1+1=2
قبل انهيار فبراير 2006 م دخلت السوق سيولة كبيرة من شرق وغرب وجنوب وشمال ومن كل صوب وحدب واصحاب السيولة هؤلاء من جميع الاجناس وكل بفلوسة جاك مدرعم في هذا السوق حتى اني سمعت والعهدة على الراوي ان هناك شايب حتى الان لا يعترف بكروية الارض ومع ذلك دخل السوق قبل فبراير .
ولما حدث الانهيار وتعلقت الناس مع كراعينها بدأ هؤلاء المعلقين بضخ سيولة جديدة الى السوق بهدف تعديل الاسعار عاد انت قس كل وسيولته
وهناك من هؤلاء من يطلق عليهم ملاك صناديق التنك الي اذا شفت الواحد منهم طلعتلك ريال من مخباتك عشان تتصدق عليه هؤلاء أصبحت محافظهم متخمة بالكميات والهوامير ماعاد عرفوا يطلعون أسهم خوفا من هؤلاء اللي يبون السلامة وبس
لذا بعد هذا الرأي نجد التفاسير توضح نفسها بنفسها .
لماذا الصعود انتقائي ؟
الاجابة يبون ملاك الاسهم يستخدمون اسلوب مطاردة الاسهم .
لماذا هذا الضغط الهائل ؟
الاجابة اسلوب تطفيش .
الان توصلت الهيئة بالاتفاق مع الهوامير وصناع السوق الى اسلوب جديد خلونا نلعب على المكشوف وتخبرون عاد ملاك التنك محد منهم يبي الفضيحة تلقى ابناؤهم ما يعرفون وش يملكون ....!
والا تتوقعون ان الوليد يخشى اعلان اسمه بالعكس اصلا هو معلن من قبل ما يحتاج احد يعلن عنه .
والا الراجحي والا السبيعي والا غيرهم من التجار الخوفه والله على ملاك التنك مساكين ...
ولا يجيني احد يقول لي يفتحون محافظ اخرى ترى المحاكم راح تمتلئ من قاضيا الجحد والنكران ..
أعرف ان هذا الرأي بدائي لكن تمعن فيه ولا أنت ملزوم به ...!!
كتبتها بلهجة محلية بس لأني جبت طاري ملاك التنك والا تراني اعرف اكتب بالفصحى ...
ولو تبون نقرأ لكم قرارات أخرى ترى ما عندنا مانع وزراؤنا مكشوفة لنا عقولهم ونفسياتهم بس قولوا وحنا نفسر لكم
تحياتي
المفضلات