█ شيك صادر من مصرف الريان القطري وبالريال القطري ..من وين يصرف ..؟؟█

[ابن بطوطة]

السلام عليكم
شيك صادر من مصرف الريان القطري وبالريال القطري ..
من اي بنك من بنوك الرياض يصرف..؟؟

[وليد المهنا]

هذا ياخذ تحصيل مدته 35 يوم الي 40 يوم عشان يصرف لك ..

ماعليك الا التوجه الي الفرع اللي فيه حسابك وتعبئة نموذج تحصيل من قبل الصرافين.
وبعدها يكون بحسابك حسب المده اللي حددتها لك .

موفق اخوي

[alrajel]

انا اصرفه لك الريال بريالين على شرط ان ماتغيب عن المنتدى شهر كامل

[تأبط اسهماً]

إطلالة جميلة
اعتقد محلات الصرافة
مفتقدين حضورك البهي فلا تحرمنا هطولك ..

[ابن بطوطة]

وليد المهنا ..مشكور .. رحنا لمصرف الراجحي وكرشونا .. قالوا مانصرفه ولا نودعه ..
الرجل .. الله يرحم ضعفنا ويجزاك خير ويبارك لك في مالك .. أنت فكنا من النوخذة وانا اصرفة لك باليورو ..
تأبط اسهما .. الله يبارك لك في مالك عزيزي .. ويجزاك خير ..

[omar's]

إذا مبلغ يسوى
إنقز لفرعهم الرئيسى...بقطر...

المعذرة على اللقافة...
تحيااااااااااااااتي.

[ابن بطوطة]

omar's .. الملبغ مايجيب قيمة عشاء ( مطبق وفول ) للنوخذة ..

[saad2002]

اخي الكريم ابن بطوطه
الشيك يتم تحصليه حاليا عن طريق بنك الاستثمار وهو المراسل المعتمد لدي بنك الريان القطري

[أبو جلنار]

على كذا راح تدخل سيولة ضخمة للسوق السعودي بعد ما يصرف لك الشيك " المؤشر على كذا فوق يا هامورنا " !؟ ..

كيف المحافظ " الرحالة " معك !؟ ..

والله زماااااااان ما شفتك يا أبو عصام !؟ ..

[الخفـــاق]

السلام عليكم

اخي علشان خاطرك انا اشترية

[النوخذة]

يا أخوان : أول اسألوه من وين جاء لك هالشيك ؟؟

لا تطيرون في العجة .. وإن كان الدعوى غسيل أموال ؟؟

الرجّال غايب له فترة ..

وفي الأخير جاءنا بشيك ..

بصراحة .. أنا ماني مرتاح لقصة الشيك .

[يارزاق ياكريم]

اعتقد هي ارباح الريان حق الاكتتاب يعني نصف ريال على كل سهم
والتحصيص كان 140 يعني 70 ريال قطري
واذا كان خمس افراد كل واحد شيك =70 والبنك ياخذ 50 للشيك باقي 20 ريال
لكن لو كنت عميل صفوه الشيك الدولي ليس عليه عموله

[صـياد الأسهم]

في البدء أقول لك
أهلا وسهلا ومليون الف مرحبا
أشتقنا لطلتك يالغالي
ومادرينا انك غالي الا يوم رحت وغبت
ومن طول الغيبات جاب الغنايم

بالنسبه لسؤالك
من واقع خبرة على قدي

أنا كان معي شيك على الدوتشي بنك في المانيا
وطبعاً أضطريت ارجع للسعوديه والشيك معاي
رحت للبنك الأمريكي وعملت أمر صرف للشيك
وأخذ الموضوع شهرين بالتماما والكمال ولقيت الملبغ نازل في حسابي
طبعاً الشيك كان باليورو
وخلال الشهرين اللي استغرقها صرف الشيك أرتفعت قيمة اليورو مقابل الريال
فكسبت لي كم ألف زيادة فرق عموله
وفعلاً كل تأخيره وفيها خيره

[المنسي]

هلا وغلا

اول انا مساهم بالريان ولا وصلني شيك الارباح ممكن تقولي كيف وصلك الشيك
الشي الثاني
الاكيد
ان خويي لما باع اسهم الريان
جاه شيك على البنك الهولندي
فممكن ان مصرف الريان يتعامل مع الهولندي
وسلالالالالالالالام

[الولد البار]

هلا وغلا

اول انا مساهم بالريان ولا وصلني شيك الارباح ممكن تقولي كيف وصلك الشيك

نفس السؤال يا بن بطوطة
الحمد لله ع السلامه وعودة حميدة

[الخلوق جدا]

جيره لمري رايح لقطر

و خله يجيبه لك كاش إذا هو ثقة

"