كنت اظن وكنت اظن وخاب ظني مابقى برصيدي شيء وانتهيت

**المساهماتي** · 03-03-2006, Fri 3:50 PM

المواشي كلها مشتاقة لك

والقصيم اللي انرسم فيها خيالك

واللجين اللي سرى بروحي وجالك

ماهو بس عمو فتيحي

المواشي كلها مشتاقة لك

المصافي ماتذكرني بشيء

حتى صدق ومعدنيه فيها شيء

لو تغيب الجوف نادك ماتغيب

شوف حايل آآآه من تطري علي

المواشي كلها مشتاقه لك

المؤشر من نزوله ذاب فيني كل صوت

والتذبذب من جنانه ارتعد فيني السكوت

صرت خايف لا تجيني

نسبة يقفل فيها عرضي

وكل اموالي تروح

آه آه ...آه لو تدري حسابي

كيف ايامي بدونك

تبقى في البنك وتروف

آه آه ...آه من ثمار وين الثمار

وانا قلبي من نزل ماعرف طعم الأمان

ليش كل ماجيت اسأل هالجهاز

أسمع الشاشة تقول

ماهو بس عمو فتيحي

المواشي كلها مشتاقة لك

المبالغ اللي ضحيت انا فيها

مقترض منها وأبيها

بس لكن مالقيت

جيت قبل العصر يبرد

قبل حتى يذوب في جنح الظلام

واشتريت

كنت اظن السوق جامد

يرتفع لو بس شوي

كنت اظن الربح واجد

وآخذ معهم شوي

وكنت اظن وكنت اظن

وخاب ظني

مابقى برصيدي شيء

وانتهيت

**الرويلي** · 03-03-2006, Fri 3:59 PM

هههههههههههه

والله حلوة

**alrajel** · 03-03-2006, Fri 4:00 PM

اول نسخه منقوله تكون احلى من النسخة الاصل

**أبو حمود** · 03-03-2006, Fri 4:02 PM

حلوووووووووووووه

تسلم على هالتركيبة
هالأغنية لي معها ذكريات حلوه
تحــــــــــاتــــــــــي..

**رحال** · 03-03-2006, Fri 4:04 PM

ابداع يا المساهماتي

**المحترم** · 03-03-2006, Fri 4:05 PM

رااااااااااااااااااااائع يابوفيصل

**hodoood** · 03-03-2006, Fri 4:11 PM

ههههههههههههه يسلمو
جبتها على الجرح وكانك مادريت

**azeiz** · 03-03-2006, Fri 4:14 PM

رائع أخي المساهماتي

(( والمواشي كلها مشتاقة لك ))

**جور الأيام** · 03-03-2006, Fri 4:26 PM

والله روعة

**Freeman** · 03-03-2006, Fri 4:30 PM

حلوه صح لسانك

**فيصل العتيبي** · 03-03-2006, Fri 5:32 PM

راااااائع ابو فيصل
اشهد ان المواشي سهم ينشد به الظهر صار حديث المجالس السنة هذي
هو طالع حديث وهو نازل حديث

**سوبرمان** · 03-03-2006, Fri 5:44 PM

رااااااااااااااائع والله رااااااااااااائع

**وسيع البال** · 03-03-2006, Fri 5:46 PM

حلوه راااااااااااااائع

**الرزين** · 03-03-2006, Fri 5:51 PM

فعلا المواشي مشتاقة لك على نزولها تحت بس ما فيه احد يبغاها الحين

**عمار** · 03-03-2006, Fri 5:53 PM

كل شيء صوابي يذكرني بشيء

حتى ضحكت والله فيها شيء

**دانة نجد** · 03-03-2006, Fri 5:55 PM

رائعه جدا ... وأروع مافيها أنها من المساهماتي ثقة الثقات...

**الخليج العربي** · 03-03-2006, Fri 5:57 PM

ايه ..ايه.. الله المستعان حسبي الله عليهم لعبو بعقولنا وخلونا نهلوس والله اني صرت احلم بشركاتي مقفلة نسب فوق واذا قمت اشوف العكس
لكن تسلم يالمساهماتي على هذه الدرر في وقت العصر بعد الظهر ومع ألف شكر

**$ تريليون $** · 03-03-2006, Fri 5:59 PM

تسلم على الكلمات الروعه...

**مي ad** · 03-03-2006, Fri 6:11 PM

كنت اظن وكنت اظن وخاب ظني مابقى برصيدي شيء وانتهيت

هيضتني رائعه و تسلم والله
ليتهم يقرونها اللي كانو السبب
لا عدمناك

**شايع العتيبي** · 03-03-2006, Fri 6:27 PM

الله لا يوفق المتسبب الله لايوفقه دنيا واخره

**نصف الشهر** · 03-03-2006, Fri 6:27 PM

ياليت أبو نورة يغنيها. يعني كم يطلع لك نسبة منها. أتوقع راح تترك هالأسهم و تشتغل مع ابو نورة.

**ولد نجد2006** · 03-03-2006, Fri 6:51 PM

حلوهههههههههههه السوق خلاك شاعر يابوفيصل ..

**المساهماتي** · 03-03-2006, Fri 11:35 PM

اشكر الجميع على حسن ردودهم

وعسى غيرنا جو عليكم اليوم

**نوماس.** · 03-03-2006, Fri 11:41 PM

حسبي الله على من كان السبب

**الريمي** · 03-03-2006, Fri 11:43 PM

يا أبو فيصل دمت لنا . . أجمل ما قرأت من نزول السوق حتى اليوم

هونتها علينا الله يهونها عليك . .

**ذويبان** · 04-03-2006, Sat 12:10 AM

وين Anwar ?

يغيّر توقيعه بهالقصيده الحلوه؟

.

**الجوال نت** · 04-03-2006, Sat 12:16 AM

ولو المساهماتي الحس مخه

امزح والله انك جامعها اسهم وشعر

**kigi** · 04-03-2006, Sat 12:33 AM

ههههههههههههههههههههههه

حلوووووووووووووه

راس الحيه

جماز

ماله نصيب في القصيدة

**shart** · 04-03-2006, Sat 1:27 AM

أبو فيصصصصصصصصصل

رائع بحق

حسبنا الله ونعم الوكيل

**abobander** · 04-03-2006, Sat 1:36 AM

رائع رائع رائع

الموضوع: كنت اظن وكنت اظن وخاب ظني مابقى برصيدي شيء وانتهيت

أدوات الموضوع

بحث في الموضوع

تقييم هذا الموضوع

كنت اظن وكنت اظن وخاب ظني مابقى برصيدي شيء وانتهيت

المفضلات

المفضلات

ضوابط المشاركة