الى الاخوان بالكويت....

[أسامة]

في اي مكتبة بالكويت اجد كتب عن تجارة الاسهم الامريكية؟..
وشكراً..

[الهاجري]

اعتقد مكتبة العجيري ----) حولى

[أسامة]

أمـس كـنـت بمكتبة العجيري ويقولون لي: " أسفين الكتاب خلص"
ورحت مكتبة سي أن أن والمكتبات اللي جنبها ويقولون لا ما يوجد عندنا كتب عن الاسهم الامريكية
شاطرين فقط بكتب عن البوكيمون و الديجيمون...

[بوصالح]

الاخ اسامة يمكنك الذهاب للرابط التالي وستجد الاجابة على سؤالك انشاء الله

http://arab2invest.com/main5.html

[asdf]

الاخ اسامه.......بصراحة المعلومات اللي عندك اظن اكثر من اللي موجوده بالكتاب بفضل الاخوان بمنتدي المؤشر والخليج
المهم.....اذا تبي الكتاب ضروري مو مشكله اعطيك عندي نسخة ..... اذا كنت تبي الكتاب اصدار 2000 الاول..طبعا
.....انا حاضر بس اتصل علي اعطيك اياه

[hong_shong_bong]

أخوي أسامة

أنا اشتريت الكتاب من شركة التسهيلات
اووووه لا مو التسهيلات اقصد الدولية
اوووووووف ولا هذي اقصد بيت التمويل

شابكين معاي هذول الشركات مدري ليش ،،

أكبر مكتبة بالكويت هي " شركة المكتبات الكويتية " في مجمع المثنى الدور الأول أو السردات ( لا أذكر ) ولكن ،،
لا تتعب نفسك بالذهاب ،،
فقط ،، ارفع سماعة التلفون ،، واطلب رقمهم من البدالة " شركة المكتبات الكويتية " ثم اتصل بهم واسألهم ،،

ملاحظة ،، الشركة هذي رائعة ،، بها كتب كثيرة أجنبية وعربية وبها عن الأسهم كثير ،،

واذا ما مشى الحال معك ،، عطني خبر أعطيك كتابي

بس ملاحظة ،، لا تهتم جدا بالكتاب ،، اللي موجود بالكتاب = 1/20 من الموجود في المنتدى
فقط
استخدم ميزة البحث ،، وركز على موضوع واحد فقط ( لأنك راح تضيع بين المواضيع ) ، وشوف النتيجة ،، راح تكون محترف ،،
" على مسؤوليتي "

واذا الفضول ذبحك وما لقيت الكتاب بالسوق ،، ترى ماهو أغلى منك ( بس عطني رسالة خاصة ) ،،،،

[أسامة]

شكرا على تجاوبكم السريع
اخاف اشتري كتاب القى فيه معلومات للمبتدئين مثل كيف تفتح حساب اسهم وكيفية شراء وبيع السهم.. و..و..
ابي شيئ دسم... اي معلومات متعمقة والدسم هي المعلومات اللي بمنتديات الخليج والمؤشر.. اما الكتب التي عن الاسهم فمع الاسف اعتقد انها للمبتدئين..
وكما قال هونغ شونغ بونغ بأن المعلومات بالمنتديات افضل بكثير من الكتب..

[الغلبان]

كتابين فيهم معلومات ما يحلم فيها أحد منتدى المؤشر نت .. ومنتدى أعمال الخليج ..
وبخصوص الكتابين الموجودين فوق أنا قرأتهم وبصراحة ما فيهم 1% من الموجود في أحد المنتديين ..
خليك عن هذه الكتب، وعليك بهذه المنتديات .. وعليك بالبحث في أي موضوع تريده ..
وسلامتك

[أسامة]

مشكورين...
خلاص بطلت اشتري كتاب عن الاسهم..