الأخ ابو عناد مع اني غريب بالمنتدى نوعاً ما يعني مالي صدقات أو أحزاب فأنا لا أعرف الشخصين الي ذكرت برقا الحيا أو مراقب البورصة لكن من باب التوضيح وأحترام الناس ابي أحشر نفسي بالنسبة لك يابو عناد لو كان كلامك صحيح المفروض تكتبه بصورة ثانية لأن الي يتابع المنتدى شرائح مختلفة المثقف والعامي والمحترم والمغرض والعصبي وسيء الظن ووسيع الصدر ...........الخ
فكتابتك للموضوع تحتاج صياغة جيدة ... مثلاً بعض الناس يقول هذا فرحان بخاله الهامور .و بعضهم يقول جزاه الله خير ماسكت وخلا الهوامير يصرفون علينا الرجال ناصح لنا. وأنت السبب الرئيسي لكتابتك الموضوع ماتبي الناس تعلق فالأسلوب مهم ولو قلت ما همني أنا ابنصح والناس بكيفها لا توصيل المعلومة مهم .
ثانياً برق الحيا ومراقب البورصة الصراحة ردكم فيه الكثير من حضوض النفس والسخرية والتهكم وكان بقدرتكم التوضيح للرجال بغير ها الأسلوب وهذا يرجع على المنتدى فأنا لاحظت أن أي أحد يكتب ويكون فيه مجال للضحك والسخرية تحصل الشباب يتحمسون وتكثر الردود صح سعت الصدر والنكت مطلوبة بس على الي تمون عليه ماهو على كل أحد ..
هذي نصيحة عامة لي ولكل الأخوان والسلام عليكم،،
المفضلات