بسم الله الرحمن الرحيم
والله كل الي بالقصه صحيح والله خير الشاهدين
هذه قصتي مع مركز سليمان الحبيب الكائن في طريق الملك فهد بالرياض
طبعا انا حجزت موعد مع الدكتور جاسر الحربش قوالوا لي المواعيد ماراح تلقى موعد الا بعد شهر تقريبا قلت اوكي عادي انتظر وسئلت حق المواعيد قلت هل الدكتور الحربش داخل بالتأمين قال لي نعم
المهم بعد شهر جيت لموعدي كانت الساعه تسع تقريبا الصباح وطبعا مستاذن من العمل المهم يوم رحت قبل ما ادخل عليه قلت للي في الاستقبال هل هو داخل بالتامين قالت ايه وخذت مني قيمة نسبة التأمين الطبي المهم انتظرت موعدي الي كان الساعه 9 ونص ولا دخلت عليه الا الساعه 11 ونص يعني بعد ساعتين قلنا ماعليش يمكن هالمره ماسوو تنظيم بالمواعيد
يوم دخلت عليه قابلني الدكتور جاسر الحربش استشاري باطنيه بشوفت نفس مو طبيعيه كني اشحذ منه قال انت من تبع التأمين؟
قلت له ايه قال انا قايل لهم قبل اسبوع مابي اي واحد من التأمين
قلت وانا وش ذنبي يا دكتور تمنع ذا الشي قبل سبوع مع اني ماخذ موعد قبل شهر وقبل ما ادخل لك قالوا انك تبع التأمين ولا ما اجلس انتظر ساعتين
قال شركات التامين يعاملوني كني طفل يقيدوني بالتحاليل قلت لا خذ راحتك خذ اي تحليل تبيه او كشوفات الشركة عندي تغطي طبعا هو يكذب مو علشان كذا
قال لا ما راح ارضخ لهم اصلا شركات التأمين تبول علينا ؟؟؟؟ مع احترامي الشديد للي يقرا موضوعي بس حبيت انقل لكم الصوره كما هي و قلت دكتور والله عيب تقول ذا المصطلحات ماتليق بواحد مثلك دكتور قال لا انا معي مشاكل معهم
قلت فيه لجان قضائيه تحل مشاكلك معهم المريض ماله ذنب قال كيفه المريض يبي يدفع كاش حياه الله ولا يشوف له اي دكتور ثاني بالمركز
الرجل هذا ماااااااااااااادي لابعد الحدود
انا تنرفزت من اسلوبه لانه اسلوب واحد سوقي وكلامه كلام واحد من الشوارع انا طلعت منه رحت لمسؤول التامين بالمركز على ما اتذكر اسمه العبودي
رجل متفهم ومتعاون لابعد الحدود
قال ايه هذا الدكتور غاثنا من زمان ؟؟ وهذا تصرفاته
طيب وش يجلسه بالمركز والله يبي يشوه اسم مركز سليمان الحبيب الي بناه من سنين
قال اختار اي دكتور اجيب لك موعد باسرع وقت
بس السؤال هنا هل وصلت بالدكتور جاسر الحربش انه يتلفض بكلمة يبولون علينا ؟ وخل المريض يروح لدكتور ثاني ؟
ولا ياخذ اي عقاب على كلامه؟
|
 |
 |
|||
 |
 |
||||
رد مع اقتباس
المشاركة الأصلية كتبت بواسطة الطاروف
المفضلات