عبدالرزاق بن عاقول يعلن افلاسه

[عبدالرزاق بن عاقول]

عبدالرزاق بن عاقول يعلن افلاسه

انا عبدالرزاق بن عاقول اعرض بيتي الشعبي الكائن في حي غميته للبيع وذلك بعد خسارتي الكبيره بالأسهم. اللي له رغبة بالشراء يقدم عرضه.. السوم 16130 ريال.

وهذا آخر شي أملكه، يعني حفيان عريان.. والظاهر ابرجع للمكده على الونيت الددسن السبعين. والفطور الصبح عند فوال الحله والغداء خبزه على شاهي والعشاء بسكوت ابو ميزان. والى جاء الليل النوم في الثمامه وفي النهار في القهاوي شاهي وتتن.

ياجماعه اللي يقدر ينحاش يالله ترى الامور مدبره .. الهوامير ما والله يتركون لكم شي حتى العظام والله ما تشمون ريحتها. اللي عنده قرشين يفر من سوق الأسهم فراره من الأسد ويشغلها بالعقار اصرف.

انا طالع من اليوم والدراهم راحت والعوض عند الله.. وابتشغل بالعقار بداية من بيع بيتي المغموت في حي غميته .. اللي له نظر يفرق السوم. ترى موقعه جمب بقالة الامانه اللي في العاير في سكه سد .

وبيني وبينكم خلاص ارجع للمكدة اريح وابرك لي من هالسوق اللي يوم طالع وشهر خافس .. كل ما جمعت لي قرشين وما امداي افرح بها إلا وهي متسلقطه في بطن هامور... وعلى هالحال .

[(((مشاري)))]

الف الف الف مبروك


قرلر صايب ترك السوق

والله يرزق من واسع فضله

[خبرعاجل]

لقد ادميت قلبي يابن عاقول ,,,,,,,,,,,,,
الحياه تجارب يااخي العزيز وارضى بقضاءالله وقدره فالله هو الذي اعطى وهو الذي اخذ ...... ولاتنسى ان المؤشر قفز من 8000 الى 21000 في ظرف سنه واحده...............فاغتنى الصغير قبل الكبير ...لاتكن متسرعا في قراراتك وتخرج اذا كانت الخساره قويه ... واعلم ان الدعاء والصبر هو من سيخلصك من بيت الطين .... فالصبر الصبر الصبر الصبر ......فلم يبقى الا القليل وقد ذهب الكثير ........تحياتي

[$ تريليون $]

الله يعوض علينا وعليك يا بن عاقول,,
ذكرتني بدرب الزلق عالأقل شي يوسع الصدر في هالوقت..

[المصحح التلقائي]

أقول وين شايفك يابن عاقول ....
ترى صورتك حلوة في درب الزلق ... تشبه السوق السعودي بس الصورة اشوي أجمل.

تراني أمزح. الله يوسع صدرك مثل ما وسعت صدورنا

[الفوزان]

والعشاء بسكوت ابو ميزان
تذكرني بخالي لي كل ماجيته الا عنده هالبسكوت من عام 1404 هجرية

[عبدالرزاق بن عاقول]

العزيزابو نوف ودانه
الله يبارك فيك والله واسع الرزق.

العزيز خبر عاجل
الله يوسع عليك دنيا وآخره .. كلامك بلسم يالحبيب . لكن القهر موتني من سوق تتحكم فيه عصابات الواحد بين يوم وليله يفلس والسبب التلاعب اللي صاير من ناس ما تخاف الله ذياب تنهش لا دين ولا ذمه والضحيه الصغار المساكين مثل ابن عاقول واضرابه . وقفزة المؤشر اللي تتكلم عنها هذه كانت فرصه لن تتكرر ابدا ابدا ابدا يعني اللي ما هبش ذيك الايام راحت عليه. ياخوي اذا ما تلزق بهامور تاكلك الهوامير هالزمن لازم ظهر يسندك ويحميك وإلا يصير لحمك لقمة في بطون الذياب والنسور وكل سبع و كل جارح وهذا مهوب بس بسوق الاسهم بل في الحياة كل ابوها .

[صـياد الأسهم]

الا وش اخبار حسينوه واخوه سعد؟

[ابن بطوطة]

اسلوب طرحك اسلوب واحد ماشاء الله ..
راد بالدنيا ..وهذا هو المطلوب ..
سعة الصدر والحمد لله ..

[عبدالرزاق بن عاقول]

صياد الأسهم

ابشرك بخير بس حسينوه للحين مينني. تكفى صد لي كم سهم... اخوك مزنوووووق رايح ملح. والله علي فاتورة جوالين ما قدرت اسددها.. يارب تفرجها وترد لي ما راح.. وتوبه ان دخلت سوق الاسهم.


ابن بطوطه
اشكرك من اعماق قلبي المجروح من الاسهم جرح عطيب ما لقى له مداوي يا لا لا لا .. على فكره الطيب عند طاريه يوم قريت ردك الا كتاب جد جد جدك ابن بطوطه ياللي سماه ( رحلة ابن بطوطه ) قدامي اقرا فيه اسلي نفسي واروح عنها همها يا كودي اسلى وانسى .. آآآآه .

[الاوفوكاتو]

الله يعينا وياك
انا بعد باقي لي شوي
هاه حولك
الله يلطف بنا ويرحمنا برحمته

[سعود الفضلي]

لا حــــول ولا قـــــوة إلا بالله