بعد اذن المشرفين 000 // سؤال هام عن فواتيـر الكـهرب //

[عذبه]

للمرة الثانية في 3 شهور تقريبا 00 يصلني رساله من النت على جوالي فيها أمر بالتسديد أو فصل التيار .. وطبعا مع رقم الحساب..

والمرسل ALKAHRABA

قلت تطورت منفوحه حتى العقرباء صارت توصل فواتيرها بالنت 00

طلع رقم الحساب هذا يختلف عن رقم فاتورتي 00

وزين اني تاكدت قبل اتصل بسامبا فون .. لاني شفت كلمة فصل التيار اختبصت وتخيلت القوايل والحر

يعني نصبه جديدة بطرق الكترونية حسبي الله على من أرسلها ماناقص علينا الا نسدد فواتير الناس والا شقق العزابيه
.

[توصية]

انا جتني الفاتوره 2800 لمده شهر لفله حسبي الله عليهم وكيف تناقشهم على الفاتوره مدري اهم شي سدد وبعدين نافش

[abu salim]

حسبي الله على النصابين

زين انك انتبهت لرقم الحساب

وأشكرك على التنبيه

[dehlosa]

الحمد لله انك انتبهت والله ستر

[abotlal]

بالامكان التأكد من الفاتورة بعرضها من موقع الشركة عن طريق
رقم الحساب في اخر الصفحة
http://www.se.com.sa/SEC/Arabic/default.htm

[ستلايت]

كانو يسوونها في الجوال

فيه مواقع في النت تعطيك رسائل مجانيه
وتعطيك حرية اختيار صيغة المرسل على كيفك

وقامو يرسلون الجحلط رسايل للناس
ويحطون المرسل :
شركة الاتصالات

وطبعا اللي ماهو حافظ رقم حسابه او على الاقل اخر 3 ارقام
بيطير في العجه وبيسددها زي السلام عليكم وهو يضحك

ماخلو شي ماسوووووووه
ربعنا جيدين في النصب والاحتيال

بس والله انك من تالي صايره قشراء
وتذبين ذبات قويه على الاعضاء
وخصوصا راعي القناة اللي بتحذفينها

يعني مقدين فيك اللي ارسلو لك
وليتهم صادوك وسددتي فاتورتهم هههههههههه
عشان نسوي حفله اسبوع كامل فرحاً بالمقلب

لكن يالله الجايات اكثر

[صاحب قرار]

انا جتني الفاتوره 2800 لمده شهر لفله حسبي الله عليهم وكيف تناقشهم على الفاتوره مدري اهم شي سدد وبعدين نافش

كم مساحة الفله

انا جتني الفاتوره 3600 بس البيت يسكن فيه 13 واحد بما فيهم العماله ومساحته في حدود3000 متر

[أبو ليان]

الخطأ وارد في اي شئ !!

[ستلايت]

13 واحد

:

الخطأ وارد في اي شئ !!

الموضوع ليس خطأ
ولكنه نصب واحتيال من مجهولين يرسلون رسائل جوال خادعه فيها ارقام حساباتهم حتى تسددها عنهم

[عذبه]

بالامكان التأكد من الفاتورة بعرضها من موقع الشركة عن طريق
رقم الحساب في اخر الصفحة
http://www.se.com.sa/SEC/Arabic/default.htm

لكن الرساله ليست من شركة الكهرباء 000 بعضهم استثقل فاتورة الصيف ( ربما بالالاف ) وقال ارسل رقم فاتورتي لعذبه

وشكرا لك على الرابط .

[لمّاح]

لكن الرساله ليست من شركة الكهرباء 000 بعضهم استثقل فاتورة الصيف ( ربما بالالاف ) وقال ارسل رقم فاتورتي لعذبة
.

أنا ماأستبعد إنه النوخذة

تراه راعي حركات , ويسويها

[عذبه]

:



الموضوع ليس خطأ
ولكنه نصب واحتيال من مجهولين يرسلون رسائل جوال خادعه فيها ارقام حساباتهم حتى تسددها عنهم

شكرا على التوضيح 00

بس خساره 00 أنا الآن اتمننننننى اني ماكله المقلب ومسدده ولو أنه بآلاف مايهم 00 بس عشان تتدبس بالحفله المزعومه - اسبوع كامل - بتغطي ع الكرسمس ياحافظ

[عذبه]

أنا ماأستبعد إنه النوخذة

تراه راعي حركات , ويسويها

انا استبعد انه النوخذه

لانه يستلم 300 ريال من اللي انت خابر يلفزونها بيده كل شهر 00 ما اظن انه يحتاج لاحد يسدد له

[رهين الاماني]

كم مساحة الفله

انا جتني الفاتوره 3600 بس البيت يسكن فيه 13 واحد بما فيهم العماله ومساحته في حدود3000 متر

مي سوري دخلت بالغلط

[المعمر]

غريبه والله \\ ساعات احسهم يبالغون بالفاتوره

لي شهرين لحالي في البيت والفاتوره 1490 ريال ,,!!

بصراحه تومتش ,,

يمكن لاني تارك شاحن الجوال مشبوك !

عموما شيكت على موقع الكهرب وحطيت رقم الفاتوره ,,

وما ظهرت اي معلومه !

واشكرك يا عذبه على التنوير

[النوخذة]

انا استبعد انه النوخذه

لانه يستلم 300 ريال من اللي انت خابر يلفزونها بيده كل شهر 00 ما اظن انه يحتاج لاحد يسدد له

ما خليتوني اكمّل ..

هي 300 ريال .. ولك فاتورة وحدة بس تسددها

على حساب مشترك آخر .. يمكن هي !

[الخلوق جدا]

فعلا فواتير الكهرباء متضاعفة 3 أضعاف !!

قالوا أيش !!

قالوا الكهرباء خسرانه 90% مقارنة بمقابلها !!

حرامية الله يخلصنا منهم كلهم

و يبدلهم عاجلا بخير منهم و أقل منهم عددا !

آميـــــن يااااااا رب

[عادل الوافي]

ياحظكم مشخصين تجيكم الفواتير بالألاف ...........أنا مئات وتخب علي...........