المنتدى صار ((حراج)) الله يستر!!

[منصح]

السلام عليكم ..
الكل قام يوصي بالرسايل في الجوال والايميل وفي المنتديات!!
الله يكفينا وإياكم الشر وجميع المسلمين .. اللهم امين .
أنا بكامل السيولة في السوق ، والله يجيب العواقب سليمة .

الحذر ياأخوان ضروري .. الله يطرح لنا ولكم البركة ..اللهم امين .

ما سمعت ياخوي ؟!! بكم البترول ؟

[أبوفهد العنزي]

بكرةالنتائج , وكل واحد تطلع نتيجته يرنفس.
الله يستر على شركات الشثري لانه اول من يطلع النتائج.

[منصح]

بكرةالنتائج , وكل واحد تطلع نتيجته يرنفس.
الله يستر على شركات الشثري لانه اول من يطلع النتائج.

ياهلا بالغالي ابو فهد :
وازيدك بعد وانت ابخص ..

طايحين في موضة:
* نتائج الشركة زينة لازم ينزل السهم
لانه ماخذ حقه من الارتفاع الاستباقي
* نتائج الشركة تعبانة ، عينك ما تشوف إلاّ النور
لانها برضه ماخذه اللي مهوب حقّها من الارتفاع!!

[العطـوف]

مبروك عليك الشهر الكريم

بارك الله فيك اخي منصح والله يستر

[الشرس]

انت تشوووف مازلنا نفتقد الوسطيه ,,, :d

[naj]

اخ منصح هى جت على كدا احد الاعضاءالمعروفين موصى على 50شركة فى اقل من اسبوع0 المحفظة ببتكلمم عربى0 والله المعين

[البدراني]

11213 ان كسرت بتكبس البلدية على اهل الحراج.
وفقك الله يامنصح الخير ولازم تفرق بين حراج فني وحراج ابو عشرة خخخخخ

[تميم]

والله ياخوان كل ماشوف الصفحة الاولى والكم الهائل من التوصيات اني اخاف

الله يستر الله يستر الله يستر

[منصح]

العطـوف : الله يتقبل منّا ومنكم صالح الاعمال .. اللهم امين
--------------
ملك التذبذب : هذا حنا متطرّفين حتى في التوصية .. يلزّم عليك الرجّال
وكأنه نازل عليه وحي أن السهم بيطلع نسب !! عجبي !!
والان ومع الهبوط أقول لا للتطرف السوق ممتاز وفيه أسهم ممتازة
بهالاسعار خلّونا نلقط معهم قبل الزحكة .. وشرايك
------------
naj: هههههههه عندنا وعندك خير من صباح الله وحتى في العمل ما بقى
إلاّ الهندي (الفراش) يوصي على أسهم الخشاش !! خخخخ
------------
مخاطرجي : هلا بخويي : كسرها ويازينها من كسرة للي بيتقنص للطيور
المليانة .. !! اللي ماتنباع في الحراج !!
-----------
تميم : حصل ما كنّا خايفين منه ياخوي تميم .. الله يستر من الباقي !
----------
أشكر الجميع غلى مداخلاتهم ..
الله يحفظ للمسلمين دينهم وصحتهم واموالهم ..اللهم امين

والله ياخوان كل ماشوف الصفحة الاولى والكم الهائل من التوصيات اني اخاف

الله يستر الله يستر الله يستر

[MarDeFrance]

السوق كله صاير حراج كبيييييييييييييييييييييييييييييييييييييييييييييير يا اخي

ولا انا غلطان؟

[مساهر الليل]

اخي منصح ابارك لك الشهر

ولك من معرفك نصيب الاسد

فانت ناصح والحق يقال

وجزاك الله خير الجزاء

مودتي

[ابو حمود]

مفيها شى اصلا سوقنا سوق حراج وشف الخردة وصلت هايات جديدة

[منصح]

MarDeFrance: لابالله مانتب غلطان السوق حراج!!
والحراج إذا كثرت مواعينهم وخردتهم وبدت تسوي مشاكل
على المرور والشوارع .. تكبس عليهم البلدية مثل ماقال
أخوي مخاطرجي .. المشكلة إذا مسكتهم البلدية !!
يبيلك وقت علشان تطلع من البلدية واجراءاتها !!
---------------------
مالكي : علينا وعليك وعلى كل مسلم الشهر مبارك الله
يجعلنا فيه من عتقائه من النار .. نسأله سبحانه وتعالى
أن يتقبل من الجميع .. اللهم امين ..
أشكرك على أطرائك جعلني الله وإياك خير مما يظنون
--------------------
ابو حمود : معليش اخوي حمود فيها ونص !!
ياخي هاسوق خلّى حتى الراكدين ((مهفّات)) يعني بالعربي
السوق قمار !! نعم قمار .. ومعضمه بيع نجش ومغامرات
لايعكس حقيقة الشركات أبداً !!
ما أقول إلاّ :
جعل من تسبب في خساير المسلمين جعله غنيمة لهم امين .

وحتى مشايخة السوق أقصد من يفتون بتحليل اسهم السوق
أو من له علاقة بالافتاء في هذا البلد مقصرين جداً ومهملين
أمانتهم ، أقول هذا الكلام وأنا مسؤل أمام الله سبحانه وتعالى
غير خائف من أحد إلاّ هو تبارك وتعالى ..
متى يرجعون الى رشدهم ويظهرون في الاعلام المرئي والمقرؤ
ويرشدون الناس ، ويوحدون كلمتهم فيما إنغمس فيه العامة من
جري وراء أوهام السوق ، فلو وضعنا إستطلاع أوإستبيان
للشعب لوجدنا أكثرهم متضرر من خسائر وويلات هذا السوق
سوق العصابات المقنّعة والاسماء الوهمية ، وإدارة أملاك علية
القوم عسى مكرهم حسرات عليهم .. حسبنا الله ونعم الوكيل ..

[صالح الشايع]

منصح .. الشهر مبارك
مشتاق لك وحبيت اسلم عليك يا غالي
اخبرك ما تكتب الا بالأزرق ... وش جاك .. مليت ولا كبرت

[الجوكي]

حراج يا من يسوم . . . سهمي انحرق وانشوى

[ابن بطوطة]

يبن الحلال قال وين قال معهم ..
قالو بيشة بيشة .. ثمار ثمار .. إلا البلاد والكهرب ..

[منصح]

منصح .. الشهر مبارك
مشتاق لك وحبيت اسلم عليك يا غالي
اخبرك ما تكتب الا بالأزرق ... وش جاك .. مليت ولا كبرت

ياهلا والله باستاذنا المدرّب .. الشهر مبارك يالحبيب
مشكور على طلتك في الموضوع والسلام ..
الحين أنا اكتب بالاسود .. حسب الظروف يوم المحفظة مليانة
من امهات خمس نكتب بالازرق والحين مدري وش الطبخة؟!!
المحفظة مظلمة وصرت اكتب بلونها ..
قل امين مايجي يوم واكتب باحمر الله يكفينا واياك الشر واليوم الاقشر

[منصح]

حراج يا من يسوم . . . سهمي انحرق وانشوى

بدري تو الناس !!

[منصح]

يبن الحلال قال وين قال معهم ..
قالو بيشة بيشة .. ثمار ثمار .. إلا البلاد والكهرب ..

ياهلا بالرحالة ابن بطوطة
أنت تعرف وش اللي يموّت الناس في الحج والزحمة ؟؟!
أنهم مايدرون وش القصة !
تلقى الطريق فاضي يمين بس إلاّ يروح الواحد يم الزحمة
ويصير التدافع وينشب في أباط ذالافارقة ووووانت خابر!!