المشاركة الأصلية كتبت بواسطة ابو مشعل
الله يستر السيولة الناتجة من هذا النظام ستزيد الطين بله وسترفع الاسعار بشكل أسوأ!!
صحيح
وفي ظل وجود سيولة كبيره الان في البلد لكن للاسف السيولة الموجوده متوفرة عند التجار والبنوك فقط والرهق العقاري راح يزيد الطين بلة.
لانه راح يستمر استثمار التجار في بناء مجمعات تجارية و خدمات لمقابلة القوة الشرائية المتزايده والحكومه راح تستمر في بناء المباني الحكومية دام الميزانية فيها فائض وزيد عليها السيولة اللي راح يوفرها الرهن العقاري عند الافراد في زيادة بناء المساكن واستمرار ارتفاع سعر البترول يعني الحديد ومواد البناء راح يدبل اكثررر واكثرررر
المفروض الدولة في ظل التضخم و السيولة تحاول تمرر قوانين تخفف من التضخم وتسحب السيولة من السوق عن طريق استثمارات خارجية بدل ماتجذب استثمارات اكثر وتضخ سيولة اكثر؟
الاستثمار في البلد صحي بس لما نكون جاهزين له
سرعة دخول مستثمرين اجانب رفع عدد العمالة الاجنبية الماهره وغير الماهره بشكل كبير ووظف شباب سعوديين كثير(هجرة داخلية الى المنطقة الشرقية والوسطى) بسببها المستشفيات ماتكفي الطرق ماتكفي الشرطه ماصرت تشوفها في الشارع (ضايعين وسط الزحمه)
وتدرون وش بيصير..كل واحد عنده بيت ملك راح يرهنه عشان يوفر سيولة يستثمرها في سوق اسهم ولا يشري له ارض ... وصدقوني راح نسمع سوالف عن عائلة طردها أل طلعت لانهم رهنوا بيتهم الملك عشان يدخل سوق الاسهم او دخل استثمار مع واحد من شاكلة بن جمعه ....
الله يستر الوضع راح يسوء اكثر مع دخول الرهن العقاري والوعد قدام
بوعبدالعزيز
المفضلات