بسم الله الرحمن الرحيم
===========================
يجيك ابو فلان يقولك وش عندك
تقوله سابك يقول بكم عليك
تقوله والله شاريها قبل فترة طويلة ومعدلها تقريبا 95
يرد عليك ورا مابعتها ب 220 واخذتها تحت
تقوله انا مستثمر
يقولك بس الاستثمار مافيه فايدة
شفه جابت 220 ورجعت الى 120 وانت ماستفدت المفروض بايعه
تقوله والله هذي طريقتي
يقولك طريقتك خطأ
تقتنع ان هناك طريقة افضل من طريقتك
وتعود لسؤاله
وانت وش اوضاعك
يقول انا خساير بخساير
كله من الهيئة وتعميق السوق والشفافية اللي بيسوونه
ولسان خشتك يقول
====================
مايمشي الا معه الميتاستوك ولو تقوله كم الساعة فتح الشارت
ويصرّ انه يعلمك التحليل الفني
وانه بتخف خسايرك وتزيد ارباحك
تقوله طيب عندي سابك وش الوضع
يقولك اذا اخترقت 150 فهي رايحة 200
همن بتروح 140 همن بتخترق 230
واذا كسرت 113 فهي رايحة 90
وتتعجب من نسب الارباح لو انطبق هذا الكلام
وتشوف خويك مازال على قد حاله
وترجع خشتك تقول
=======================
يفتح موضوع ويبدا يعدد مزايا الشركة الاستثمارية بعد 4 سنوات
وبعد يومين يفتح موضوع يسب المضارب ويقول انا خرجت من هالسهم الغثيث
والسوق لا يصلح للاستثمار
وتتسائل اذا انت تقول السهم استثماري لسنوات ليش تبيه يرتفع بكرا
وتبدا خشتك تقول
========================
يدق عليك ويقول انت الى الحين بسابك؟
ترى السوق مايصلح للاستثمار طعني واشتر الغذائية
شفها بعشرين ريال الله يديم الرخص
والله انا فل غذائية
تقوله بكم اخذته
يقولك ب خمس وثلاثين
وماتقدر تتحمل ان خشتك ماتقول
=======================
يجيك ويقولك لا يهمك قرار السماح للاجانب بالدخول
تقول وشلون
يرد بسرعة الاجانب مايبون يشترون بسوقك
خطر ومافيه رقابة ولا ثبات ومكرراته عالية
وهم عندهم شركات ممتازة ومكرراته 4 وعليهم رقابة وفيه مضاربات ولا عندهم نسبة
يعني اسواقهم ازين من سوقنا واجد
حتى اسواق الخليج ازين من اسواقنا
وينط براسك سؤال
طيب دام اسواقهم واضحة كذا ورا ماتترك سوقنا وتروح لمه
=============================
يفتح موضوع ويقول ابترك السوق
كل اللي بالسوق خسرانين
لا المضاربة تنفع ولا الاستثمار ولا التحليل الفني ينطبق على سوقنا
ماتعلّق وخشتك ماتسوي شيء لانك تعودت
===================
لا اله الا الله
الله يوفقنا ويوفق الجميع
المفضلات