك مميز لانه ما في الجاري مائة الف!

قلت شوفوا المبالغ الموجودة بس في المحفظة قال آسف تعليمات مدير الفرع...

في النهاية حولت لفلان فلوسه والخ وفلوسي حولتها لبنك الجزيرة قلت ويني عنهم من زمان.. كيفها بعض النواقص دامهم يحترمونك ويعاملونك كبني آدم!

وقبل الفرنسي كنت في سامبا... فيهم شوي نعرة... وصحيح خدماتهم كويسة بالتلفون وعلى الانترنت.. لكن يدققون عليك في كل صغيرة وكبيرة وكأنهم يحاولون يصيدون عليك شي... يوم توقيع غير مطابق... يوم تنتظر ساعة أو أكثر عشان يصرفون لك واحدة من شيكاتهم اللي مكتوبة لك.... وباسلوب فيه شوية جفاف خاصة بعض الفروع..

لكن من ناحية بطاقات الصراف والفيزا اتوقع انها الأفضل...

لكن شخصيا تنازلت عن هالامور للتعامل الراقي اللي اشوفه من بنك الجزيرة اللي اشوف ان خدماتها معقولة جدا.. والأفضل على الاطلاق في الأسهم لان سامبا تداول والفرنسي تداول كلهم خسروني مبالغ كبيرة بسبب تعليقاتهم وان كانت سامبا في بعض التعاملات الاكترونية (غير التداول) جيدة

أما مخبز الراجحي لو يقولون لي تعال خدمات خاصة ونجيك في البيت ونعطيك 50 الف ريال وتعامل معنا... فلن اتعامل معهم... واستغرب صراحة من اللي يتحملون الراجحي بدون سبب!

مرة واحدة تعاملت مع الأهلي في صرف شيك كبير رحت للوسام في طريق الملك فهد لصرفه وانا مانيب عميل وكان تعاملهم ممتاز صراحة..

البلاد لا اعرف..

الاستثمار لا اعرف لكن انبطاعي جيد عنهم... تحس يدورون عملاء...

العربي .. لا تعليق..

الرياض ... من فترة بدأوا يتحسنون لكن ما ادري الى الآن لم اطمئن ههه

طبعا فوق هذا كل تعاملات بنك الجزيرة تعاملات اسلامية... فيزا وغيرها ما تشيل هم حرام وحلال

والمفروض يعطوني الآن عمولة على هالمدح هههه

[المهندس فهد]

الاخوان
عبد الملك, ارامكاوي, redha, رادار الشاشة
الله يبارك فيكم جميع ... الله يعين انا حقيقة سالت لاني ماابي اطيح في واحد ثاني اخس من الراجحي.
انا طبعا ولله الحمد ماعلي التزامات لهم ... وان شاء الله اني استقر على بنك يحترمني كشخص وتكون خدماته جيدة.
ابي خدمات الكترونيه ممتازه
خدمات عملاء البنك عند الحضور للبنك شخصيا
تحويل الى نفس البنك او البنوك الاخرى من غير عمولة (الراجحي كانت مجانا لي)
بعض المعاملات مثلا استخراج كشف حساب اون لاين ... الراجحي يبيني اكتب لمدير الفرع معروض علشان اخذ كشف حساب بست شهور.
الله يعينا
ولكم جزيل الشكر

[ارامكاوي]

كل إللي طلبته موجود في الأهلي (وسام).

[ستلايت]

ترى ما اسمح لك تتكلم عن الراجحي >>>>> يمكن يدخل واحد من عياله وييطلب رقم حسابي ويطلعني من الحفره اللي طحت فيها عندهم

لكن اجلس على مصرف الراجحي كخدمات الكترونيه
ورح لبنك آخر فيه مميزات البطاقات الاسلاميه مثل الاهلي او الرياض

لكن لاتفرط في الراجحي
في كل زاويه مكينه وفي كل قريه فرع

[lafee]

انا حولت من الراجحي الحقير للا هلي وحصلت الراحه وتمنيت اني متقدم

[Economist]

حياك الله اخوي

بصراحة من الصعب تلقى بنك يلبي كل ماتريد ولكن هناك تفاوت نسبي بين البنوك
شخصيا ارى انة الفرنسي افضل من غيرة في امور كثيرة خاصة في الامور الالكترونية سواء التداول او التحويلات او التسديد ... الخ
التداول جيد ولكن بنزول الشركات الكبيرة للتداول انسى انك تبيع اة تشتري يومها
ومع ذلك لاتقفل حسابك بالراجحي لانة اكيد راح تحتاجة في تسديد مخالفات او مدفوعات رسوم حكومية خاصة وانة مع بنك الرياض فقط الذين تسدد من خلالهما

شخصيا لااستغني عن الراجحي في تلك الجزئية الملحة
اما من يقول انة الفرنسي يطلب ان يكون بحسابك الجاري 100 الف ريال حتى تبقى مميز فهذا غير صحيح بتاتا فاناا حسابي مكرس للتداول تقريبا الا من مبلغ بسيط بالجاري ومع ذلك لازلت املك العميل المميز

تحياتي لك

[المهندس فهد]

اخوي ارمكاوي ... الله يعطيك العافية وبصراحة واحد ايضا مدح لي البنك الاهلي.

هلا وغلا اخوي ستلايت
سويت مثلي مرة هاهاهاها نزلو في حسابي بالغلط يوم كنت طالب ومطفر ... واخذت مدة قلت ياولد خلني اروح للبنك واقول لهم يمكن بعد ما يرجعونه يعطوني شوي هاهاها .. رحت لهم محد عطاني وجه ... بس خذو رقم الحساب وما نقص الا يقولون ضف وجهك
والل مبلغ جامد وانا طالب تخيييل
عموما كلامك صحيح في كل زاوية لكن الظاهر مافيه بركة ...كثيره فروعه وقليلة بركته ..(شكلي حاقد من جد )

[المهندس فهد]

اخوي لافي تسلم والله الظاهر بدا يزيد اسهم الاهلي عندي ..واحد من الزملاء يقول ذلك ايضا.

اخوي ايكونميست
تسلم على المعلومة وانا طبعا ماراح اقفل حسابي لكن خلاص من حبكم يازين عزلنا
راح يكون تعاملي المستمر مع البنك الاخر الراجحي حق مخالفات المرور والجوازات يعني في 2000 او 3000 بالكثير

[سهم النسبه]

هلا وغلا أخوي الحبيب

لازم تنوع المحفظة ...

الخدمات الإلكترونية = سامبا - الراجحي - الأهلي

خدمات البطاقات = ساب - سامبا

البهرجة = البلاد

القروض = الفرنسي

الخدمات التجارية والإعتمادات = سامبا - الفرنسي

التحويلات الخارجية = الراجحي

سداد الرسوم = الراجحي - الرياض


أفتح حساب في كل بنك وحط لك مبلغ صغير فيه علشان ما يقفلون عليك الحساب .. وتمتع بميزة كل بنك ...

مودتي لك يالغالي ...

[المهندس فهد]

هلا وغلا اخوي سهم النسبة

والله فكرة مهيب شين بس ياخوك عاجز من المطامر

تسلم على المرور