هذه القصيده اهديها للاستاذ ممدوح
علشان يتعلم الارقام الانجليزيه




قصه وقصيدة في الارقام الانجليزية
هذه قصه للمرحوم بإذن الله خالي حمد بن خربوش الفهيدي المري

عندما كان يشتغل في شركة ارامكو في بدايات ظهور الشركة فقد كانت تجعل لهم فصول لتعلم اللغة الانجليزية

وبسبب انشغاله انذاك في الرحيل في وقت الربيع كما هو الحال بالنسبه لابناء الباديه في الرحيل لاماكن هطول

الامطار لرعي ابلهم .فقال هذه القصيده لملله من المكوث في تلك الاوقات في العمل,والقصيده تذكر الارقام

الانجليزية ورده عليها وهي:ون,تو,ثري,الخ.وقد قال (فيف)بدل(فايف)و(نين)بدل(ناين)ليستقيم الوزن.




قالولي ون وقلت انا اليوم ونيت=ونة صويب(ن)طايح(ن)بالمراماه

شالوه ربعه لابحي(ن)ولاميت=طقه شجاع(ن)ظاري(ن)بالملاقاه

قالولي تو وقلت انا البدو قفو=يتلون براق(ن)سمر في رفاياه

قالوا ثري وقلت انا القلب مفري=فري(ن)عطيب(ن)يتعب الي بيرفاه

قالولي فور وغابش(ن)مابدى النور=والرابح الي صيتكم ماتوحاه

قالولي فيف وقلت اهلنا على السيف=وانا غصبت النفس في غير مشهاه

قالولي سقس وقلت انا كتبكم عمس=حلفت ياكتب(ن)كتبتوه مااقراه

قالولي سفن وقلتِ حيل(ن) مواجيب=تقرب بعيد(ن)منزح(ن)من دناياه

قالولي ايت وقلت مازيد وافيت=من لاخذ القلب المشقوى وعناه

قالولي نين وقلت ردف(ن)وساقين=كنك من اللولو مسو(ن)ثناياه

قالولي تن وقلت في البر يسكن=ابوجديل(ن)فوق متنيه غطاه

قالوا تولف وقلت في وقتنا خلف=كيف الفهد هو والحصيني مساواه




منقووله