هلا عفار ،،،،،، اشكرك على كلامك
لكن !
وينهم المضاربين اللي تتكلم عنهم ،،،، ؟؟
شوووف ،، زمان كنت اظن في مضاربين ناجحين الخ الخ وفيه دجاجة تبيض ذهبا ،،
لكن الحمدلله ،، شفاني الله وعافاني ،، والفال للجميع
لنضرب مثال في المنتدى ،،
البريد مستثمر ،،، والغالبية العظمى مضاربين ،، حلو الكلام؟
الآن يا عفار اختر لي افضل مضارب في المنتدى ،، ودعه يوصي بسهم ،، ثم لننظر كم شخص يشتري معه السهم ..
وبالمقابل دع البريد يوصي بسهم وانظر كم شخص يتبع توصيته ،،،؟؟
حتى احساسي الشخصي يقولي ،، ان المضاربين بيحطوا اكبر كمية كاش لديهم في سهم البريد ،،
راح تقولي نبي مضارب محترف على مستوى العالم ،، راح اقولك اجيب لك مستثمر محترف على مستوى العالم ولنضرب نفس المثال
اما كلامنا عن الاخ العزيز البريد كان على مستوى المنتدى ،، وهو اكبر من المنتدى ولا شك ،، ولكن كان الكلام على المثال فقط .
انا اعرف انه ممكن يربح المضارب ولكن بصراحة ،، الطريق مظلم ماله اساس ولا بداية ولا نهاية ،،
يعني اما ان الله يلهمك بطريقة ولا اظن المسألة كأنك كمن يحاول أن يمسك بالزئبق ،،،
اما الاستثمار ،، فله اساس وله بداية ونهاية ،،
صدقني يا عفار ،، لو كنت مستثمرا ناجحا سوف تكون مضارب ناجح ،،
لانك باختصار سوف تتنتقي شركات جيدة وسوف تفهم السوق بشكل اكبر ،،
لاحظ الاخوان في المنتدى ،، يأتون باسهم من المشرق والمغرب ،، ما تعرف لها راس من رجل " البعض طبعا " ولكن هذا حاصل ،،
يعني اظننا لو علمنا مبادىء الاستثمار قووول " لعل وعسى " ننجح في المضاربة ،،
اما من لا شىء الى المضاربة ،، اظنها خزعبلات ،،،
لا تكلمني انا كلم التاريخ يا عفار ،، وينهم المضاربين الناجحين ؟
واذا لقيت أسامي ...
قارنهم مع المستثمرين الناجحين ؟؟
بعدين ،، لنفترض ان الشخص يحب المضاربة او في دمه ،،
ليتعلم الاستثمار ويضع معظم راس ماله في اشياء دارسها وفاهمها وعارف وين العقل سيؤدي بها ،،
ويترك الباقي للمضاربة ،، وان نجح في المضاربة ،، نجاح واضح ،، يسحب باقي امواله ،،
بعدين الاستثمار اللي اكلمك عليه مضاربة ،،
يعني احتفاظ بالسهم لمدة سنة ،، ماهي بعيدة ترى مع ربح فوق 20 او 30 او 50 % ،،،
اما شغل التشارتات ،،،، ولا بلاش ،،
لحد يطلع لي يقول انا شتمت " التشارت المقدس " ،، ما قلت شى ،،
اما اربح 20 اليوم وبكرة اخسر 20 ،، ما سوينا شى والمسألة مسألة نمو وليست مسالة والله اليوم ربحت
طيب شوف اختصر لك الكلام ،،،
تقدر تفتح موضوع عن الربح والخسارة " بالنسب المؤية " لجميع الاعضاء ،،،
افتحه وراح تشوف بعينك مصائب المضاربة ،، وانا كنت احد ضحاياها سابقا ،،،
هههههه شفيني مسكت فيك يا عفار ،، الظاهرmrch ،، سببت لي عقدة او زووكس
ابو بدر
والله بقولك شغلة بس رجاء لا تضحك علّي ،، واذا ضحكت ترى عليك حق
تصدق انا كنت اظن انا عالم الاستثمار او قوانين البورصة تقول:
ان كل شركة يتم الاكتتاب بها ،، يكون الاكتتاب على سعر 100 فلس عندنا بالكويت ،، ومثله في السعودية مثله في امريكا ،،
يعني رقم ثابت
الحين اشوف كلامك اقول انا ويــــــــــــن والدنيا وين ،،
كلامك : ولذلك كان يجب طرحها على 500 او 600 فلس للاكتتاب على هذا الاساس ...
امممممم لا يكون الجماعة اللي قيموها يظنون نفس ظني عشان هالسبب كان الاكتتاب ب100
والله يمكن مو بعيدة على عباقرة الاقتصاد في الوطن العربي ،،،
الشاهد ،، ابو بدر :
انا طرحت الموضوع ،، كون مسألة الاحتكار مسألة نفسية وظنيت انها كانت السبب الرئيسي لرفع قيمة السهم على الأقل في السنة الاولى ،، قبل ما نعرف وش راح تهبب الشركة ،، وقلت على هالمنوال تصبح لدينا طريقة هونغ شونغ بونغ ا لاستثمارية الجديدة ،،
عموما ،،
بارك الله فيك ،، والله كلامك يا اخي قيّم جدا تبارك الرحمن ،،،
الحربي:
لنفترض كل خمس سنوات تلقى فرصة زي هذي ،، اظن بعملتين انت وصلت المليون ،،
واظن اقل من خمس سنوات ،، بعد
عموما ،،،
لنا لقاء ثاني ،، يا تجي معاي ندرس عند ابو بدر ،، يا ارجع معاك الى دنيا التشارتات ،،،
ومشكور اخي الحازمي على ردك ،، مع اني ما قصدت اتوسع للدرجة هذي ،، لكن كنت ارمي الى نقطة معينة بالموضوع ان كانت حقا نقطة هامة اما لا " كسر الاحتكار " وكلامك كان جميل فعلا
على فكرة ،، شفيك خفت مشاركاتك ؟
تحياتي هونغ
المفضلات