المشاركة الأصلية كتبت بواسطة الحريري
بسم الله الرحمن الرحيم
قبل كل شي انا ما ادافع عن الأسماك ولا اقلل من سابك ولكن انت وقعت بخطأ الكثير يقع فيه الا وهو مقارنة الشركات مع بعضها من خلال سعر السهم .
اخي قبل ان تقارن سهمين يجب ان تعرف عدد اسهم الشركتين .
ابسطها لك عندك قطعتين اراضي مساحة كل وحدة 10000 م الاولى بالعليا قسمتها لعشر قطع كل قطعة الف متر وسعر القطعة الواحدة مليون ريال والثانية بالروضة وقسمتها لقطعتين قيمة القطعة الواحدة مليونين .
هل معنى كلامي ان الاراضي بالروضة اغلى من الاراضي بالعليا ؟؟؟)
لا طبعا ولكن بالعليا عدد القطع اكثر عشان كذا قل سعرها .
ارجع للاسهم ( سابك عدد اسهمها 2.500.000.000 مليارين ونص وقيمتها السوقية 337500000000 ثلاثمية وسبعة وثلاثين مليار ) ( بينما الأسماك عدد اسهمها 10 مليون سهم وقيمتها السوقية 1642500000 مليار وستمية واثنين واربعين مليون )
بالمختصر سعر سابك الحالي ضعف الاسماك بثلاثمية مرة !!!!!
يعني لو اسههم سابك تصير عشرة مليون مثل الاسماك يصير سعر سهم سابك
135 * 300 (تقريبي) = 40500 ريال للسهم الواحد
انا كتبت على عجل واتمنى تكون الصورة واضحة
الحريري
والله واقنعونا بسالفه عدد الاسهم وان الاسهم القليل هي الافضل
هالحين يعني على شان تصير القسمه عادله بنظرك لازم تصير القيمه السوقيه للاسماك مساويه للقيمه السوقيه لسابك ؟؟؟؟
طيب عندك شركتين وحده خشاش صغيره وخسرانه لليل راس مالها 100 ريال وعدد اسهمها 100 ( بقاله بنقلاديشي بهجره ينصب على معزبه )
والثانيه تربح وكبيره راس مالها 10000 ريال وعدد اسهمها 10000 مجمع تجالي بالرياض مثلا
الحين لازم القيمه السوقيه للشركتين ( البقاله والمجمع التجاري )
لازم تكون متساويه ؟
يعني اذا كان المجمع يقيم بـ 5 ريال لازم بقاله البنقلاديشي يصير قيمتها 500
وش جاب الثرا للثريا
هي لعبه كبيره معزب البنقلاديشي يلعبها كل الاسهم لديه ويرفعها بدون اي تكلفه
( تخيل جوال الرهيب انقطع بكل اسواق العالم وانت لديك 100 جوال رهيب خربانه )
لو تروح لشارع الاتصالات وتسوي بسطه وتعرضها بـ 50 الف لكل جوال محد يقدر يشتري اي جوال رهيب الا من عندك،،، محد اشترى منك في اليوم الاول تعرضها في اليوم الثاني بـ 70 ألف بكيفك جوالاتك وانت حر بها ولا احد بالسوق معاه جوال رهيب ويقول للمتسوقين انا هنا اشتروا مني بارخص
الاسماك رفعها من 24 ريال يوم العالم تبيع ولا هي لاقيه مشتري
رفع رفع رفع ( بدون تكلفه تماما كجوال الرهيب )
ورفع ورفع ورفع الى اكثر من 400
طبعا لو يوصلها مليون ما راح تكلفه ريال واحد
مشتراه من 25 ريال لو باع بـ 400 فهو استرد قيمه 16 سهم
ولو باع من 200 استرد قيمة 8 اسهم
طيب رجع راس ماله من بيع جزء بسيط جدا جدا جدا من اسهمه اللي شراها بـ 25 ريال
شلون يربح طيب ؟
يبيع ماركت ماتبقى من اسهمه ( طالعه عليه مجانا )
قد تنتهي اسهمه عند الـ 100
او عند الـ 50 وربما عند 5 ريال
،،،،،،،،،،،،،،،،،،،،،،،
الان توزعت الاسهم عند الناس
ابلش جمع ياللي تبي تجمع
لو دافعت عن السهم عند 150 مثلا فتكلفتهاعليك 6 اضعاف تكلفة مضاربها
وفرضا جمعت على 150 لو رفعتها فانت ترفع اسهم الناس وتحتاج مبالغ طائله جدا
لست كمن اخذ كل الاسهم بـ 24 ريال ورفعها بدون تكلفه
المفضلات