هل يوجد فعلا جهاز صغير يخبرك بحالة السهم ؟؟؟

**القادم** · 23-12-2002, Mon 4:02 AM

سمعت بأن هناك جهاز صغير بحجم البيجر يخبرك بحالة السهم او ارتفاعه وهل الجهاز هذا موجود في الكويت او احدى دول الخليج ... فعلا نحتاجه اذا كان موجودا ولكن السؤال كيف يتم اتصاله بالاسهم الامريكيه ونحن هنا بالخليج ... أو الافضل استخدام جهاز الكومباك الصغير واشتراك بخدمة الانترنت عن طريق الاتصالات ... من يفيدنا جزاه الله الف خير .

**أسامة** · 23-12-2002, Mon 8:41 AM

الجهاز يوجد لدى شركة MTC وهو يعطيك اسعار الاسهم ومؤشرات السوق Live وهو يعمل عن طريق اشتراك بخدمة Reuters
وانا من كم شهر اتصلت عليهم وقالو لي الاشتراك الشهري له هو 60 الى 80 دينار "يا بلاش" وهو جهاز يشبه البيجر بس شاشته كبيرة بدون الوان
هو جهاز للهوامير وليس لأمثالي..
[IMG]D:\Apps\cache\Temporary Internet Files\Content.IE5\ZMO8TX9P\smartPager_2[1].gif[/IMG]

معلومات عن هذي الخدمة

**القادم** · 23-12-2002, Mon 7:27 PM

يعني مافيه الا اشتري كومنيكيتر او جهاز كومباك واشترك بخدمة ال gprs اذا ماكنت غلطان في اسمها واشتراكها 9 دنانير بالشهر وخلصنا .

**أسامة** · 24-12-2002, Tue 12:51 PM

مو شرط..

انا اتابع اسهمي عن طريق نقالي الذي فيه الـWAP وخدمة الواب رخيصة
عن طريق msn.com
ليه تكلف نفسك..

**بن فهد** · 24-12-2002, Tue 5:16 PM

في الشهر وكيف طريقة الاشتراك عطنا فكره بسيطه لو تكرمت ياغالي
محبك
حنووووووووون

**أسامة** · 24-12-2002, Tue 9:47 PM

انا لما فتحت خط جديد منذ اشهر طلبت ان تكون خدمة الواب موجوده بخطي
والدقيقه تصفح الواب بالنقال تكلف 10 فلوس.. يا بلاش
وبالنقال انا مخزن موقع msn.com وكل ما بقيت اشيك على الاسهم اروح للموقع ذه
واكتب رمز السهم وتجيلي التفاصيل .. وبس

**(¯·._)F.M(¯·._)** · 25-12-2002, Wed 1:18 AM

اخ اسامه انت مشترك مع الاتصالات او الوطنيه ؟

لاني مشترك بخدمة GPRS وخدمة الواب مع الاتصالات وكل ماحاول افتح موقع بالانترنت يعطيني ان ( محتوى الملف غير معروف ) ومايفتح الا مواقع نوكيا وموقع الاتصالات .

وخدمة العملاء مايفتهمون ماتلاقي احد عنده خبر عن الموضوع كله ويتوهك ...

ياليت تنورنا

تحياتي

**القادم** · 25-12-2002, Wed 4:00 AM

أخوي f.m هل خدمة ال gprs تنفع مع جهاز البالم نوع كومباك او جهاز نوكيا كومنيكيتر ؟

**(¯·._)F.M(¯·._)** · 25-12-2002, Wed 1:37 PM

الاخ القادم انا ماجربته مع البالم والكومنيكيتر بس اعتقد تنفع لاني جربته مع الاب توب عن طريق البلوتووث وحلوه .... تمشي الحال .

بس انتظر رد اسامه على سؤالي

**أسامة** · 25-12-2002, Wed 8:52 PM

اخ (¯·._)F.M(¯·._) انا مشترك بلاتصالات .

اما قولك " ماحاول افتح موقع بالانترنت يعطيني ان ( محتوى الملف غير معروف ) ومايفتح الا مواقع نوكيا وموقع الاتصالات . "
شوف ركز معاي ..
موقع نوكيا والاتصالات بالواب تشوفها بالنقال بدون مشاكل لأنها مصممه اصلا لكي تظهر بالهاتف المحمول
وهي مكتوبة بلغه الـ WML وهي لغه شبيهه بلغة الـ HTML التي يصمم بها صفحات الانترنيت
بالواب انتا ما تقدر تشوف مواقع الانترنيت العادية الا المواقع المصممه للنقال بلغة الـ WML
هذا مثال للغة الـ WML وهي لغه تظهر بالنقال بدون مشاكل

<wml>
<head><meta http-equiv="Cache-Control" content="max-age=30" forua="true" /></head>
<card id="card#CARTID#" title="#TITLE#">
#WMLBACK#
#PAGE#
#PREVNEXT#
</card>
</wml>

انتا تقدر تظيف مواقع لنقالك غير موقع نوكيا والاتصالات
انا ضايف موقع الـ msn.com موقع مهم هذا والياهو
انا عندي موقع شخصي واب على النت

الواب مو مشهور كثير ليش؟ لأن الرسوم بسيطه فيه بدون الوان والنصوص قليله فيه ولهذا ما حقق النجاح الكبير
لأن الناس تبي الانترنيت على النقال

انا ادخل بالواب فقط لأشيك على اسهمي

بخصوص الـ GPRS هذي خدمة حديثه و اشتراكها 9.500 بالشهر وانا مو مشترك فيها لأن نقالي قديم ما يعرف الـGPRS!
معلوماتي قليله عنها اللي اعرفه انه اسرع وافضل من الواب وتقدر ترسل صور ملونه وصوت

**(¯·._)F.M(¯·._)** · 25-12-2002, Wed 9:25 PM

انا قمت باضافه موقع msn.com عن طريق خدمات >>>> علامات>>>>> علامه جديده ..... وحاولت افتح الموقع .... وجربت الواب وجربت ال GPRS

وماعطاني نتيجه ....وكلمت خدمة العملاء وقالوا مستحيل يفتح موقع غير الاتصالات ونوكيا ..
او الشغله يبيلها برمجه معينه ....

تحياتي

وسلملم

**أسامة** · 25-12-2002, Wed 9:41 PM

شـوف.. طول بالك
انا ما ادري شنو نقالك
انا نقالي المستشار القديم
ولكي اضيف موقع واب له اعمل التالي:
من القائمة الرئيسية اختار services
وبعدين اختار bookmarks
وبعدين اضغط زر options
واختار Add bookmark
وبعدها اكتب هالعنوان هذا http://mobile.msn.com
وبعدين اضغط ok
وبعدين اكتب اسم الموقع msn.com

وبعدين روح للقائمة الرئيسية بنقالك واختار services
وبعدين اختار bookmarks
ودور الموقع اللي خزنته اللي هو msn.com
واضغط زر الاتصال وبــس

**الغنى** · 25-12-2002, Wed 9:44 PM

اليوم نزل تلفون جديد اسمة كيوتك عبارة عن تلفون +كومبيوتر مدموجين ببعض شركة فونو نزلتة بسعر 258 دينارأحسن من الكومنيكيتر

ترى ماهو دعاية

**(¯·._)F.M(¯·._)** · 26-12-2002, Thu 1:56 AM

نورت المحكمه يا اسامه

بصراحه انا شاكر لك بشكل ماتتصوره خدمه جباره كنا غافلين عنها يعطيك الف الف الف عافيه .
وجميع خدمات ال msn متوفره من ايميل وغيره .
ومادام الخدمه بهالشكل انا انصحك تبيع الجهاز اللي عندك وتشتري جهاز فيه grps وبلوتووث وتشترك بخدمة الgrps ب 9.5 بالشهر وتتصفح اسرع ومجانا مهما طولت لان العمليه يبيلها قعده خاصه اذا الجهاز مو عندك ومعزوم على عرس وتحاتي شصار مع السوق .

بس الخلل كان هنيه -------->>>> http://mobile.msn.com

لانك ماوضحتها اول مره والاتصالات حشاك ( ...... ) الله يكرم السامع ..... عجزت وانا اقول لهم على الخدمه واليوم واحده ب 107 تقولي مستحيل ... مايصير ... وانا اللي مصدق ههههه

مشكور عزيزي مره ثانيه واتمنى لك فيري نايس ترادينك

تحياتي

سلملم

**(¯·._)F.M(¯·._)** · 26-12-2002, Thu 2:03 AM

والله العظيم لما خلصت المقاله اللي فووووق على طول نزلت الصفحه هذي على الجهاز ياخي اخاف سحره

..............................................سحره .........................................

**(¯·._)F.M(¯·._)** · 26-12-2002, Thu 12:09 PM

وانا قاعد اتعبث بالخدمه اكتشفت مواقع بالهبل مضافه للتصفح من قبل الشركه لمواقع عديده منها الياهو والهوت ميل و اي سغنال والستوك بوينت وهو اهمها لان عندهم خدمة االشارت والاسعار لجميع الاسهم في مختلف اسواق العالم .
حتى السوق الباكستاني موجووود ...

بس في القسم الانجليزي موتروحون على العربي ...

شاكر لكم يااسامه والقادم اللي فتحتوا عيونا على هالخدمات الجباره .

تحياتي

**saad** · 02-07-2003, Wed 6:09 PM

الرسالة الأصلية كتبت بواسطة (¯·._)F.M(¯·._)
وانا قاعد اتعبث بالخدمه اكتشفت مواقع بالهبل مضافه للتصفح من قبل الشركه لمواقع عديده منها الياهو والهوت ميل و اي سغنال والستوك بوينت وهو اهمها لان عندهم خدمة االشارت والاسعار لجميع الاسهم في مختلف اسواق العالم .
حتى السوق الباكستاني موجووود ...

أخ fm

ولا عليك أمر إذا ممكن تكتب اللينك حق المواقع السابقة وخاصة ستوك بوينت