التحليل الفني هو علم لايمكن لأحد تجاهله او التقليل من شأنه .
ولكن سوقنا يمشي على عدة حالات :
1- معلومه
والمعلومه هذي تأتي من ( صداقة هامور )
وهذي مايمشي معها تحليل فني
ولكنها تعتمد على الكاش ومزاج الهامور .
يعني يجيك هامور ويقفل سهمه على نقاط دخول مؤكده
وبعد 10 دقائق من بدء تداول الغد يمحط بك نسبه تحت ويخدعك بمؤشراته .
واحياناً تقرأ موضوع عن ( توصيه شراء ) ويقول لك السهم الفلاني نسبه فوق
وتروح تتصل على محلل فني متمكن وتسأله عن رأيه في السهم
ويقول لك للاسف توصيه فاشلة والسهم اشاراته سلبيه
ومع الافتتاح ( طرخ ) إلا هو نسبه فوق وحاط 600 الف سهم على الطلب .
وهذي بصراحه يازيناها زيناه
وتغنيك عن كل شهادات ومعاهد وجامعات التحليل الفني
بس وشلون نصيد معرف الهامور او معرف صديق الهامور او معرف زوجة الهامور
2- تحليل فني وقراءه جيده للمؤشرات .
الكثير تعلموا واخذوا شهادات على البرامج والتحليل الفني
لكن القليل منهم من عرف مفاتيح التحليل الفني وطريقة تطبيقها .
يعني القراءه الصائبة مع الخبره في سلوك السهم ومعرفة مفاتيح التحليل الغائبة عن الكثيرين هي زبدة التحليل الفني .
وهنا اقول لك ان هذا المحلل هو الذي يرسم مسار المؤشر او السهم قبل افتتاحه
لأنك احياناً تضع شارت سهم وتلقى عليه عشرين تحليل فني
ولكن في نظري ان التحليل الفني ينطبق 100 %
على بعض الشركات الاستثمارية والراكده .
ولكنه ينطبق من 50 الى 70 % على الخشاش
اللي فيها قروبات تتهاوش وتخون بعضها في لمح البصر .
3- اعلانات هيئة سوق المال وتسريبات اخبار الشركات
مثلاً يجيك سهم معطي دخول ومؤشراته رائعه والمضارب بتنفجر محفظته من الاسهم
وفجأه يطلع لك اعلان يعفس السهم فوق تحت .
او يقفل سهم على مؤشرات سلبيه
ولكن وصلت لناس معينين اخبار جيده فيلتهمون كل العروض مع الافتتاح .
المفضلات