خسرت في سابك وذالحين بانعام ... والرابح اللي صام يومه وصلّى
السلام عليكم ورحمة الله وبركاته
أولا نقول عظم الله أجوركم في بيشه وأنعام
لكن أخواني ... هل ترون ما أراه من حال متردي في وضعنا المالي منذ فترة ليست بالهيّنة ؟
شركات رابحة كسابك خضنا قِمارها وخسرنا وكذلك صافولا وبعدها أسهم المضاربات نفس المشكلة..الكل يخسر.أعني الشركات.. فلماذا كل هذا النزيف !!!
أتمنى من الجميع أن يكتبوا آرائهم بكل حرّية
وكل واحد يقول اللي في نفسه ...
وانا اهديكم هذه الأبيات ووالله إن القلب ليحزن
خسرت في سابك وذالحين بانعام
شريت أرضٍ للحزن فيه فيلّا
والبارحه شفنا العجب عند الأغنام
قالوا خساره والحقايق تعلّا
هذا الخبر معروف من سالف أعوام
واللي رأسها راح عنها وتولّى
ياكيف انا مالي توقف والأحلام
وغيري كثيرٍ دمع عينه يهلّا
الدين زاد وشي من بعض الاسقام
ضاع الشقى اللي له عَرَقنا تدلّا
كيف اخطب المهره واجي ثابت اقدام
والفقر اشوفه هز غمده وسلّا
عزاي ان الله خلقني بالأرحام
مقسوم رزقي والصبر به تحلّا
وادري بأن السوق سوا بي إعدام
وانا خسرت امرار والربح ولّا
الضرب في الميّت مافيه إيلام
والله يعوّضنا بجنّه تحلّا
فيها نعيم خالدٍ طول الأعوام
مع زوجةٍ حورية بي تسلّا
في دنيتي ضاع المهر بيد الاقوام
وانا حسيبي ربي اللي تعلا
وصلاة ربي عد من حج او صام
على النبي اللي مامًل وكلّا
خسرت في سابك وذالحين بانعام
والرابح اللي صام يومه وصلّى
وسلامتكم جميعا
|
 |
 |
|||
 |
 |
||||
رد مع اقتباس
المشاركة الأصلية كتبت بواسطة اقحش وانحش
..
المفضلات