ثغرة في إعلان الهيئة بشأن الهللات .. تدل على التخبط ..

[النوخذة]

ترى لعلمكم الخاص .. ما شفت الإعلان إلا من شوي ..

تداول تبدأ استعداداتها لتطبيق وحدة تغير سعر السهم الجديدة
2008-07-15 13:33:00 1429/07/12

بدأت شركة السوق المالية السعودية (تداول) استعداداتها لتطبيق تعديل وحدة تغير سعر السهم بإجراء الأختبارات الفنية والتنسيق مع شركات الوساطة ومزودي خدمات معلومات السوق ضمن خططها لتطبيق تعديل وحدة تغير سعر السهم الجديدة التي تعكس بشكل أفضل وعملي كفاءة التغيرات السعرية في أسهم الشركات المدرجة وكذلك زيادة السيولة وكميات الأسهم المتداولة. وسيتم الإعلان عن موعد التطبيق النهائي لوحدة تغير سعر السهم الجديدة بعد اكتمال الأختبارات الفنية. وكانت شركة (تداول) طرحت فكرة تعديل وحدة تغير سعر السهم في وقت سابق لإستطلاع مرئيات المستثمرين والمختصين في السوق، حيث كانت غالبية المقترحات مؤيدة للتعديل وفق النطاقات التي حددتها الشركة على النحو التالي: (5 هللات) للأسهم التي تقل اسعارها عن 25 ريال، و (10 هللات) للأسهم التي تبدا اسعارها من 25.10 ريال إلى 50 ريال، فيما يكون النطاق الثالث (25 هللة) للأسهم التي تزيد أسعارها عن 50.25 ريال فأعلى.

طيب يالهيئة : واللي سعره 25 ريال ؟؟

لله درّي .. فيني نباهة تخليني أتحاشى أطالع في المراية

مثلكم خابر .. الواحد أحيانا يحسد نفسه ..

[shgar]

الي سعره 25 ريال أذا نزل ينزل خمس هللات
واذا ارتفع يرتفع 10 هللات
ويسعد صباحك يا حلب

[ستلايت]

في الحالة هذي اوامر العروض تكون مثل كذا :


24.90
24.95
25
25.10
25.20



هاه يالنوخذه اكلم المشرف فهد يحذف الموضوع
قبل يوصل عدد الزيارات 10 زيارات

[النوخذة]

لا لا تكلم أحد .. خل العالم تستفيد يا حلو ..

[النوخذة]

الي سعره 25 ريال أذا نزل ينزل خمس هللات
واذا ارتفع يرتفع 10 هللات
ويسعد صباحك يا حلب

قصدك ما عندي سالفة .. مو كذا ؟؟

[ثومان]

اللي سعره 25 يبلط البحر مهو في سوقنا
رايق ومفرفش يالنوخذه وأحنا مولعين.

[ساري]

خلونا نفكر بصوت عالي
الان مافيه سهم اعلى من 250
لو قسمنا جميع الاسهم على 10 صارت كلها ابو 0.10 و 0.05
الله يستر من تاليتها مع الهيئة

[shgar]

قصدك ما عندي سالفة .. مو كذا ؟؟

=============================================
انت الحاجب وانا العين والحاجب
فوق العين والعين ما تجي فوق الحاجب
يعني مثل زي كذا
وأنت معلمي ومستشاري الله يرحم ايام زمان

[ابوشهد]

صح عليك يالنوخذة
ماشاء الله عليك بحار ورياضيات
اجل ان شاء الله اللي يبحر معك ما يضيع

كلامك صحيح فيه خلل في الصياغة وهي بين 25 و 25.10
برافو

[خبرعاجل]

هذا ان دل على شي انما يدل على انك ملاصق للهيئه في قرارتها يالنوخذه ماشاء الله عليك
سر على الدرب فانت الخوارزمي القادم

[جــــــــــود]

اذا وصل 25 السهم يطمره

[علي محمدسليمان]

بحار ما ينخاف عليك يا نوخذتنا الغالي

[اللافي]

فعلا صيدة وملاحظة دقيقة
وتصدق عاد يا ابو مشاري اني كنت ابقولها ؟ << ------ كثر منها
بس انت عاد سبقتني مثل العادة

والصيغة الصحيحة
ان تكون ومن 25 واقل

تداول تبدأ استعداداتها لتطبيق وحدة تغير سعر السهم الجديدة
2008-07-15 13:33:00 1429/07/12

بدأت شركة السوق المالية السعودية (تداول) استعداداتها لتطبيق تعديل وحدة تغير سعر السهم بإجراء الأختبارات الفنية والتنسيق مع شركات الوساطة ومزودي خدمات معلومات السوق ضمن خططها لتطبيق تعديل وحدة تغير سعر السهم الجديدة التي تعكس بشكل أفضل وعملي كفاءة التغيرات السعرية في أسهم الشركات المدرجة وكذلك زيادة السيولة وكميات الأسهم المتداولة. وسيتم الإعلان عن موعد التطبيق النهائي لوحدة تغير سعر السهم الجديدة بعد اكتمال الأختبارات الفنية. وكانت شركة (تداول) طرحت فكرة تعديل وحدة تغير سعر السهم في وقت سابق لإستطلاع مرئيات المستثمرين والمختصين في السوق، حيث كانت غالبية المقترحات مؤيدة للتعديل وفق النطاقات التي حددتها الشركة على النحو التالي: (5 هللات) للأسهم التي بسعر 25 فأقل ، و (10 هللات) للأسهم التي تبدا اسعارها من 25.10 ريال إلى 50 ريال، فيما يكون النطاق الثالث (25 هللة) للأسهم التي تزيد أسعارها عن 50.25 ريال فأعلى.

[ريموند]

ياحبهم للف والدوران
طيب غيرو القيمه الاسميه وخلو تحرك الاسهم بالهلل
اعتقد تاخير هالقرار لكي يكون اداة للهيئه عندما يريدون انزال السوق

[ضربه حظ]

هل ممكن سهم يطلع من نطاق الخم ويدخل في نطاق الخمس وعشرين هلله في يوم واحد

[moody]

قصدك ما عندي سالفة .. مو كذا ؟؟

هههههههههههههههههههههههههه
اضحك الله سنك يا نوخذة

[بليونير]

اعتقاذا وصل 25 يوقفون التداول بالسهم ويخلونه الاحد والاربعاء بس ..... يعني مع انعام (المواشي)

[KingOFchart]

ههههههههههههه
رهيب الموضوع
صدقت قبل شوي قاعد اشرح لك
متحمس

[HHH]

الي سعر سهمه 25 يشتغل على النظام القديم

[وسم]

بسيطة 25 7.5 هلله ولا تزعل يالنوخذه حط رقم جديد من عندي مادام الدعوة تخبط

[د.البقعاوي]

هالحين الأسهم اللي سعرها فوق 25 ريال ليش مدحدره؟!!!!!!
الله من الشفاوة(الفضول) تبي تذوق طعم الخمس هللات,,,,,,,,,,
أما اللي فوق الخمسين عندي منها خبر...ودها تطل من الدريشة تشوف هالجمهرة تحت العشرين وشهي عليه