بعد اذن المشرفين/ وش احسن بنك احول راتبي عليه

**MOD** · 24-07-2008, Thu 7:36 PM

راتبي على سامبا الأن وقاهرني لأن اكثر البنوك تعطي العملاء اللي محولين رواتبهم بطاقات ائتمانيه مجانا وبدون رسوم

الراجحي الحين يقول حول راتبك واعطيك البطاقات الإئتمانيه بدون رسوم سنويه وبدون فائدة تأخير عن التسديد ( مجانا )

**alrajel** · 24-07-2008, Thu 8:45 PM

تبى نصيحه انحش من البنوك الى تعطيك بطاقات ائتمانيه لانها سوف تزيد من مصروفاتك
على حساب ثبات مبلغ راتبك , طبعا البنوك تستفيد من بطاقات الائتمان حتى بدون رسوم
لانها تأخذ رسومها من عمليات البيع والفوائد الشهريه ولايهمك الراجحى اذا قال انه ماياخذ فوائد الا فى حاله واحده اقتطاع المبلغ بشكل شهرى عند نزول الراتب

**raddadu** · 24-07-2008, Thu 8:46 PM

اهرب عن الراجحي نصيحه والله الذي لا اله الا هو عانيت معاهم لاتستغرب لو سحب من حسابك مبلغ او لو جيت يوم ورصيدك صفر وتطارد وراهم (مثل اللي صار معاي)

عندك اي بنك الراجحي ملخبط حساباته والله شهرين سحبوا مني 200,000 ريال وبعدين رجعت بالقوه ومافيه اسف حتى طبعا تعويض انسى!!!!

والله من وراء القصد....بالنسبه لي انصحك لي حولت للاهلي دقة واونلاين ممتاز وتداول اروع.....وعندي بالجزيره بنك رايق ومخليه حساب ادخار والاهلي للسحب..

بالتوفيق

**StOrMtRoOpEr** · 24-07-2008, Thu 9:03 PM

والله لو بالامكان الواحد ياخذ الراتب نقداً كنت وصيتك تاخذها نقد بدل تحويل البنوك
على الاقل كان فيها بركه

**مضارب حنون** · 24-07-2008, Thu 10:18 PM

حسب الترتيب

الجزيرة تعامل راقي

سامبا دقه + تعامل

الرياض تغنية متطورة

أحذر من الراجحي فهو لا يستحق ان يطلق عليه بنك او حتى مصرف

**MOD** · 24-07-2008, Thu 11:51 PM

المشاركة الأصلية كتبت بواسطة مضارب حنون

أحذر من الراجحي فهو لا يستحق ان يطلق عليه بنك او حتى مصرف

علمني ولا عليك امر وش صار معك

**خطاب** · 24-07-2008, Thu 11:55 PM

صدقني غير سامبا لا تدور
بدون مبالغه انا حسابى معهم منذ فتره طويله الجاري والتداول ولا فكرت بغيرهم

**Hope** · 24-07-2008, Thu 11:56 PM

انصحك بالجزيره ثم سامبا

**ابو سعود** · 24-07-2008, Thu 11:57 PM

كلم سامبا وقلهم الغوا بطاقة الائتمان

واذا سألوك ما السبب قلهم الرسوم

وسيلغونها عليك

**المشغول** · 25-07-2008, Fri 12:01 AM

ببلاش ....قــــال

**MOD** · 25-07-2008, Fri 12:11 AM

المشاركة الأصلية كتبت بواسطة Hope

انصحك بالجزيره ثم سامبا

أخي هوب

ولكن الجزيره فروعه قليله ومكائن الصرافات تكاد تكون مختفيه
لدي محفظه في الجزيره وكانت عندي شغله بالفرع وكان فيه واحد يتهاوش هو والموظف على رسوم اصدار بطاقة صراف جديده ( ليست بدل فاقد) 100 ريال !!

**NEW MAIND** · 25-07-2008, Fri 12:29 AM

طبعا هذا الكلام موجه لمن يهمة أن تكون معاملاته آمنه من الناحية الشرعية 00

الراجحي يغنيك عن كل هؤلاء 00

البنك الإسلامي الوحيد الذي يقدم لك جميع المعاملات المالية بروح عصرية وتقنية متطورة

بعض الأخوة أخذوا موقف مسبق من الراجحي 00

الآن اختلف الوضع تماما 00

الراجحي فروع جديدة ومتطورة وتعامل في الجملة ممتاز حاله حال باقي البنوك الكبيرة الأخرى

بالنسبة لي كنت أتعامل سابقا مع الراجحي وسامبا والأهلي والسعودي للإستثمار والبريطاني (ساب) !!

لكن قررت بعدها أوقفت كل تعاملاتي مع البنوك الربوية ( توبه نصوح بإذن الله )

صدقا لم أرى أي فرق كبير و جوهري بينه وبين البنوك الأخرى 00

بل بالعكس تقنيا لم أواجه أي مشكله عن طريق النت مطلقا !!

**o_Abu Turki_o** · 25-07-2008, Fri 12:29 AM

انا مع ساب من 18 سنه ولا احلا
النت حقهم ممتاز بدون مشاكل
البطاقات الأئتمانيه ثلاث بدون رسوم (نت كارد، فيزا وماستركارد)
تداول مجاناً وممتاز
وتعامل موظفينهم راقي جداً

**MOD** · 25-07-2008, Fri 12:43 AM

المشاركة الأصلية كتبت بواسطة NEW MAIND

طبعا هذا الكلام موجه لمن يهمة أن تكون معاملاته آمنه من الناحية الشرعية 00

الراجحي يغنيك عن كل هؤلاء 00

البنك الإسلامي الوحيد الذي يقدم لك جميع المعاملات المالية بروح عصرية وتقنية متطورة

بعض الأخوة أخذوا موقف مسبق من الراجحي 00

الآن اختلف الوضع تماما 00

الراجحي فروع جديدة ومتطورة وتعامل في الجملة ممتاز حاله حال باقي البنوك الكبيرة الأخرى

يختلف عنهم أنك تشعر بالراحة النفسية لأنك تتعامل مع بنك لديه هيئة شرعية معتبرة

على الأقل من باب (( معذرة إلى ربكم ))

بالنسبة لي كنت أتعامل سابقا مع الراجحي وسامبا والأهلي والسعودي للإستثمار والبريطاني (ساب) !!

لكن قررت بعدها أوقفت كل تعاملاتي مع البنوك الربوية ( توبه نصوح بإذن الله )

وحدت جميع تعاملاتي مع الراجحي لكون لديه هيئة شرعية ويظل أحد أهم واكبر البنوك الإسلامية في العالم الإسلامي اليوم

صدقا لم أرى أي فرق كبير و جوهري بينه وبين البنوك الأخرى 00

بل بالعكس تقنيا لم أواجه أي مشكله عن طريق النت مطلقا !!

فكرت في البلاد لكن قيل لي أن البنك يعاني من مشاكل إدارية وتقنية ولم يستقر بعد !!

ماشاء الله عليك اقنعتني احول على الراجحي
فيه ميزه بالراجحي لافته انتابهي انتشار الصرافات والفروع بشكل رهيب
وفيه عيب على رغم من انتشار صرافته وفروعه لكن كلهن زحمه ( ماشاء الله )

**عادل الوافي** · 25-07-2008, Fri 12:44 AM

المشاركة الأصلية كتبت بواسطة MOD

راتبي على سامبا الأن وقاهرني لأن اكثر البنوك تعطي العملاء اللي محولين رواتبهم بطاقات ائتمانيه مجانا وبدون رسوم

الراجحي الحين يقول حول راتبك واعطيك البطاقات الإئتمانيه بدون رسوم سنويه وبدون فائدة تأخير عن التسديد ( مجانا )

الراجحي كذاب يقول أعطيك أول سنة مجاني وهو يستحصلها اخر العام ثم يقول هذه للسنة الجديدة...!!! ويستحصل مستحقاتة كل يوم 15 من الشهر الميلادي ..!! حسابك فيه وإلا مافيه يبقى المبلغ محجوز بالناقص...!

**متسبب** · 25-07-2008, Fri 1:39 AM

اذا تبي النصيحه اقرب واحد لبيتك والافضل ان تبتعد عن اي بنك له شعبيه لتبتعد عن الزحمه وسؤ المعامله من الموظفين .. ولا تبحث عن افضل بنك وانما ابحث عن افضل السيئين لان النظام واحد ويتبع ساما التي تستغفل المواطنين بالفائده المركبه على القروض التي لم تحصل بجميع دول العالم .

**قاصد الكريم** · 25-07-2008, Fri 1:44 AM

انتظر الين يسمحون بالبنوك الاجنبية
احسن لك

**ولد حمايل** · 25-07-2008, Fri 2:11 AM

سامبا اذا صارحسابك ذهبي يعني اكثر من مية الف مايخذون عليك شي في الفيزا

وتصبح جميع الخدمات نصف القيمة مثلا اصدار شيك مصدق ياخذ 5 ريال بدال 10 وغيرها من الخدمات
انا اعتبره افضل السيئين الموجودين عندك هنا

**القدهى** · 25-07-2008, Fri 2:40 AM

جربت جميع البنوك

اسوء بنك بالتعامل هو الاهلي

البنك اللذي لاغنى عنه هو الراجحي

**TA&T** · 25-07-2008, Fri 1:25 PM

تحيه طيبه
جربت البنك الفرنسي والبنك العربي والبريطاني والراجحي والله ثم والله مااستفدت من حساب ولا حسيت اني مااستغني الا عن حساب الراجحي

الراجحي اتغير كثير عن اول وافضل بنك بدون منازع يجي بعده الفرنسي

**ريموند** · 25-07-2008, Fri 2:04 PM

صراحه بنك الراجحي متطور بشكل رهيب ومفيد للعملاء هذا مالاحظته
انا كنت اتعامل مع سامبا ونقلت للراجحي حسيت بفرق كبير التعامل
الخدمه صرافات وصراحه يكفي انك تنام مطمئن انه باذن الله اسلامي
ميه بالميه والله يوفقنا وياك

**حقل السفانية** · 25-07-2008, Fri 2:35 PM

ياكثر حسادك وياكثر بركتك يالراجحي يابنك المواطن الصالح وغير المرائي

**نسيم** · 25-07-2008, Fri 3:43 PM

أخي الراجحي ولاتتردد ادخل وشوف خدماته أما البقية إذا بتراجع وانت في مناطق نائية يبيك يوم سفر

**abu3omr** · 25-07-2008, Fri 10:25 PM

ما عرفت قيمة الراجحي إلا بعد ما تركته ..
والآن أفكر جديا بالعودة إليه ..
خدمات الانترنت لا مثيل لها ..
صرافات وفروع بكل مكان ..

مع التحية ..

**مثل العسل** · 26-07-2008, Sat 12:53 AM

المشاركة الأصلية كتبت بواسطة MOD

أخي هوب

ولكن الجزيره فروعه قليله ومكائن الصرافات تكاد تكون مختفيه
لدي محفظه في الجزيره وكانت عندي شغله بالفرع وكان فيه واحد يتهاوش هو والموظف على رسوم اصدار بطاقة صراف جديده ( ليست بدل فاقد) 100 ريال !!

أنا حسابي بالجزيرة ورسوم البطاقة بلااااش الا في حالة انك تبيهم يرسلونها لك بالبريد تكون الرسوم 50 ريال
بس الفروع قليلة الصرافات بعد

أنصح بالاهلي اولا للجاري والصرف والجزيرة للاستثمار

**مرتخي مشدود** · 26-07-2008, Sat 1:04 AM

سامبا يكفيك حساب تداول مجانا

**MOD** · 26-07-2008, Sat 1:38 AM

الله يجزاكم خير

ماتوقعت ان الموضوع بيتفاعل معاه كثيرين

من خلال ردود الإخوان الأغــلب يمدح الراجحي

توكلت على الله من بكرا ابا احول الراتب عليه ان شاء الله

**ابوكاس** · 26-07-2008, Sat 5:55 AM

نصيحتي لك

جربت سامبا - البريطاني - الهولندي - الاهلي -

والراجحي

محفظتي في سامبا

وراتبي في الراجحي

وجهة نظري ان الراجحي ملك البنوك السعوديه

سهل التعامل في جميع الخدمات ومريح ولو ترفع

حجر في راس ابو قميص بتلاقي فرع الراجحي فيه

متوفر في كل مكان اكثر من البقالات...