بسم الله الرحمن الرحيم
زول في العمل يسولف علينا يقول ساكن بالدخل المحدود وايجار شقته
(المبنيه يوم دخل الملك عبدالعزيز الرياض)
ب 8000 بالسنه
جاء المؤجر امس وقاله ب 18 الف تبي ولا اطلع
(لعنبو دارك الشقه ماتسكن به الديبان وجاي ترفع انت وخشمك)
ياجماعة الخير حتى الكوسة نسبت فوق
والبيدجان 8%
باقي له على النسبه شوي
الامور دبور
المملكه العربيه السعوديه دوله تقع
في وسط العالم القديم
يحدها من الشمال ...(سمع جغرافيا يالحبيب)
راجع كتاب جغرافيا رابع ابتدائي (أ)
الخلاصه اكثر مافيها ايش؟؟؟
التراااااااب
والبراااان (جمع بر)
ابفهم شي واحد بس
سعر المتر السكني ب 1000 ريال و800 ريال لييييييش؟؟
على ويش يالحبيب وين انت رايح
شايفنا دبش عند ابوك؟
لاويقولي امس المتر ب 850 سوم
وتراه مهوب بعيد
لو فرقت السوم شوي بيعطيك
ارتااااااااااااااح يابو الشباب
تبيع ب 50 المتر ولا تقلفع لاهلك
المواطن اللي دخله 4000 ريال شهريا
ويوفر نص راتبه عشان يشتري ارض 400 متر
يبيله 13 سنه عشان يفكر يشتري الارض
وسنه عشان سعي مكتب العقار
و 30 سنه عشان يبني
خخخخخخخخخخخخخ
تدرون وش مشكلتنا حنا هنا ؟؟؟
مشكلتنا ان 10% من الشعب يملكون 90% من كل شي
و 90% من الشعب يتسلفون و يشترون من هال10%
وهذا يؤدي الى ان 10% يتحكمون بسعر اي شي وكل شي
يرفعون ينزلون على كيف كيفهم ولا احد ينافسهم ...
لييييييييييش؟؟
انا اضرب لك مثل
فلان الفلاني (بدون ذكر اسماء)
والنعم
وكيل الموز بالسعوديه
يبيع الكرتون ب 40 ريال مثلا
يجي واحد من الشباب يبي يترزق الله
ويجيب له كم شحنه موز طالع الكرتون عليه ب 25
وينزله للسوق ويعرض الكرتون ب 40
يجي الاخ المكوش على السوق (فلان الفلاني)
يعرض كراتينه ب 20 ريال للواحد
طبعا الاخ الشاب اللي فوق يبي ياكل هواء
(وممكن ياكل الموز حقه لانه مايقدر يبيعه)
واذا تأكد ملك الموز ان ابو الشباب انهار وقضي عليه
رجع ورفع الكرتون ل 60
--------------------------------------
مبروك ال 5% علينا جميعا
بس انتبهو بعد 3 سنين راح تنشال
احمدوا ربكم على الاقل 3 سنين بركه
غيرنا مساكين ماحصلو الا 70% ثابته
شف مصايب غيرك تهون عليك مصيبك يارجال
اجل 70% زياده ثابته وش ذا الكلام (فسق)
لاحول ولاقوة الابالله
وعند الله تجتمع الخصوم
المفضلات