فاتكم النوخذة اليوم .. وهو يلعب مع الكبار في سهم الراجحي .. صورة من قلب الحدث !

[النوخذة]

طبعا عندي الراجحي من أمس ..

شريته بعد ما بعت الشرقية على النسبة ..

- النوخذة .. تراه يطلب 113

- اصبر عليه شوي ..

- النوخذة تراه يطلب بــ 114

- أقول اصبر عليه شوي .. موعودين بنسبة !

- النوخذة .. تراه نزل شوي !

- .. أفا .. تدري عطه الله لا يرده !

- النوخذة .. تراه يعرض 113

- خذ منه .. اطلب منه بكامل المحفظة !

- نزل .. تراه .. وش السواة ؟؟

- الحق عليه وعطه .. ما عاد إلا هي يضحك علينا !

- قام يشيل !

- لا تشاورني .. شل معه بالـــ 115 شكله رايح !

- قام يعرض .. أعطيه ؟؟

- خير خير .. عطه .. وشف لي مبرد بكم ؟؟

- عطيناه بالــ 113 .

- ما قصرت خسارة ريالين ولا نسبة تحت !

- أطلب مبرد ؟؟

- اصبر شوي أشوف آخرتها معه !

صمت رهيب .. يعكر صفوه أنامل الوسيط على كيبورد الراجحي تداول .. وفجأة ..

- قام يلقط ..

- أجل القط معه .. بألــ 115.75

- نعطيه ؟؟

- شكلك متآمر معه ضدي يهالهيس ؟؟

- أبد طال عمرك ..

- يصير خير عطني تفاصيل المحفظة !

- أحساء .. 2000من ثمان شهور .. معدنية 1000.. شهرين .. تهامة 300.. شهر .. والراجحي 320 سهم .. والمحفظة بالماينص طال عمرك ..

- أدري أدري .. ماوراه خير .. لا هو .. ولا منحته .. ولا تداوله .. ولا بروكراته .. بكرة .. سامعني ؟؟

- سامعك !

- أقول بكرة .. تكبه في وجهه .. وترجع للشرقية .. !

- أكبه بربح طال عمرك ؟؟

- لا طال عمرك .. كبّه إذا دبّل معك بكرة !

[ستلايت]

اهم شي ان المحادثة مسجله يالنوخذه
واطلب نسخه للاحتياط
ترى هيئة سوق المال يمكن تتهمك بكره بالتلاعب في سعر سهم قيادي ( الراجحي ) بعد الفاصل هذا

[سليمان الطلق]

الراجحي اليوم ابن حلال
أعطاء بسخاء

[بنت الرياض]

والله يالنوخذه مانت بسهل كل هذا صار معك علشان تخوض معركة الراجحي , اي والله انها معركه من تداوله لين سهمه اذا طلع ابلشنا واذا نزل ابلشنا
بس اللي عاجبني في الموضوع انك كسبت التحدي مع نفسك وانتصرت اخيرا

[منظمة التجارة]

ما ودك تعيد الهجمه بالبطئ

علشان يتم التحليل الفني

واخطاء الحكام قصدي البروكرات

لا تخاف بعد كم شهر يبي يستعينون بحكام من خارج البنوك

اقول ياحكيمنا تراي عازمك بكرا على الغداء على امواج البحر الاحمر

ولا تتأخر ترا اليخت يبي يتحرك الساعة الواحده ان الله اراد او يمكن

قبل هالوقت او بعده وترا يمكن اليخت ما يتحرك ابد

ابي احط وجه يضحك ويحط لي حرف ابو كرشه هذا b

لكن مايخالف هذي بدالها ههههههههههههههه

[محفوظ الغامدي]

اترك عنك الراجحي وطب الغذائية

[B_H_R]

النوخذة

يعني ماعندك

مبرد افااااااا

[sir]

تصدق صرت اخاف عليك من الهيئه
لأنك شغال تدوير ومكشوف عيني عينك
انا اليوم شريت وبعت في سهم بما يعادل قيمة محفظتي مرتين
ولكن انا ما اعلم احد
مارايك في اللي يقولون :السوق ما فيه تدوير
وان قيمة تداول 22 مليار شراء حقيقي !!

[المحاسب المالي]

الشرقية ز ام الخير لا تسوي روحك فاهم ارباح ومدري ايش وتشتري الراجحي هههههههه

))j/k((

[ابن بطوطة]

وين جارك ابو راشد ..؟؟
المفروض انت تعرض وهو يضف والعكس رايت (صحيح) ..

[alrajel]

اخر التداول مابقى الا النوخذة وجاره ابوراشد ومضارب الراجحى فى السهم,
والمضارب صك محفظته وصار يبيعهم من محافظهم وهم على بالهم يضاربون
وسدحو المضارب من حرافتهم

[النوخذة]

النوخذة

يعني ماعندك

مبرد افااااااا

أفا عليك .. إلا والله عندي ..

بس مدري وشلون نسيته ..

شكل الكميات اللي فيه

ما تجاوزت المائتين ألف .. لذلك أهملته

[الولد البار]

خطير يا النوخذة حبيبت قلبي موبايلي مااحد عبرها

[المرن]

اخوي النوخذه
كانك ذكرت الاسهم التي في محفظتي بس زد عليها 10000 سهم في عسير و5000 سهم في سابك 50000 سهم في اكهرباء ولا هي مثلها بالتمام والكمال
اخوك
المرن

[المعمر]

هههههههه يا اخي السيناريو شدني بشكل ما تتصور يا النوخذه

تسدء بالله كان ودي ان معاي بوبكورنز وعلبة ببسي والنور طافي

تسولف عن محفظتك .. كـأنك تسولف عن محفظتي

اختلفت المحافظ والخسارة واحدةً ( يوجد شدة على التاء المقصوره )

يالله عسى بكره يفتح الراجحي قاب اب وتبيع على النسبه

تحياتي

[alrajel]

هههههههه يا اخي السيناريو شدني بشكل ما تتصور يا النوخذه

تسدء بالله كان ودي ان معاي بوبكورنز وعلبة ببسي والنور طافي

تسولف عن محفظتك .. كـأنك تسولف عن محفظتي

اختلفت المحافظ والخسارة واحدةً ( يوجد شدة على التاء المقصوره )

يالله عسى بكره يفتح الراجحي قاب اب وتبيع على النسبه

تحياتي

الله يوفقه ويوفق جاره ابوراشد,انصحه يحتفظ بسهمين لتعطير المحفظه اذا كان عنده سافكو اوالغاز فيها

[Saads]

يالنوخذه خل عنك اللف والدوران كلامك مغلف او مبطن بشئ من الغموض ربما ترمى الى شئ.............

اقلك واريح بالى بفمى ماء

[النوخذة]

الله يوفقه ويوفق جاره ابوراشد,انصحه يحتفظ بسهمين لتعطير المحفظه اذا كان عنده سافكو اوالغاز فيها

أي تعطير الله يغفر لك ..؟؟

أسمدة .. وغاز ؟؟

[نجل الرياض]

والله حبيت ابو راشد من كثر ما اسمع عنه

ابو راشد كن صديقي