السلام عليكم ورحمة الله .
الأخوه الأعزاء اللي راسلوني على الخاص اولا انا اسف لأني ما رديت عليكو لأنو يطلب مني 50 مشاركه وبعدين اقدر ارسل على الخاص , وبصراحه حتى هذا اليوزر مو بحقي لصديق لأنو التسجيل بالمنتدى موقوف وما ادري ليش حتى اني بعتلهم ايميل وما ردو علي , على العموم معكم شادي , الأخ العزيز لورنس العرب مشكور على الرد وهذه بعض المعلومات اللي طلبتوها :-
أولا الكتب :- حسب موقع ال IFTA هذه هي الكتب المطلوب دراستها , Technical Analyst of Stock Trends والمؤلف :- Roberts D. Edwards and John Magee , وطبعا مطلوب من الكتاب من الشابتر 1 الى 16 بالإضافه الى الشابترات 25و 27و 28و30 , وثمن هذا الكتاب بحدود ال 50 دولار , بدون اجور الشحن , الكتاب الثاني للمؤلف Murphy ,John J. واسمو , Technical Analysis of the financial markets , صادر عن New York Institute Of finance . وسعرو بحدود ال 60 دولار بدون اجور الشحن والشابترات المطلوبه هي , من 1-14 والشابتر 16 و 18 , والكتاب الأخير هو للمؤلف , Pring , Martin J, واسمو Technical Analysis Explained , 4th Edition, صادر عن Mcgraw Hill Book Company ,New York. وسعرو بحدود ال 40 دولار والشابترات المطلوبه من 2-16 والشابترات 18 و20و22و23و24و26 , طبعا اخواني الأعزاء هذه المعلومات منقوله من موقع ال IFTA واذا رحتو بتلاقوها هناك وانا حاولت اسهل عليكو فقط , طبعا السؤال الذي يطرح نفسه كيفية الحصول على الكتب !!! بعد التجربه بتروحو على موقع امازون , وبتعملو بحث باسماء هذه الكتب تحت بند الكتب , ولازم تعمل يوزر نيم وباسورد بالموقع وبعد ما اتحط العنوان وتختار الكتب واتحط رقم الفيزا كارد او الماستر تقدر تشتري الكتب , وانا اشتريت الكتب بالفعل يوم الخميس العصر واستلمتهم بالأمس الصباح , طبعا كلفني الشحن بحدود ال 100 دولار لأني طلبتهم باسرع طريقه , وصلني اول كتابين وضايلي كتاب ان شاء الله يوصل الأسبوع الجاي , حاولت بالأمس التصفح السريع ووجدت انو الماده تتكلم بالحليل الفني من حيث النظريه الى التطبيق ويبدو لي انها كتب ممتازه خاصه اول كتاب . ولكن يوجد ملاحظه !! هذه الكتب تحتاج وقت وتركيز للدراسه , يعني كل كتاب معدل 550 صفحه , والشابترات المطلوبه فوق ال 1000 صفحه بالمجمل , والباقي عندكو !!
بالنسبه للماده كما اسلفت هي ماده تتحدث عن النظريه والمفهوم من وراء التحليل الفني وبعد ذلك تتحدث باختصار على انواع التحاليل او البترنز , وجميع التفاصيل . وملاحظه انو امتحان ال CFT يهتم ايضا بمعلوماتك عن اسواق المال العلميه ايضا .
موضوع اخر , ( طبعا الحمد لله انو السوق اليوم هادي واقدر استرسل بالمعلومات ) ملاحظه اخرى مهمه , لا تستطيع التقديم للإمتحان ال CFT الى اذا كنت عضو بها , والطريقه الأسهل والأسرع هي ان تقوم بالإتصال بالجمعيه المصريه أو الأردنيه وتقوم بعمل عضويه معهم , طبعا العضويه معهم تعني العضويه بال IFTA وهذا ما قمت به بالفعل , سجلت عن طريق الأردنيه والحمد لله اخذت عضويه الاردنيه وال IFTA طبعا سؤال الأخ العزيز عن التكاليف , وسوف اقول لكم التكاليف التي انا قمت بدفعها :-
1- العضويه للجمعيه الأردنيه ( 190 ) دينار اردني اي ( 270) دولار امريكي , وهذه تشمل عضويه سنه فقط , وكل سنه لازم تدفع مبلغ 80 دولار تقريبا تجديد عضويه .
2- الكتب الثلاثه المذكوره كلفتني 250 دولار ثمن كتب واجور شحن ( طبعا طلبت ارسالهم باسرع طريقه ووصلوني باقل من 48 ساعه ) .
3- رسوم الأمتحان CFT الجزء الأول ( طبعا الشهاده عباره عن مستويين ) المستوى الأول ب 500 دولار والمستوى الثاني ب 800 دولار , طبعا يلزم نجاحك بالأول لأنتقالك للثاني .
ملاحظه اخيره لأني اتوقع نص الشباب ما كملو اللي كتبتو والنص التاني صار نايم على الكيبورد , انو الأمتحان يعقد مرتين بالسنه , بشهر ابريل وبشهر اكتوبر فقط , وحسب كلام الجمعيه الأردنيه يمكن التنسيق مع المعهد البريطاني ببلدك لتقديم الأمتحان به ولا يلزم السفر للأردن او مصر لتقديمه ( حسب ذمة مدير الجمعيه الأردنيه ) واتوقع بعد كل هذا الشرح بكون الموضوع كمل وروحو شوفو موضوع تاني تتسلو عليه , هاهاه , امزح , اذا في اي احد يريد يعرف المزيد يطلب من خلال هذه المشاركه ويدعي السوق ايضل هادي عشان اعرف ارد عليكو بذمة وضمير .
ودمتم ووفقكم الله وشكرا .
شادي الزعيم . ( هذا اسم العائله الحقيقي )
المفضلات