جنازة السوق

[المعتضد]

قولوا لبوتركي يجي يمسك الســــــــوق ****** دام الذي ياليه عجز ٍ يديـــــــــــــره
نار المضارب عندنا تشفي العــــــــــوق ****** وجنة هل التدبير نار ٍ عســـــــــيره
السوق ستره ياهل العرف مشقـــــــوق ****** والناس لجت والمواري خطــــــيره
سوق الفلس حدَّر على الناس من فـوق ****** مات الضعيف و طاول الذيب سيره
صاح الضعيف وحارس السوق ملحوق ****** وإستسلمت قواتنا ابلا ذخيــــــــــره
سوق الفلس فوق التعاريض مشـــنوق ****** صَلَّوا عليه الناس عقب الظهــــيره

[المجازف]

أقف تقديرا وحباً أخويا لك ولقلمك

أنت لست نبض المنتدى فحسب بل نبض الملايين

أخوك
المجازف

[الفريد]

رائع

كل بيت من ابياتك ينبض بمشاعر المتداولين

سلمت اخي المعتضد

[fsghamdi]

قولوا لبوتركي يجي يمسك الســــــــوق ****** دام الذي ياليه عجز ٍ يديـــــــــــــره
نار المضارب عندنا تشفي العــــــــــوق ****** وجنة هل التدبير نار ٍ عســـــــــيره
السوق ستره ياهل العرف مشقـــــــوق ****** والناس لجت والمواري خطــــــيره
سوق الفلس حدَّر على الناس من فـوق ****** مات الضعيف و طاول الذيب سيره
صاح الضعيف وحارس السوق ملحوق ****** وإستسلمت قواتنا ابلا ذخيــــــــــره
سوق الفلس فوق التعاريض مشـــنوق ****** صَلَّوا عليه الناس عقب الظهــــيره

وصفت فأبدعت

صح لسانك

[المعتضد]

أقف تقديرا وحباً أخويا لك ولقلمك

أنت لست نبض المنتدى فحسب بل نبض الملايين

أخوك
المجازف

أحبك الله الذي أحببتنا فيه. ورفع الله من قدرك وأجزل لك المثوبة والعطاء.

جزاك الله كل خير وبركة على مداخلتك الكريمة وكلماتك المضيئة.

وفقك الله وحفظك من كل شر

[خالد الفهد]

آه ... يا معتضدنا ... آه

بيننا و بينهم سيدنا و سيدهم

بيننا و بينهم الله

[المعتضد]

الفريد

سلمك الله من كل شر ورزقك كل خير. جزاك الله كل خير وبركة.

fsghamdi
صح بدنك. جزاك الله كل خير وبركة.

خالد الفهد
كفاك الله من الـ آه، وفتح لك أبواب الخير والبركة في الدنيا والآخرة.
ومن أعدل من الله حكما. سينتصر للمظلومين يوم لا ينفع مال ولا بنون.
جزاك الله كل خير وبركة.

[ولد صالح]

رملا تجيب الدمع من مزنة الموق ... تبكي على اليتمان الله يجيره
والطاق في ذا الوقت خلوه مطبوق .... ناظر كثير الشعب شال الجبيره
ياللي ظلمت الناس تراك مسبوق .... الظلم تاباه النفوس الكبيره

[ghenaim]

السرق واضح يجمعونه بلا عوق=== باشراف من حيّد عن الحق سيره
ولاه ابو متعب يبى مسكة السوق=== من سارق يسرق بوسـط الظهيره
اموالنا صارت نفل حـــق مطبوق===لغاراتهم صرنـــا مــلاعب وعيـــره

[ولد صالح]

وش ينبغا بالمال لا صار مسروق ... يقطعك يا مال ن جهنم مصيره
راعيه بين الناس ممشاه مطفوق ... والله هو العالم بخاف السريره

[فلوط]

قولوا لبوتركي يجي يمسك الســــــــوق ****** دام الذي ياليه عجز ٍ يديـــــــــــــره
نار المضارب عندنا تشفي العــــــــــوق ****** وجنة هل التدبير نار ٍ عســـــــــيره
السوق ستره ياهل العرف مشقـــــــوق ****** والناس لجت والمواري خطــــــيره
سوق الفلس حدَّر على الناس من فـوق ****** مات الضعيف و طاول الذيب سيره
صاح الضعيف وحارس السوق ملحوق ****** وإستسلمت قواتنا ابلا ذخيــــــــــره
سوق الفلس فوق التعاريض مشـــنوق ****** صَلَّوا عليه الناس عقب الظهــــيره

ترى حقوق الناس تبغالها احلــــوق*****لاترجي من الذيب عطف وبريره

اللي وصله العلم ضاري على البوق*****الخصم قاضي وانتبه لاتشــــيره

هذا الزمن مافيه سارق ومســروق*****كلن على ماشوف ينهب عشيره

حتى البزر يسرق حلاوه من السوق*****وابوه لاشافه يكمّل مســـــــــيره

قانونها ضايع ولافيه منـــــــــــطوق*****جار الولي والوالي الله يجـــــيره

[المعتضد]

رملا تجيب الدمع من مزنة الموق ... تبكي على اليتمان الله يجيره
والطاق في ذا الوقت خلوه مطبوق .... ناظر كثير الشعب شال الجبيره
ياللي ظلمت الناس تراك مسبوق .... الظلم تاباه النفوس الكبيره

الظلم ساق الخلق يا سيدي سوق ***** والعبد يجهل، بالمعاصي، مصـــيره
الله يعدل الحال، والرزق ملحـوق ***** مير البلا زار الخطا كل ديــــــــــــره

[المعتضد]

السرق واضح يجمعونه بلا عوق=== باشراف من حيّد عن الحق سيره
ولاه ابو متعب يبى مسكة السوق=== من سارق يسرق بوسـط الظهيره
اموالنا صارت نفل حـــق مطبوق===لغاراتهم صرنـــا مــلاعب وعيـــره

ترى الوزاره وزرها يابعدي طـــوق ***** وحمولها يوم التقاضي عسيـــــره
بين النفل والفرض ضيعت أنا النوق ***** والسوق أشوفه نازع الرب خيره

[أ. العربي]

لا فض فوك ..

نبضٌ في وقته ..

وفقك الله و اسعدك بالدارين يا غالي

[طايل]

الــــعـلم واضـح والامـر جــاي من فـوق ،،،،، اسرق مدام العين ترقد قريره
شـفـنا الخـطر وانهب قبل يحـكم الـطوق ،،،، على البلد وتصير مثل الحضيره
بع في العقار وبع في الاسهم سعر سوق ،،،، واكنز ذهب ورح للبلاد المجيره

[المعتضد]

ترى حقوق الناس تبغالها احلــــوق*****لاترجي من الذيب عطف وبريره
اللي وصله العلم ضاري على البوق*****الخصم قاضي وانتبه لاتشــــيره
هذا الزمن مافيه سارق ومســروق*****كلن على ماشوف ينهب عشيره
حتى البزر يسرق حلاوه من السوق*****وابوه لاشافه يكمّل مســـــــــيره
قانونها ضايع ولافيه منـــــــــــطوق*****جار الولي والوالي الله يجـــــيره

مافيك حيله يافلوط.


الله يجير، وكل مطلوب ملحوق ****** وحق الضعيف الله يجيبه بشيـره
قانونها بأمر الولي ينرفع فوق ****** تشرق لنا شمس النهار السفيره

[المعتضد]

لا فض فوك ..

نبضٌ في وقته ..

وفقك الله و اسعدك بالدارين يا غالي

جزاك الله كل خير وبركة.

دائما ما تتحفونا بمواضيعكم القيمة، وتحليلاتكم الدقيقة، ونصائحكم الجليلة.

أسعدك الله دنيا وآخره، ورزقك من حيث تحتسب ومن حيث لا تحتسب.

[المعتضد]

الــــعـلم واضـح والامـر جــاي من فـوق ،،،،، اسرق مدام العين ترقد قريره
شـفـنا الخـطر وانهب قبل يحـكم الـطوق ،،،، على البلد وتصير مثل الحضيره
بع في العقار وبع في الاسهم سعر سوق ،،،، واكنز ذهب ورح للبلاد المجيره

العدل والإحسان ياتيك من فــوق ***** والنصح والإرشاد لأهل البصـــــيره
يرفي أبو متعب ليا بانت اشــقوق ***** ويجبر اكسور اللي اعظامه كسيره
حنا بلانا من عبث بأوسط السوق ***** اللي غدر يومٍ عطا الشيخ خيـــــره

[abosamar]

بيض الله وجهك

[البدراني]

ابدعت ياشاعرنا وفالك التفليسه مع راعي السيولة الساخنة اللي حاط كل الاحتياطات لمراقبتها مثل خوينا صاحب كافة الاحتياطات لمنع اي انهيار
>>>>> ايه هين بنبطي عظم مع الفريق الاقتصادي يمال الدرجة الاولى اللي تغيبه عن الممتاز
بلاوي وانهيار كل سنة ويقولون عندنا احتياطات
اسمح لي بهالشخابيط معكم
وش الجديد ياسيدى لاصرت مشنوق الجديد اني سالم من نجس الجزيره
عوايد سوقنا بعدها يهزنا الشوق نرمي فلوس تطعمها حمير الحظيره
مشنوق(متعلق)
حمير الحظيرة(هوامير الفلس)

[alwafiamigo]

لاقال المحلل رجال السوق مشنوق *** ولا له دبره ولا تدبيره *** الراى إنك تزبن لك بصندوق *** وتترك الباقى لمدير يديره

[البدراني]

خلوها مصدق نفسه راعي الشخابيط
انت ما سمعت عن حال هل الصندوق بعضهم خسران اكثر من راعي التدبيره
بعضهم اشترى من مدمن البوق بتخطيط(ن) مع اكبار حمير الحظيرة
اسال رائد واصايل صجت السوق وشف حالهم حال من اعظامه كسيره

quote=alwafiamigo]لاقال المحلل رجال السوق مشنوق ************ ولاله دبره ولا تدبيره الراى إنك تزبن لك بصندوق وتترك الباقى لمدير يديره[/quote]

[طايل]

العدل والإحسان ياتيك من فــوق ***** والنصح والإرشاد لأهل البصـــــيره
يرفي أبو متعب ليا بانت اشــقوق ***** ويجبر اكسور اللي اعظامه كسيره
حنا بلانا من عبث بأوسط السوق ***** اللي غدر يومٍ عطا الشيخ خيـــــره

اللي يسوق الباص مايعرف يسوق ،،،، الراي دايم ياخذه من شويره

لنا ثـلاث سنـين شفنا بـها الـعوق ،،،، الوقت غير وجهته مع مسيره

دامك عقيد القوم لاتصير مفهوق ،،،، وتخلى الحنشول يشعب بعيره

[ثائر]

ياليت من يسرح وحيد مع النوق،،،،،،،،،، ويبعد عن السرقان عمي البصيره
ويحط ما خلو معه وسط صندوق،،،،،،،،،، والظاهر انها ما تعـشي بعيره