يالمعتضد ما قدرت البيت بلحالي **** يالمعتضد فزعتك كمل بواقيها

**البهلال** · 10-10-2006, Tue 11:27 PM

السلام عليكم ورحمة الله

سوقن يجيب المرض بالحيل ياغالي ****** و النفس من سبته ياشيخ مشقيها
يوم(ن) على جرف ويومين(ن) على جالي ***** والله يفك الضعيف من تواليها

=================
ياناس سيف الفقر يفتك و قتالي **** وناس(ن) تلهى ماكن الامر يعنيها
وناس(ن) دموع الحزن بالليل همالي **** وناس(ن) دموع الفرح بالليل ملهيها
ياناس هذي عيون(ن) دمعها غالي ***** ياما بكت ... خشية الرحمن تبكيها
================
ناس(ن) على المركب العالي و تختالي *** وناس(ن) على البرثعه تشكي بلاويها
وناس(ن) تجمل تعدل مظهر(ن) غالي *** وناسن قتلها المرض ماحدن يداويها
===============
احد(ن) اوانيه فضه مع كرستالي **** واحد(ن) اوانيه من فاضي قواطيها
واحد(ن) تراب الخلا له خف و انعالي***** و احد(ن) الالماس يلمع في مواطيها
===============
يالله ياللي تعلا فالسما العالي ***** تلطف بخلق(ن) قضت ماحد(ن) درا فيها
يالله توقظ ضمير(ن) غافل(ن) سالي *** و يرحم اضعوف(ن) سموم الدهر يشويها
=================

يالمعتضد ما قدرت البيت بلحالي **** يالمعتضد فزعتك كمل بواقيها

وسلامتكم

**alalimm** · 11-10-2006, Wed 12:25 AM

صح الله لسانك يالغالي

وننتظر المعتضد يكمل الباقي

**مخاوي السوق** · 11-10-2006, Wed 1:04 AM

بهلال ياللي تجر الصوت وتلالي 0000 سوق الفلس يالذيب روحي معنيها

من ثلاث سنين هم وغم وغربالي 0000 راح الحلال والنفس ضاعت امانيها

من يوم مايو الى فبراير متوالي 0000 نقص الرصيد و العين تشكى لواليها

**المعتضد** · 11-10-2006, Wed 1:39 AM

وش عاد باقي وفيت القول يالغــــــــــالي ***** أبياتنا عقبكم شابت قوافيـــــــــــــــــــها
تاج الرياده خذيته، وصرت لي اهلالــــي ***** صومتني، والحياة أضوت لياليــــــــــها
سيف الفقر صاب شعب(ن) جاله إخبالي ***** الناس يالقرم هم الكون غاشيـــــــــــها
ماعاد به واحد(ن) من علته خالــــــــــي ***** صكات بقعا تصافق والبلا فيــــــــــــــها
الناس أجناس، وكل مرزوق بيسالــــــي ***** في اللوح تظهر أعلوم(ن) كان مخفيهـا
والله يفرج هموم القوم بالحــــــــــــــالي ***** تزين دنيا،،بكت بأسباب باكيـــــــــــــــها
والفجر يظهر ولو ليل الدجا طالــــــــــي ***** والخير مقبل، ولو خانت حصانيــــــــــها
والحر يبقى رفيع الشان بالعالــــــــــــي ***** اليوم وبكرة،، ولو طالت عواديــــــــــها
لا خير في مال،، هو للشر مدخالــــــــي ***** ولا خير في نفــس كان الحيف مقفيــــها
ياتاج راسي عطيتك بعض الأقوالـــــــي ***** لو إن قولك من الحكمة مغطيـــــــــــــها

**الرويلي** · 11-10-2006, Wed 2:28 AM

صح الله لسانك يالغالي

أبيات تشكي حال الأغلبية

**assalimi** · 11-10-2006, Wed 2:49 AM

هيضتم اشجون(ن) ما كانت على بالي === ولا كنت ابي اخلط اصيامنا فيــــها
تغازلت القوافي مع معاني اجزالــــــي === صاغها البهلال والمـعتضد يوفيها
سوقكم ودع امراره واقبل الحـــــــالي === تهل مخيلة نسبها ويــخضر واديها
يخضر مافيها من اجبال واسهالـــــــي === من سابكتها فوق حتى مواشــــيها
وما تنعقد عقده الا لها الف حلالــــــي === ولولا مررتها ماعرفنا طعم حاليها
وهذي الدنيا لها ادبار واقبالــــــــــــي === وكل ضيقة ترى الفرج دوم قافيــها
يا الله يارزاق يا معبود ياوالـــــــــــي === تفرج لكل متعلق وتحســــن تواليها
يقول السليمي هذا الي جاء على بالي === والقصور فيها من اولها التاليـــها

تحياتي

السليمي

ابو عبد الله

**المحايد** · 11-10-2006, Wed 2:58 AM

البهلال:

سوقن يجيب المرض بالحيل ياغالي0000 و النفس من سبته ياشيخ مشقيها

يوم(ن) على جرف ويومين(ن) على جالي 0000 والله يفك الضعيف من تواليها

ياناس سيف الفقر يفتك و قتالي 0000وناس(ن) تلهى ماكن الامر يعنيها

وناس(ن) دموع الحزن بالليل همالي0000 وناس(ن) دموع الفرح بالليل ملهيها

ياناس هذي عيون(ن) دمعها غالي 0000 ياما بكت ... خشية الرحمن تبكيها

ناس(ن) على المركب العالي و تختالي 0000 وناس(ن) على البرثعه تشكي بلاويها

وناس(ن) تجمل تعدل مظهر(ن) غالي 0000وناسن قتلها المرض ماحدن يداويها

احد(ن) اوانيه فضه مع كرستالي0000 واحد(ن) اوانيه من فاضي قواطيها

واحد(ن) تراب الخلا له خف و انعالي0000 و احد(ن) الالماس يلمع في مواطيها

يالله ياللي تعلا فالسما العالي0000تلطف بخلق(ن) قضت ماحد(ن) درا فيها

يالله توقظ ضمير(ن) غافل(ن) سالي0000و يرحم اضعوف(ن) سموم الدهر يشويها

يالمعتضد ما قدرت البيت بلحالي0000 يالمعتضد فزعتك كمل بواقيها

مخاوي السوق:

بهلال ياللي تجر الصوت وتلالي 0000 سوق الفلس يالذيب روحي معنيها

من ثلاث سنين هم وغم وغربالي 0000 راح الحلال والنفس ضاعت امانيها

من يوم مايو الى فبراير متوالي 0000 نقص الرصيد و العين تشكى لواليها

المعتضد:

وش عاد باقي وفيت القول يالغــــــــــالي 0000 أبياتنا عقبكم شابت قوافيـــــــــــــها

تاج الرياده خذيته، وصرت لي اهلالــــي 0000 صومتني، والحياة أضوت لياليــــــها

سيف الفقر صاب شعب(ن) جاله إخبالي0000 الناس يالقرم هم الكون غاشيـــــــها

ماعاد به واحد(ن) من علته خالــــــــــي 0000صكات بقعا تصافق والبلا فيــــــها

الناس أجناس، وكل مرزوق بيسالــــي 0000في اللوح تظهر أعلوم(ن) كان مخفيهـا

والله يفرج هموم القوم بالحـــــــــــالي 0000 تزين دنيا،،بكت بأسباب باكيـــــــــها

والفجر يظهر ولو ليل الدجا طالــــــــــي 0000والخير مقبل، ولو خانت حصانيــــــها

والحر يبقى رفيع الشان بالعالــــــــــــي0000اليوم وبكرة،، ولو طالت عواديــــــها

لا خير في مال،، هو للشر مدخالــــــي0000 ولا خير في نفــس كان الحيف مقفيــــها

ياتاج راسي عطيتك بعض الأقوالـــــي0000 لو إن قولك من الحكمة مغطيــــــــها

assalimi:

هيضتم اشجون(ن) ما كانت على بالي 0000 ولا كنت ابي اخلط اصيامنا فيــــها

تغازلت القوافي مع معاني اجزالــــــي 0000صاغها البهلال والمـعتضد يوفيها

سوقكم ودع امراره واقبل الحـــــــالي0000تهل مخيلة نسبها ويــخضر واديها

يخضر مافيها من اجبال واسهالـــــــي 0000 من سابكتها فوق حتى مواشــــيها

وما تنعقد عقده الا لها الف حلالــــــي 0000ولولا مررتها ماعرفنا طعم حاليها

وهذي الدنيا لها ادبار واقبالــــــــــــي 0000وكل ضيقة ترى الفرج دوم قافيــها

يا الله يارزاق يا معبود ياوالـــــــــــي0000تفرج لكل متعلق وتحســــن تواليها

يقول السليمي هذا الي جاء على بالي 0000والقصور فيها من اولها التاليـــها

صح لسانكم شعراء أعمال الخليج

سطور مميزة دمتم سالمين