اكبر خطأ والصحيح .... امر يهم جميع المتداولين....!!!!!!!!!!!

[Clueless]

[=

بسم الله الرحمن الرحيم


هناك سلوكيات خاطئة في مجتمعاتنا
لذا يجب توضيح الخطأ ... ومحاولة اصلاحه بسلوك تربوي حضاري ...
ادناه بعض هذه السلوكيات

بسم الله نبدأ ..



خطأ :
عندما يصطدم بك أحد وأنت تمشي .. ثم تسقط كتبك ..
. ثم تأخذها وتمشي .. وكل منكما يتأسف للآخر ... :shy:

الصحيح : تمسكه مع ثيابه ... وتصكه بالجدار .. وترفسه مع بطنه
.. وحبذا تنهيها بركبة وإلا كوع ... ثم .. تقوله شيل الكتب .
. ومرة ثانية فتح عيونك يالوح .. ::


*****************************************


خطأ :
تفتح الإشارة .. ثم يعلق يزمّر لك االي وراك ...
ثم تطالع في المراية ... وتلقاه يهاوش ومعصب .. ثم تلوح بيدك تتأسف ... ::


الصحيح :
تنزل له بمفتاح العجل .. أو عجرا ... وتطق الدريشة عليه
... وأول مايفتحها ... جرّه مع شعره ... واجلده لمن يقول العيد بكره ...
ثم .. قله مرة ثانية تصير الاشارة خضراء ..
تصير حمراء .. تصير زرقاء ... تاكل تبن وتسكت .. ::


************************


خطأ :
تدخل المحاضرة متأخر ... يقولك الدكتور اطلع برا يامهمل .
. ياللي فيك ومافيك ... ويصك الباب بوجهك .. ثم تروح وانت متضايق ...


الصحيح :
انك تمسكه من كرفتته وبعدين تلفه وتلفه وتلفه وتلفه وتلفه
وبعدين تريح شوي وبعدين تلفه وتلفه وتلفه وتضربه بالصبوره
وبعدين تقومه وتمسكه من الجاكيت وتمسح فيه الصبوره وتطلع ..
ثم .. قبل لاتطلع تقوله لاصارت جامعة ابوك اطرد الطلبه .. k:


**********************************


خطأ :

جالسين أنت ومجموعة من الشباب ... وعندكم علب بيبسي
. وطلعت تبي تغسل ... فيقوم صديقك ويرج العلبه ... ثم تجي تبي تفتحها
.. ثم تطيش بوجهك ... ويضحكون عليك .. فتقول ... هههههه
الله يرجك والله لارد لك المقلب .. :discuss:


الصحيح :
تمسكه ... مع رجليه ... وتصبخه بالارض صبخ ... وتجيب قوطي ببسي .. وترجه رجا مبرحا ... ثم تفتحه بوجهه ... ثم .. تقوله لاصرت أخوك الصغير ...
والا تمون علي .. امزح معي هالمزح ... وهالمرة بسمح لك عشان خاطر الموجودين ..
والا تدري !! ... ثم عفط العلبه... وحطّها بمخباته ..
. وقله لاتطلعها من مخباتك الا اذا رحنا ... :rolleyes2:


************************


خطأ :
تحلق عند حلاق ... ومتحمس تعلمه سو كذا ... وسوي كذا .
.. وهو يقولك .. أنا في معلوم .. أنت بس ارتاح ... وتتركه ...
وتلقاه حالقن نص شنبك ... ثم تهوشه هوش ... وتحاسب وتطلع ...
وتقول بنفسك والله ماعمري أحلق عنده ... :weeping:


الصحيح :
تاخذ الموس ... وتخربط براسه ... وشنبه ولحيته ... وإن حصل تحلق راسه عكس مب شينه ... ولاتحاسبه ... وحبذا لو جلدته ...
(( على حسب الموجودين ... لو ماعنده أحد أجلده )) ..
ثم .. قل بينك وبين نفسك ... ماعمري أحلّق عنده ... men2:


**************************



خطأ :
تمشي بالحارة .... مثلا رايح للمسجد ... ثم يجي بزر من هالبزراين
... ويفلقك بحصاة .. ثم تلعن الشيطان وتعوذ من إبليس ..
. وتكمل دربك .. تقول بزر ماعليه شرهه ... :rolleyes2:

الصحيح :
تاخذ لك بلكّه ... وترميها عليه ... إن ضربته ... فهو خير ونعمة
وإن ماضربته ... خذ عصا .. وامسكه واجلده ...
إن صاح خير ونعمة ... وإن ماصاح .. فاتركه ...
ورح صل وخلص مشواريك... وهم ارجع له .. وتفرّغ له ...
أكيد مب متحمل لمين وقت الصلاة الثانية ... وعلى مسؤوليتي بصيح ... :secret:



**************************


خطأ :

راكب سيارتك مستعجل ... وكل اشارة توقف عندها .
.. حتى الاشارات اللي مافيها أحد :discuss:


الصحيح :
حتى لو انت مو مستعجل ... اقطع الاشارة ...
الاشارة حطوها للي مايعرفون يسوقون
واللي يفحطون حالها حال المطبات يعني :secret:


************************


خطأ:
ساكن بالدور الأرضي ... وفوقك ساكن واحد ... وصارت الساعة وحدة
... وأنت بتنام ... واللي فوق لجّه وصجّة ... ماتقدر تنام ... ثم تروح لهم
.. وتدق عليهم ... وتقول لهم .. ترى سويتوا ازعاج وانا بنام ..
. ثم ترجع .. وتلقاهم نفس الحالة .. ثم تقول .. الله يقطعهم ماخلوني أنام
.. وتواصل للصبح ..


الصحيح :
اول شي تروح تدور دريل بالبيت وبعدين تروح وتصعدله ولا تدق الباب ولا الجرس اضرب الباب بدريل لين يفتح لفتح تفرط علي كبد ابوه الكبد وتحط الدريل براسه وتخ******** براسه لحد تصيرالفتحات بجنب بعض ...
او تاجر صعايده يقومون بالمهمة :


******************************


خطأ :

متابع فيلم .. ومتحمس .. ثم يجي واحد من أخوياك ويغيّر القناة .
. بدون مايشاورك ... ثم تقوله ليش ياخي ماتشوفني متابع؟؟

الصحيح :
صكه بالصينية ... ولحقه ببياله والا طفاية الدخان ...
وخذ منه الريموت .. بدون ماتكلمه ... وحط فيلمك ... وتابعه بصدر رحب ...


************************


خطأ:
تكتب بعد نهاية اي موضوع تكتبه في منتدى على النت:
ان شاء الله ما طولت عليكم وتجلس اتأسف وكأنك مسوي جريمه

الصحيح :المفروض تكتب اقروا وانتم ساكتين واذا طولت موضوعي وكيفي والي مو عاجبه لا يقراه :tooth::tooth:

منقوووووووول
]

[المفارق]

وإذا كتبت موضوع لا تكتب منقول
طنش كله منقول في منقول

[الوهاج]

نقول الله يرحمك ... لأن الله رحيم

ونقول الله يغفر لك ... لأن الله غفور

ونقول الله يرزقك ... لأن الله هو الرزاق

ولكن هل نقول ... الله يرجك ؟؟؟؟ .... هل الله ...يرج ؟؟ .... تعالى الله علوا كبيرا ...

فلذلك من الخطأ قول الله يرجك !!! .... لأن ( الرج ) ليست من صفات الله جل شأنه وتباركت أسماؤه .....

[الدرعيه]

ذكرتني بواحد من الزملاء قلطت عنده وكنت مشتاق له وودي اسولف وياه
والرجال جاب لي القهوه والشاي ودخل واحد من بزارينه
ياشيخ والله ماعرفنا نقول ولا جمله على بعضها ولده اشغل ام ام ام ام امنا
يطامر ويتكمبس ويراكض واحنا نمسك بيالاتنا وفناجيلناوالزمازم
خايفين لا تنكب
وهالبزر تقول مشبك في كهرب 220
وابوه في قمة بروده لا يهش ولا ينش
ياناس طلعت من عنده وان ميت من القهر وتوتير الاعصاب
والله اني نوبت اصفق بالبزر بأحد جدران المجلس في غفله من ابوه لكن
خفت انه يزعل لا اذا عرف بعدين

[الشاعر الدبلوماسي]

خطأ

انك تدخل منتدى اقتصادي وتلقى واحد كاتب سوالف مالها داعي وترد عليه جزاك الله خير

الصح

انك تحشره في زاويه المنتدى وتخرعه علشان مايعتب هنا ثاني مره

[المفارق]

الدرعيه - الشاعر الدبلوماسي
الله يضحك سنكم توني معصب ضحكتوني
الله يفتحها عليكم بالخير

[Abraham]

نقول الله يرحمك ... لأن الله رحيم

ونقول الله يغفر لك ... لأن الله غفور

ونقول الله يرزقك ... لأن الله هو الرزاق

ولكن هل نقول ... الله يرجك ؟؟؟؟ .... هل الله ...يرج ؟؟ .... تعالى الله علوا كبيرا ...

فلذلك من الخطأ قول الله يرجك !!! .... لأن ( الرج ) ليست من صفات الله جل شأنه وتباركت أسماؤه .....

هههههههههههههههه الله يرجك لا تخرب الموضوع
الرجال يبي يوسع صدورنا عقب هالسوق

[Clueless]

يرفع للي ما شافوه ويوسعون صدورهم

[سراب سهم]

هههههههههههههههههه

يا اني ضحكت ههههههههههههه

جزاك الله خير أخوي Clueless

[yaraa]

ابداع الله يوسع صدرك
خطأ
اذا واحد من عيالك اوبناتك قال على السفره مابي هذا الأكل (خاصة اذا كان شعبي) وقال ابقوم اسوي لي شي ثاني او اطلب من براوتقوله على كيفك يبه سو اللي تشتهيه
صح
إلا تدير صابره كف وتقوله انا تعبان على هذا الأكل من أجلك انا ماطبخته علشان ارميه للبساسه اقعد وسم بالله وكل من اللي ناكله واذا ما تبي اكلنا مالك إلا الجوع !!!!

[الحراثه]

يا اني ضحكت ضحك ههههههههههههه
ههههههههههه

[Clueless]

هلا والله بالشباب وجميع الاخوان

[Oscar]

هلا والله بالشباب وجميع الاخوان

والله اني قاعد أضحك من قلبي .... ولحالي في المكتب تقول مهبول
من مجد ضحكتني................الله يوسع صدرك... ان شاء الله

[Clueless]

ابداع الله يوسع صدرك
خطأ
اذا واحد من عيالك اوبناتك قال على السفره مابي هذا الأكل (خاصة اذا كان شعبي) وقال ابقوم اسوي لي شي ثاني او اطلب من براوتقوله على كيفك يبه سو اللي تشتهيه
صح
إلا تدير صابره كف وتقوله انا تعبان على هذا الأكل من أجلك انا ماطبخته علشان ارميه للبساسه اقعد وسم بالله وكل من اللي ناكله واذا ما تبي اكلنا مالك إلا الجوع !!!!

ههههههههههههههه

توني انتبه انتس ام........ اي والله اطبخ علشان حضرتك تروح تسوي سندويشة جبن كاسات............هههههههههههه

[مشغول البال]

هههههههههه لا حول ولا قوة إلا بالله ... على كذا نقول على الدنيا السلام لا اخلاق وتفاهم شكل السوق مخربها

ياشيخ والله ماعرفنا نقول ولا جمله على بعضها ولده اشغل ام ام ام ام امنا
يطامر ويتكمبس ويراكض واحنا نمسك بيالاتنا وفناجيلناوالزمازم
خايفين لا تنكب
وهالبزر تقول مشبك في كهرب 220
وابوه في قمة بروده لا يهش ولا ينش
ياناس طلعت من عنده وان ميت من القهر وتوتير الاعصاب
والله اني نوبت اصفق بالبزر بأحد جدران المجلس في غفله من ابوه لكن
خفت انه يزعل لا اذا عرف بعدين

هههههههههههههه عساك بس قلت ماشاء الله .. لا يصير الوليد مكتف هالحين امزح معاك