دنيتك مثل الرحاه اللي تدور====== والبشر كالحب في وسط الرحاه
اوكما قدر على ناره يفور=======يطبخ الايام واحداث الحياه
والرحاه بقلبهاحب وقشور====== والقشور اتطير لامنه ذراه
والقدر مكتوب باكتاب وسطور====ثابتا محدن من العالم محاه
ماخطاك من القدر لونك حذور====ومايصيب الادمي شياخطاه
رازق الانسان واضعاف الطيور=== ورازق الداب العمى في فتح فاه
داب في جحره عجز حتى يدور==== كافله واحد تكفل في غذاه
هذه الايام تعطي اوتجور====== ورزقك المقسوم ماغيرك خذاه
لايغرك لو ملكت من القصور==== النهايه بالثرى فوقك حصاه
ماحد بالكون يعلم مايدور ==== غير واحد ماحدن في مستواه
والغنى مايتفق معه الفجور ==== وكم غني من الزنى ماله فناه
ومن عملك طيب لاتجزه نكور=== عامله معروف ومشي في جزاه
والضعيف ابخاطره خلك جبور === وفي قريبك لاتسمع للوشاه
والصديق الياحصل منه قصور === عاتبه واذهن تطول في جفاه
ولا رقيت المنصب اذهن تجور === تنحدر في يوم وغيرك اعتلاه
كرسيا دوار بالسرعه فرور==== واحدن يرميه وجاب اللي وراه
اخوكم الصباح
|
 |
 |
|||
 |
 |
||||
رد مع اقتباس
المشاركة الأصلية كتبت بواسطة الجازم
المفضلات