عضو مميز
الله يحلل صاحبى مع عذابـــه ***** هم الهوى ارحم ولا هم ها السوق
بالسوق كنى عايش مع ذيابه ***** ان كنت سالم تطلع اليوم مفلـــــوق
كلن مشهر وفاتحن لك نيابــه ***** جوعان مدرى عجلن ومطفـــــــوق
والا الهوى بعيش بدق الربابه ***** وأتذكر المجمول بالحسن والــذوق
واتذكر ايامه ومحلا شبابــــــه ***** راعى العيون الفاتنة راعى الموق
عضو
بالسوق كنى عايش مع ذيابه ***** ان كنت سالم تطلع اليوم مفلـــــوق
صح لسانك اخوي الكاشف ..............
عضو قدير
السوق ياصاحبي ولى شبابه*** ولا يدخله هالحين كود مطفوق
يازين منه تعلم للربابه*** وقطع كل مايوصله بالسوق
مير البلا حنا نشبنا نشابه*** مايفكها ذاك راعي الموقيبغى لها صبر لمن ابتلى به*** صبر جميل على اهل البوق
خلك شجاع وعارك الذيابه*** واخرتها لازم تذوق( مرقوق)
حبينا نشارك اخونا الكاشف وعذرا
على ركاكة الأبيات
عضو مميّز
& ما شاء الله شاعر مبدع يا الكاشف &
عضو مميز
السوق يبلي كل من دق بابــــــــه ***** عزي لمنهو صار بالسوق مســــروق
بغى المكاسب، وأختلى من ثيابـه ***** وأصبح من الديان بالسوق ملــــحوق
يالله يامنزل أمزون السحابــــــــه ***** إنك تعوض راعي المال والنـــــــــوق
وتشبع مضارب يدمي الخلق نابه ***** كوده مع أضعوف العرب يلعب ابذوق
عضو مميّز
اخوك ضيع مثلك احلى شبابه ====مع عزته عقله من الزين مسروق
كنى بوسط السوق فى وسط غابه=== مابين وحش وقرد عاداتهم بوق
عضو
المشاركة الأصلية كتبت بواسطة الكاشف
يالكاشف المكشوف عقلك غدابـــــــــــه****راعي ثمان(ن) لونـــها لون غرنوق
بينه وبين السوق شي(ن) تشـــــــــــابه****اما سرقته قبل والا انت مســــــــروق
الكل منهم في عذابه حســـــــــــــــــابه****طرّادهن دايم على الحبل معلــــــــــوق
بقبالهن شفت الخضار ابزهـــــــــــابه****وبقفايهن كنك من الموت مخـــــــــنوق
هذي هي الدنيا نهيــــــب ونهــــــــــابه****واحذر تكون ابلقمت العيش ملحــــوق
عضو مميّز
ما شاء الله هلت الشعار.........
موقوف
سجنت الأسهم فى سجون العراقي **** ابو غريب اللى تعذب به الناس
من عقب ماكثرت براسى فلاقى ***** فى معظم الحالات خاويت أناالياس
كل عطانى فوق خــدى طــراقى ***** وعقب المعزه قمت أسوبى مع الساس
متوهق / مجلة اليمامه
عضو
تـــوي عرفتــك سالما"مـــن عذابه **** لوا هني قلبك سليما" مـن الـــبوق
سهم الهوى يا صاح خطرا"مصابه**** سهمه صويب ويشلع القلب بعروق
قلبــي صويب وراح عمري وشبابه**** عطني هنا عمري وفدوا له السوق
والـذيب ياللـي مشهرا"لــك نيابـــه **** عزي لحاله آخر الســوق مفــلوق
عضو قدير
كلن مشهر وفاتحن لك نيابــه ***** جوعان مدرى عجلن ومطفـــــــوق
صدقت نعم هذا حال المضاربين
عضو
صح لسان كل واحد فيكم وأدخل الله عليكم البهجة والسرور
أجل ودنا والله بقسم للشعر الشعبي في أعمال الخليج
بس يالكاشف المرة القادمة خل العنوان يدل على ان فيه شعر
حتى نجيك مطفين النور
والله دخلت صدفة
عضو قدير
اللي تعلق بادعج العين يابه .... اشوى من الي به طعون مخنوق
يمكن خفيف الظل يرحم جنابه .... ثم ياصله بالحب والكل به شوق
لكن هذا السوق مابه مهابه .... لاخوف من الله و لا خوف مخلوق
مشرف
ماشاء الله عليكم ..
المنتدى خفّت عليه الرقـــــــــــابه***مسموح فيه الطار والعود والبوق
وسوق الفلس ماجاب شي(ن) غدابه***والمحفظه من شافها قال مرقوق
معاد نبغي قصـــور نبغي خــــــــرابه***حتى الخراب اسعارها ولعت فوق!
عضو مميّز
بارك الله فيك....
عضو مميّز
بيت الكرم دايم يــتم اللقــا به=== وبيت البخل رده على الناس ممحوقماشاء الله عليكم ..
المنتدى خفّت عليه الرقـــــــــــابه
وسوق الفلس ماجاب شي(ن) غدابه***والمحفظه من شافها قال مرقوق
معاد نبغي قصـــور نبغي خــــــــرابه***حتى الخراب اسعارها ولعت فوق!
راعيه يدخل جنب ويصك بابه=== من خوفته انه من الخــلق ملــحوق
عضو قدير
مبروووووووووك السوق يالكاشف ..
ومن شفتك تكتب وانا حاس ان السوق زين وفعلا حدث توقعي ..
الله لا يحرمنا من طلاتك وخذ هاي النكته الحقيقية :
متداولين يبون يدشون صالة الاسهم .. فقال لهم السكرتي البستم عطلان ..!!!
-----
هو يبي يقول السستم ما عرفها وقال البستم ..
عضو مميز
من الفجر ننطر لفتحة جنابـــــــه ***** هالشاشة اللى مغلفة وسط صندوق
نبى المكاسب والمكاسب سرابه ***** صارت خساير فوق روسنا طـــــــوق
نندب حظوظ الوقت لو بالكتابـــــه ***** حتى الكتابة اليوم متعدى حقـــــــوق
هات العلوم اللى تجيب الطرابــــه ***** علوم المها يطرب لها خافقى شـوق
موقوف
ماشاء الله زانت علومكم ياشعارنا مع خضار المؤشر
وهذي مشاركة متواضعة
الحمدلله جانا الخضار وزانت علومه****** والمؤشر اضحى بدل الطاق مطقوق
عودونا الذيابة بلون ماينغازى به****** والاخضر في اكتماله نور السوق
رسمنا الشارت على انياب الذيابه ****** ولاهمنا ارجاف بوق(ن) وسروق
كان جاك ربح(ن) فعليك بزكاته ******* يحفظه لك ربي من غاصب(ن) حقوق
الفرحة يوم زادت المحافظ بارباحه****** واللبيب من حفظ قرشه من مطفوق
عضو مميز
الله من هم ٍ ابقلبي سطابـــــــه ***** من فارق الخلان يسطى به العــــــــــوق
مسعود دن البن، وأخذ الربابه ***** إبدع لِبِن لعبون، مسعود، طـــــــــــاروق
قلبي من الخلان زايد عذابــــه ***** وروحيِ غشاها من هوا صاحبي شــوق
المعتضد غنى ولا هوب آبــِـه ***** حسبي على اللي هيض القلب يا (شوق)
عضو قدير
واللة وطلعت الابداعات مع طلوع السوق
عضو
لا وا هني من شرع اليوم بابه **** ماخذ وعود(ن)بالهنا من هل الذوق
ليلة خميس والكل حاسب حسابه**** ليــله نــفرج فيها ضيقة المخنــوق
هذا المها الـيوم جــاهز اركـابه **** مبروم قــده ناعم(ن) كاشف آعروق
صافي الثنيه ما طرى اليوم جابه**** ياهو طرب ياهو دلع كيف مخلوق
عضو مميز
قلبي على شوف المها فك بابه ***** وفكري منعني وقيد الرجل بالطـــــوق
ياعين شوفي من فؤادي زهابه ***** وإستمتعي بالشوف لا سلهمت شوق
أما الوصل يحرم علينا شرابــه ***** والله يعوضنا حلال ٍ على الـــــــــذوق
عضو
انا عظـيدك بسعى لـلخير واسبابه **** ورضى المعبود هو رجى كل مخلوق
ابشر بسعدك وطــرق اليــوم بابه **** لا وا هنيه مــن تسـميــه يـاشــوق
بحلها وترشق من االريق وآحلابه **** من غيرها يطفي جمر قلب مخفوق
عضو
صح لسانكم
والله يعطيكم الصحه والعافيه
عضو قدير
يا عيني على الشعر والحكم ..
عضو
يالله ياللي مابعد صك بابـــــــه ***** دونك عبادك حقهم راح مسروق
سلط على السرقان فقرً وفاقه *** اللي خذو مال المسلمين بالـبـــوق
سلط عليهم ياعزيزٍ جنابـــــــه****واحرق لهم ياربنا كل مـــــــــعلوق
عضو مميز
الله كريم ٍ يعطي اللي لجابـــــه ***** والعبد، وإن كَثّرَوا عواديه مرزوق
ما رد رزقك من بلاك ابحرابه ***** ولا ساق رزقك والدٍ جاك بشفـــوق
يالله تهدي من غشتنا إركابــه ***** وتدمح له الزله على هجدة السـوق
عضو مميز
الحمد لله شال عنا الضبابـــــه ***** واخضر قاع السوق ربله ورقــــروق
والكل كأسه ممتلى فى شرابه ***** يشرب حليب الوضح من خيرة النوق
الله رزقنا وما عرفنا السبابــه ***** اللى يسبح له منـــــزل ومخلــــــــوق
عضو
السوق لبسوه من جديد ثيابه******* لا وصخ ولا قصير و مشقوق
السوق تغير ماعاد يندرا به******* والمؤشر يركض تقل ملحوق
ياصاحبي ياعز كل الصحابه******* ان شفت الاخضر تراه محروق
ضوابط المشاركة
رد مع اقتباس
المفضلات