أمحق مضارب .. المؤشر مرتفع ( 350 نقطة ) وخسرت ..الخطأ مني او من السوق ؟

**ستلايت** · 11-12-2007, Tue 12:13 PM

الله من زين المضاربه والفهلوه

اليوم شريت سهم كالعادة ومع كل صباح جميل
واحياناً يصير الاختيار موفق ونربح
واحياناً الاختيار غير موفق ونخسر مثل غيرنا

لكن انك تشتري سهم ما ارتفع من شهر
ويصير المؤشر اليوم اخضر بحوالي 350 نقطة
مع هذا تخسر ريال كامل

فهذي اللي ماقد مرت علي !!!!!

فهل الخطا مني او من السوق الغريب العجيب ؟

**مراقب عمليات** · 11-12-2007, Tue 12:15 PM

يا اخي اشتر في المؤشر وريح راسك

:d

**جراند** · 11-12-2007, Tue 12:16 PM

لا يصير السيارات..!!
على العموم الخطاء على نوع المودم عندك..

**anasmh** · 11-12-2007, Tue 12:18 PM

اكيد المتطوره

**ستلايت** · 11-12-2007, Tue 12:31 PM

اخاف اعلمكم بالشركة ثم تعتبرونها توصيه

لكن تراها زراعية وتبعد عن الرياض 400 كيلو

**أحمد عبدالله** · 11-12-2007, Tue 12:34 PM

المشاركة الأصلية كتبت بواسطة ستلايت

اخاف اعلمكم بالشركة ثم تعتبرونها توصيه

لكن تراها زراعية

لا تعاكس الاتجاه ابدا

الزراعيات لها فتره مهمشه

انت كمضارب ابحث عن السيوله اما مستثمر فهذا شي اخر

**azeiz** · 11-12-2007, Tue 12:36 PM

الخطأ من خطة اللعب ..

لازم تكون هجومي ولا تركز على الضعوف

**ستلايت** · 11-12-2007, Tue 12:36 PM

ماعاكسنا الاتجاه يابو عبدالله
لكن قلنا دام السوق اخضر وحليو
خلنا نكسب نص ريال على الاقل

وشفتك ولاشفت ربع ريال حتى ..

**خشاشي** · 11-12-2007, Tue 12:38 PM

سيم سيم ياصاحبي..
اشتريت سهم يوم كان المؤشر تحت الـ9000
وشف كم هوبُه المؤشر الحين.. ومازلت ابي راس مالي وتوبة.

**amalgulf** · 11-12-2007, Tue 12:44 PM

البحري وبعناه امس على النسبه
اليوم والله مثلك ياستلايت شرينا زراعي واتخسبقنا
بس شركتي تبعد عن الرياض 2000 كم جنوبا والله يستر

**ضربه حظ** · 11-12-2007, Tue 12:45 PM

المؤشر يرتفع واسهمي تنخفض .؟؟؟؟

مكــه _ بدجــت

سؤال من واقع تجاربكم

لو اشتريت في اخر السوق الاسهم الاكثر خساره . هل يعقل تخسر يومين متتاليين في ظل الارتفاعات ..؟؟؟ لوافك تعليقتي كان طبقتها .

والله اني كل يوم افكر فيها . واشوفها ناجحــه نظريا بس على المحفظــه ما جربت ..

اش رايكم