النوخذة يخرج عن صمته .. ويقول : أنا بعت !

[النوخذة]

أزعجني يا أخوان هالولد ..

أبغى كامري 2006.. أبغى كامري 2006 !

قلت يابن الحلال السوق نازل .. اصبر إلين يرتفع !

قال مهوب شغلي .. أنت وعدتني !

قلت شف : بس ترى لو تبي قيمة قطرة بنزين ماعطيتك ؟؟

قال : مو مشكلة .. آخذ من أمي !

وأقوم يا اخوان وأعرض لي 10 أسهم مصافي ..

ويجي المأخوذ .. ويلقطها !

قلت للولد : شفت .. خليت مضارب المصافي يتطمش على أبوك !

قال : بس يبوي إنت وعدتني !

قلت خير خير .. عطني كأس موية !

وما أمداه يجيب كأس الموية .. إلا والنوخذة حاط طلب 10أسهم

مصافي ..

- يبه وش سويت ؟؟

- أقول إنثبر .. أنا فكرت في الموضوع زين وقررت .. !

- وش قررت يبه .. ؟؟

- قررت .. وتأكدت .. وتيقنت ..

أن كامري 2007 أحسن من كامري 2006

[بزبوز]

أزعجني يا أخوان هالولد ..

أبغى كامري 2006.. أبغى كامري 2006 !

قلت يابن الحلال السوق نازل .. اصبر إلين يرتفع !

قال مهوب شغلي .. أنت وعدتني !

قلت شف : بس ترى لو تبي قيمة قطرة بنزين ماعطيتك ؟؟

قال : مو مشكلة .. آخذ من أمي !

وأقوم يا اخوان وأعرض لي 10 أسهم مصافي ..

ويجي المأخوذ .. ويلقطها !

قلت للولد : شفت .. خليت مضارب المصافي يتطمش على أبوك !

قال : بس يبوي إنت وعدتني !

قلت خير خير .. عطني كأس موية !

وما أمداه يجيب كأس الموية .. إلا والنوخذة حاط طلب 10أسهم

مصافي ..

- يبه وش سويت ؟؟

- أقول إنثبر .. أنا فكرت في الموضوع زين وقررت .. !

- وش قررت يبه .. ؟؟

- قررت .. وتأكدت .. وتيقنت ..

أن كامري 2007 أحسن من كامري 2006

ياحبيلك اشوى انه السوق مسكر والاكان بعت على العنوان وقل للولد لاعاد يتعودها والسنه الجايه رنج 2004

[الامير]

الله يقطع شيطانك يالنوخذه بس قلي الكامري اكسل والا مطور كخخخخخخخخخخخخخ

[كسبان جدا]

خوفي عليك يالنوخذه,,,,اخر شي ما تقدر تطلع له الا ترسل واقساط بعد.
طيعني طلع لك مرسيدس من قطر ارخص واحسن

[صديقك المخلص]

وصلت الرساله بارك الله فيك انا اشهد انك ما قصرت

[الدافور]

بس 2007 يبيله bmw كوبيه

ما هو بمعقول ولد الملياردير (ان شاء الله ) يركب كامري

الله يرزقك من كل باب تدخله

[ابوميار]

هههههههههههههههههه
أكيد ان الولد راح يبكي عند أمه لاكن أبغاك ترسلي ولدك عندي قريشات حاطها في المجموعة إنشاء الله توصل 2500 ويبشر ولدك بشبح مو كامري...

[المجازف]

( النوخذه) فاكهة المنتديات السعوديه.

والله بأنني أحرص على قراءة أي موضوع للنوخذه أكثر من مررره


المجازف

[Abu Fay]

اه أشوى

من هنا الى 2007 لابد تشتريله مايباخ مدري وش يسمونها ذي

[عمار]

يسلم لسانك على ها القصايد انت وبزبور

[bobayd]

والله ونستنا على الموضوع الله يسعدك ويفرحك



اخوكم / ابوعبيـــد

[ROYAL LOVER]

........


حلووووة منك ومن الولد - وكاس الماء والكامري بعد

رويال

[خالد الفهد]

ابي أسال بس ؟؟؟

فيه احد يقدر يمر من جنب مواضيعك ولايدخلها ؟؟؟؟

ما أظن

[عوض الكريم]

من ايام الالتيما 88
وهو كل سنه يقول السنه الجايه

[صالح الشايع]

خوفي عليك يالنوخذه,,,,اخر شي ما تقدر تطلع له الا ترسل واقساط بعد.
طيعني طلع لك مرسيدس من قطر ارخص واحسن

سبحان الله ... امس وانا اشرح له ...

[$ تريليون $]

ههههههههههههههههههههههههههههههه الله يوسع صدرك بالعافيه

مع ان السوق يجيب الهم لكن مواضيعك تخفف الشي الكثير

[بزبوز]

من ايام الالتيما 88
وهو كل سنه يقول السنه الجايه

متوقع انك نشبه خلاص رنج 2004 وانا اتوسطلك عندالوالد

[مالك2]

قل العارضين يشيلون العروض

لاتروح عليهم بس

[سهم أرامكو]

أقول يحمد ربه إن طلبه كامري 2006 وسته
وش فيها إذا تأخر سنة

أحسن من اللي يبي .. إكس فايف هذا ما ينفع معه إلا 2010

أعجبتني تصريفت المويه
ههههههههههههههههههههههههه

شكلي ابستخدمها كثير .. من اليوم ورايح

[swan lake]

انا اقول اشتري له كامري 2006 لكن في 2007

[كحيلان]

ههههه يا أبو مشاري الله يوسع صدرك بالعافيه ...

أجل وين راح الـbmw اللي بتشتريه من أرباح المتطوره .. !

أخاف يصير مثل المايباخ اللي بشتريه من الكهرباء ...

[خالد العمار]

والله وكثروا طلابك يا نوخذتنا
الولد موعود بالكامرى
وأنا موعود بالبشت
وكلنا قاضبينك بلسانك

والظاهر مهوب مصبرنا إلا كتاب الجاحظ عشان نحمد ربنا على اللى عندنا

[$الشمالي$]

ههههههههههههههههه

مشكور أخوي

[أموت في الاسهم]

ههههههههههههههههههههههه
حلوه خاصة اليوم السوق مضروب بسبب جمباز !!!!!!!!!!!!!

[زواع]

وش السالفة
قسم بالله ما فهمت شي
ياجماعة انزلوا لمستوانا وفهمونا وش المفهوم من كلام النوخذة الله يسلمكم جميع

[alkali]

اللـــــــه يــــــــــرزقـــــــــك ويـــوفقــــــــك يـــــــــاالنــــــــــــوخــــــــــــــــــذة


وصــــــــــــــــد ق اخوي مجـــــــــازف (أســد الســوق ) يـــــــــــــــــوم أطلـــق


عليـــك فــــــــــــاكهـــة المنتـــديات السعودية اللـــه يوفقكم جميعا ويوفق


جمــــــــــــيع المسلميــــــــــــــن

[& أبو ندى &]

أخاف 2007 تلحق 2006 وكنك يابو زيد ما غزيت !

[من قديم الزمان !!!]

• يالنوخذة " شيخنا " ماودك تحط ال 10 اسهم اللي في المصافي عندي الى 2007
• منها تبعد عن عينك لا تبيعها ومنها تبعد عن الولد تقول له ما هنا اسهم ياولدي
• " وجاك وجهي ما المسهم ابي بس اكشخ بهم قدام الشباب في المحفظة"

بالتوفيق

[asghamdi]

اخذت اليوم كم جالون من صافولا وقررت ابني بها بيت وقالوا لي تحتاج الجوالين تثبيت وبعد التفكير قررت اروح اخذاسمنت الجنوب والموعد انشاء الله نهاية الربع الاول

[الراجـي ربـه]

لله درك يالنوخذة
أشهد الله أني أحبك في الله
أسأل الله ان يبارك لك فيما آتاك وأن يغنيك من فضله