عضو مميز
أما اليوم جنان طبعاً فيما يخص المؤشر ...
عني أنا دخت من كثر التمرجح شكلهم يجربون لياقتهم وقوتهم ونذالتهم ...
مؤشر ينزل بهالقوه ويرتد بهالقوه وشركات على طمام المرحوم ..
وش السواة نتمرجح بالحلال كله معهم بشركات المؤشر والأ نقضب أرضنا ..!
عقبال ماتتمرجح شركاتنا بدون مؤشر ..
التذبذب اليوم أزين من النسبه المفتوحه بس ياحلالاه المؤشر يباع ويشترى كان علوووم ...
عضو
ها ها ذكرني بجدتي الله يرحمها يومها تقرص قرصان
هالعجينة ياماراحت يمين ياما راحت يسار ..
دخت اليوم من هالمؤشر ..
موقوف
هههههههههههههههههههههههههههههههههههههههههههههههههه هههههههههههههههههههههههههه
عضو قدير
ياهلا بك يا ابا محمد
هذا مؤشر سوق قرع مهب سوق مال
افتكينا من المملكة ولا كان اعلوم
موقوف
المشاركة الأصلية كتبت بواسطة كحيلان
هذا فلم عادل امام اللعب مع الكبار
موقوف
عني انا لفت نظري الاخ هاي كلاس بتوصيته في دار الاركان شفت شموعهم زينه على اليومي وفاصل الساعة و30 وطربحت معهم في الدار كان الدعم 72 وصلوا 76 ثم تكرفسوا الى 72.75 وقشعنا معهم بشويت خردة حقت الهبدات وابشرك قشع ابو الشباب الى 76 وقفل 75.50 .
السهم اللي بغيت اصيح منه اليوم عسير مراقبه ويوم انشغلت بالدار طاروا العسيرية ماشاء الله عليهم
اما سالفة 350 تذبذب ماعليش التويجري يسمع بالسيولة الساخنة ولايعرفها
أبو عبدالله
هلا وغلا كحيلان
للجنون فنون وهذه سابك يا حبيب قلبي سمعت أنه يقولون عنها تصريف قلنا مايصير تنزف بدون تجميع
المؤشر تزحلط يا أبو محمد ، خشاشنا أن شاء الله نبي رفسة العافية تجي أن كان تذكرها هههههههههه .
عضو مميز
الغالي كحيلان
والله اني كنت ناوي أكتب موضوع عنوان ( مؤشرنا مرجيحه ) لكن ما شاءالله عليك قلت اللي بنفسي وزيادة
تتوقع تفكيري وتفكيرك صار بينهم اندماج أو استحواذ طبعا انا خشاش وانت قيادي
عضو
ههههههههههههههههههههههههههههههههههههههههههه
عضو قدير
هلا اخوي كحيلان
اليوم تمرجحنا معهم على خفيف
لكن اخوي كحيلان كيف يكون التمرجح بدون مؤشر
ممتع ؟
اخاف يكون مثل التمرجح فى المرجيحة بدون حبال
عضو
هلا والله كحيلان والله اخوي صدق دوختنا هالمرجيحه تمرجحنا لين دارة روسنا ولا درينا نبيع والا نشتري ............ واخرتها ما حصلنا الا الوخه وتعب الاعصاب مع الروحه والجيه فكينا عسير وطارت ههههههههههههههههه من الدوخه
عضو مميّز
مزيان المضاربه بالتذبذب و كريم المؤشر بالتنطنط
تحياتي للجميع !!
عضو مميز
AL_ZAMIL :
ههههههههههه وصف دقيق مستنبط من الواقع ... رغم أني أحب القرصان لكن مدري وشلون يسوى ...
المستثمر الصغير :
جعل هالضحكه دوم وجعل السعاده ماتفارق محياك ...
عروق الشمال :
المهلي مايولي يابعدي ... والله أنك صادق لكن اللي يحصل عملية إستعراض وزعزعة أمن السوق الله يفكنا من شرهم ...
أخو سلمى :
عز الله أنك صادق اللعب مع الكبار .. والدليل الشركات المتحركه كلها شركات مؤشر ..
البدراني :
هلا وغلا أبو بدر وعسى الله مايحرمنا هالطله الحلوه ... وعن توصية هاي كلاس هذاه عندك أعصره وشف العلم منه وخلنا نعرف وش حنا عليه ولاتنسانا من رسماتك الحلوه البهيه ... ونصيحة لاتندم على مافات فسوء التقدير بالخروج أو الدخول يحكمه توفيق رب العالمين قبل كل شي فرزقك مكفول منه سبحانه وتعالى وماحصل لك فهي مسببات وعسى الله يوفقك ويرزقك من حيث لاتحتسب ...
H-algadi :
هلا بالسوبر ستار أبو عبدالله ... جبتها بالملي ماشاء الله عليك بالنسبه لسابك وفار الدقيق , عموماً وش السواة مع المهابيل اليوم كرروها .! بعدين فيه منتج عربي بهوليود يسألني كيف التعامل معاك بالمشهد والأ بالفلم "قطوعه" لأنه بينتج فيلم ورشحك للبطوله ...!
هاي كلاس :
الحبيب والغالي تركي .. الأرواح جنود مجنده ... وتوافق التفكير معاك شرف لي جعلك تحيا ... وبيني وبينك أنت حطيتني بمكان قيادي لاأرغب فيه لما يملكه القيادي من سمعه سيئه وأنت خابر وأنا أخوك ... عموماً معذور لو ماتعذر ... وتراني ورطتك مع أبو بدر البدراني بدار الأركان عط الرجال الزبده ههههه ...
السديراوي :
جعل هالضحكه دوم يابعد قلبي وجعلك الفرح والسعاده دوم معاك ...
مضارب حنون :
هلا وغلا بالحبيب .. الله يوفقك ويرزقك من حيث لاتحتسب ... والمحاوله كويسه بشرط أن تخرج بنتجيه سواء أنك تعلمت المضاربه معهم بالقيادي أو إستفاده ماديه وربح جيد وتستاهل كل خير ... عطنا آخر أخبارك مع التمرجح ..!
راعي الذهب :
يالله حيه وأبقه وبارك به ... وسلامة راسك من الدوخه يابعد قلبي ... وأنا كنت أحسب أني لحالي اللي دخت أثاري الجميع مثلي ... عموماً لاتشيل هم وخلك مستعد لأي طارئ تراهم مالهم أمان وهذي رساله منهم لنا والله أعلم ...
عمار :
حي الله عمار نورتنا .. ورجاء خاص تراني مره دريت بكلمتين مغربيه على موضوع لمتدرب وجاني توبيخ من المسؤلين بالبيت شديد اللهجه لدرجة أنك قلت الظاهر أن المعرف مسروق ... فأنتبه لنفسك ...
عضو
يعطيك العافية
عضو
تبي يبو محمد تبيع وتشري مؤشرات بسوق ثاني أبشر، عندنا نبي منهم الشفافية فقط ترانا قنوعين .!!
مشرف
ماقل دل وزبدة الهرج نيشان.
يعطيك العافية يبومحمد.
عضو مميز
تمرجح يا مؤشرنا تمرجح
200 نقطة فوق و100 تحت
100 تحت 50 فوق
140 تحت
الله يستر من المرجيحة
عضو قدير
كـــــــحيــــــــلان الــــــــــــــــــخـــــــــــــــــــــــــــــ ـير ...
مساك الله بالخير ..
بشر عنك يابومحمد تراي مقصر معك بس
ادري المعزه بالقلوب .......
ام بالنسبة للمرجيحه فهي فرصه من فرص السوق
من يحسن التعامل معها ويكون قنوع فهو بإذن الله سيجني
ثمارها .........
لك خالص مؤدتي واحترامي ...
عضو مميز
هلا وغلا أبو محمد ... يسعد أيامك
يقولون أدخل على خفيف بداية من اليوم ... وش رايك ؟
وعينك على زجاج 57 الآن ... شكلهم ناوينها ...
موفق
عضو مميز
صافي النيه :
الله يعافيك ويبقيك ويخليك لعين ترجيك ...
سقراطون :
هههههه أي والله أنك صادق بعد قلبي , حقك وهو حقك مهوب لك بهالسوق والإداره حقته .. بس الله كريم وأنا أخوك ويعوضنا خير من ماراح ...
Stop Loss:
هلا وغلا أبو سعد ... والله يعافيك ويسلمك من كل شر ...
هاي كلاس :
هههههه بشرني عنك دوخوك والأ لسا ..! بس حلوه تمرجح يامؤشرنا تمرجح ... بصراحه هالصناع عرابجه وماينعطون فلوس ..
ناوي خير :
هلاااا أبو فهد يالله حيه وأبقه ... ومعذور وأنا أخوك لو ماتعذر وأنت عزيز وغالي ... هالسوق ماعاد خلا لنا وقت إن صك قعدنا نهوجس وأن فتح دوخونا فيه ... وأبشرك أموري زينه بفضل الله والحمد لله رب العالمين ... والمؤشر في مثل هالأوقات رح دور على اللي يلعبون فيه بالمؤشر وألعب معهم وبنفس طريقتهم والله يوفقك ...وأبشرك شريت بثمار بناء على توصيتك هههه ...
>>> عنفوان <<< :
هلا وغلا ومرحبا أبو مشاري وين ذا الغيبه وأنا أخوك ..! 2150 يعيبها فيها ناس كانوا بالبلاك ليست عند المتعاملين وهذا اللي يخليني " أجض " عنها شوي لكن ماعقب حكيك حكي ببدا أطقطق معهم نجرب اللياقه أول وبعدين نشري مثل العالم ... ومشكور بعد قلبي ...
عضو مميز
ياجماعه قبل شوي مهوب كان المؤشر فوق 120 أخضر والا أنا غلطان ورديت على موضوعين ورجعت لقيته أحمر والحين 77 أخضر ..!
بشغلهم هذا ماراح أثق فيهم قبل الأحد الجاي غيره بشتغل على ربع ونص وبتمرجح لين يركدون ...
بصراحه ماحاس السوق الأ صغار المتعاملين وخصوصاً اللي يرشون ويعرضون ويسحبون بسابك والراجحي بكميات بسيطه فوق الـ50ألف سهم وتحت 100ألف سهم ...
ونصيحه قسموا مبالغ الـ5% الزياده على شركات النمو والفائض خلوه للتعديل لو صار ماصار لاقدر الله ...
موقوف
التمرجح حلو يا كحيلان
عضو
بارك الله فيك
أبو عبدالله
هالمؤشر يا أبو محمد
مثل اللي يتخبطه المس كفانا الله شره
مع سوقنا مش حتقدر تغمض عينيك
سابك والراجحي خشاش السوق
ضوابط المشاركة
رد مع اقتباس
المفضلات